IPL Prize Money: ఐపీఎల్ విన్నర్, రన్నరప్ టీమ్లకు ఎంత ప్రైజ్ మనీ లభిస్తుందో తెలుసా.?

IPL Prize Money: ఐపీఎల్ 2026 సీజన్ చివరి అంకానికి చేరుకుంది. అహ్మదాబాద్‌లోని నరేంద్ర మోదీ స్టేడియంలో డిఫెండింగ్ ఛాంపియన్ రాయల్ ఛాలెంజర్స్ బెంగళూరు (ఆర్‌సీబీ), గుజరాత్ టైటాన్స్ (జీటీ) మధ్య ఫైనల్ పోరు అభిమానులను ఉర్రూతలూగిస్తోంది. 

Image Credit : ANI

ఫైనల్‌లో గుజరాత్ స్కోర్ ఎంతంటే.?

టాస్ గెలిచిన ఆర్‌సీబీ కెప్టెన్ రజత్ పాటిదార్ ముందుగా బౌలింగ్ ఎంచుకున్నాడు. దీంతో బ్యాటింగ్‌కు దిగిన గుజరాత్ టైటాన్స్ నిర్ణీత 20 ఓవర్లలో 8 వికెట్లు కోల్పోయి 155 పరుగులు చేసింది. జట్టుకు వాషింగ్టన్ సుందర్ కీలక ఇన్నింగ్స్ ఆడుతూ అర్ధశతకంతో ఆకట్టుకున్నాడు. ఆర్‌సీబీ బౌలర్లలో రసిక్ సలామ్ మూడు వికెట్లు తీసి ప్రత్యర్థిని కట్టడి చేశాడు. కాగా త‌ర్వాత బ్యాటింగ్‌కు దిగిన బెంగ‌ళూరు టీమ్ దూకుడుగా ఆడుతోంది. విజయానికి 24 ప‌రుగుల దూరంలో ఉంది. ఈ నేప‌థ్యంలో ఛాంపియ‌న్‌గా గెలిచిన జట్టుకు ఎంత బ‌హుమ‌తి ల‌భిస్తుందో ఇప్పుడు తెలుసుకుందాం.

Image Credit : ANI

ఛాంపియన్ జట్టుకు రూ.20 కోట్ల బహుమతి

భారత క్రికెట్ నియంత్రణ మండలి (బీసీసీఐ) ఈసారి కూడా గత సీజన్ తరహాలోనే భారీ ప్రైజ్ మనీని కొనసాగిస్తోంది. ఐపీఎల్ 2026 ట్రోఫీని గెలుచుకున్న జట్టుకు రూ.20 కోట్ల నగదు బహుమతి అందజేయనున్నారు. ఫైనల్‌లో ఓడిపోయి రన్నరప్‌గా నిలిచే జట్టుకు రూ.12.5 కోట్ల ప్రైజ్ మనీ దక్కనుంది. లీగ్‌లో మూడో స్థానంలో నిలిచిన జట్టుకు కూడా ప్రత్యేక నగదు బహుమతి ప్రకటించనున్నారు.

Image Credit : ANI

వ్యక్తిగత అవార్డులకు కూడా భారీ నగదు

టోర్నీలో అత్యధిక పరుగులు చేసిన బ్యాటర్‌కు ప్రదానం చేసే ఆరెంజ్ క్యాప్ విజేతకు రూ.10 లక్షల నగదు బహుమతి లభిస్తుంది. అలాగే అత్యధిక వికెట్లు సాధించిన బౌలర్‌కు ఇచ్చే పర్పుల్ క్యాప్‌తో పాటు రూ.10 లక్షలు అందజేస్తారు. సీజన్ మొత్తంలో అత్యుత్తమ ప్రతిభ కనబరిచిన యువ ఆటగాడికి ఎమర్జింగ్ ప్లేయర్ అవార్డు కూడా ప్రకటిస్తారు.

Image Credit : ANI

అభిమానుల్లో ఉత్కంఠ

ఐపీఎల్ ఫైనల్ అంటే కేవలం ట్రోఫీ పోరే కాదు, కోట్ల రూపాయల ప్రైజ్ మనీ కోసం జరిగే సమరం కూడా. అందుకే విజేత ఎవరు అవుతారు, వ్యక్తిగత అవార్డులు ఎవరికి దక్కుతాయి అనే అంశాలపై అభిమానుల్లో ఉత్కంఠ నెలకొంది. ఫైనల్ ఫలితంతో పాటు ప్రైజ్ మనీ పంపిణీ కూడా ఈ సీజన్‌కు గ్రాండ్ ఫినిష్ ఇవ్వనుంది.