సుధీర్ రియల్ లైఫ్ కష్టాలు తెలుసుకొని స్టేజ్ పై కన్నీరు పెట్టుకున్న రష్మీ... ఎప్పుడూ నవ్వించేవారు ఏడిపించేశారు

ఈ కోవకే చెందుతారు సుడిగాలి సుధీర్. బుల్లితెర సూపర్ స్టార్ గా వెలుగొందుతున్న సుధీర్ ఒకప్పటి కష్టాలు తలచుకుంటే ఎవరికైనా కన్నీళ్లు రావలసిందే. ఆకలి కడుపుతో గడిపిన నిద్ర లేని రాత్రులు సుధీర్ జీవితంలో చాలా ఉన్నాయి.
 

 
కాగా అనేక మందికి లైఫ్ ఇచ్చిన జబర్దస్త్ 350 ఎపిసోడ్ కి చేరుకోగా, టీమ్ లీడర్స్, కమెడియన్స్, జడ్జెస్ వేడుక చేసుకున్నారు. అదే సమయంలో ఒకప్పటి జబర్దస్త్ కమెడియన్స్ జీవితాలను స్కిట్స్ రూపంలో ఆవిష్కృతం చేశారు. 
 

మరుగుజ్జుగా పుట్టిన నరేష్ కి తన ఊరిలో జరిగిన అవమానాల గురించి నరేష్ స్కిట్ గా చేసి చూపించారు. వయసు పైబడినా ఎత్తు పెరగని నరేష్ పట్ల, సమాజం ఎంత చిన్న చూపు చూసిందో నరేష్ ఆవేదన పూర్వకంగా వెల్లడించారు. 

కాగా సుడిగాలి సుధీర్ లైఫ్ ని ఉద్దేశిస్తూ కెవ్వు కార్తీక్, ఇమ్మానియేల్ చేసిన స్కిట్.. యాంకర్ రష్మీ చేత కన్నీరు పెట్టించింది. 2012లో సినిమా అవకాశాల కోసం సుధీర్, గెటప్ శ్రీను పడిన కష్టాలు ఆ స్కిట్ లో చూపించారు. 

చేతిలో డబ్బులు లేక మూడు రోజులుగా అన్నం తినకుండానే పస్తులు పడుకున్న సుధీర్, శ్రీనుల ఒకప్పటి జీవితం స్కిట్ రూపంలో హృదయాలను కదిలించింది. నటుడు కావడానికి సుధీర్ పడ్డ కష్టాలను చూసిన రష్మీ కళ్ళ నుండి నీరు ధారలుగా కారాయి.

స్కిట్ ముగిసిన తరువాత కెవ్వు కార్తీక్.. రష్మీ అభిప్రాయం అడిగారు. పూర్తిగా ఎమోషనల్ అయిన రష్మీ నోటి వెంట కన్నీరు తప్ప మాటలు రాలేదు. సుధీర్ కష్టాల జీవితం ఆమె హృదయాన్ని ద్రవింప చేసింది.