Heinrich Klaasen : కాటేరమ్మ కొడుకు క్లాసెన్ మాస్ జాతర.. కేకేఆర్ పై ఆరెంజ్ ఆర్మీ అరాచకం

Heinrich Klaasen : ఐపీఎల్ 2026లో హెన్రిచ్ క్లాసెన్ (52) మెరుపు హాఫ్ సెంచరీతో సన్‌రైజర్స్ హైదరాబాద్ 226 పరుగులు చేసింది. కేకేఆర్ ముందు 227 పరుగుల భారీ లక్ష్యాన్ని ఉంచింది.

Image Credit : Getty

ఈడెన్ గార్డెన్స్‌లో సన్‌రైజర్స్ పరుగుల వేట

ఐపీఎల్ 2026 సీజన్ 6వ మ్యాచ్‌లో సన్‌రైజర్స్ హైదరాబాద్ బ్యాటర్లు ఊచకోత కోశారు. కోల్‌కతాలోని ఐకానిక్ ఈడెన్ గార్డెన్స్ లో జరిగిన ఈ పోరులో టాస్ గెలిచిన కేకేఆర్ కెప్టెన్ అజింక్యా రహానే ముందుగా బౌలింగ్ ఎంచుకున్నాడు. అయితే రహానే నిర్ణయం తప్పు అయింది. హైదరాబాద్ ఓపెనర్లు పరుగుల వర్షం కురిపించారు. కేకేఆర్ బౌలర్ల పై విరుచుకుపడ్డారు. నిర్ణీత 20 ఓవర్లలో సన్‌రైజర్స్ 8 వికెట్ల నష్టానికి 226 పరుగుల భారీ స్కోరు సాధించింది. ముఖ్యంగా మిడిల్ ఓవర్లలో హెన్రిచ్ క్లాసెన్ ఆడిన మెరుపు ఇన్నింగ్స్ మ్యాచ్‌కే హైలెట్‌గా నిలిచింది.

Image Credit : ANI

హెడ్, అభిషేక్ పవర్ ప్లే విధ్వంసం

తొలి ఓవర్ నుంచే సన్‌రైజర్స్ ఓపెనర్లు ట్రావిస్ హెడ్, అభిషేక్ శర్మ ఆకాశమే హద్దుగా చెలరేగిపోయారు. కేవలం 6 ఓవర్ల పవర్ ప్లేలోనే ఈ జోడి ఒక వికెట్ నష్టానికి 84 పరుగులు రాబట్టింది. ట్రావిస్ హెడ్ 21 బంతుల్లో 6 ఫోర్లు, 3 సిక్సర్లతో 46 పరుగులు చేసి అవుటయ్యాడు. మరోవైపు అభిషేక్ శర్మ కూడా తక్కువ టైమ్ లోనే 21 బంతుల్లో 4 ఫోర్లు, 4 సిక్సర్లతో 48 పరుగులు సాధించి కేకేఆర్ బౌలర్లను వణికించాడు. కార్తీక్ త్యాగి ఈ ప్రమాదకరమైన జోడిని విడదీసి కేకేఆర్‌కు ఊరటనిచ్చాడు.

Image Credit : ANI

క్లాసెన్ మాస్ ఇన్నింగ్స్.. దిమ్మతిరిగే హాఫ్ సెంచరీ

వరుసగా వికెట్లు పడుతున్న సమయంలో క్రీజులోకి వచ్చిన హెన్రిచ్ క్లాసెన్ తనదైన శైలిలో విరుచుకుపడ్డాడు. కాటేరమ్మ కొడుకు కేకేఆర్ బౌలర్లపై విరుచుకుపడ్డాడు. కేవలం 35 బంతుల్లోనే 52 పరుగులు సాధించాడు. ఇతని ఇన్నింగ్స్‌లో 4 ఫోర్లు, ఒక సిక్సర్ ఉన్నాయి. ముఖ్యంగా స్పిన్నర్లను ఎదుర్కోవడంలో క్లాసెన్ అద్భుతమైన నైపుణ్యాన్ని ప్రదర్శించాడు. ఇన్నింగ్స్ ఆఖరి ఓవర్లో వరుస ఫోర్లతో తన హాఫ్ సెంచరీని పూర్తి చేసుకున్నాడు. క్లాసెన్ ఇన్నింగ్స్ వల్ల సన్‌రైజర్స్ ఒక దశలో తడబడినా మళ్లీ కోలుకోగలిగింది.

Image Credit : ANI

నితీష్ రెడ్డి సహకారం.. ముగింపు అమోఘం

క్లాసెన్‌కు యంగ్ ప్లేయర్ నితీష్ కుమార్ రెడ్డి అద్భుతమైన సహకారం అందించాడు. నితీష్ 24 బంతుల్లో 4 ఫోర్లు, ఒక సిక్సర్‌తో 39 పరుగులు చేసి స్కోరు బోర్డును పరుగులు పెట్టించాడు. వీరిద్దరూ కలిసి 5వ వికెట్‌కు కీలకమైన భాగస్వామ్యాన్ని నెలకొల్పారు. చివర్లో హర్ష్ దూబే కేవలం 3 బంతుల్లోనే 2 ఫోర్లతో 9 పరుగులు చేయడంతో హైదరాబాద్ భారీ స్కోరును చేరుకుంది. కోల్‌కతా బౌలర్లలో బ్లెస్సింగ్ ముజారబానీ 4 వికెట్లు తీసినప్పటికీ, భారీగా పరుగులు సమర్పించుకున్నాడు.

Image Credit : ANI

కేకేఆర్ ముందు కొండంత లక్ష్యం

సన్‌రైజర్స్ నిర్దేశించిన 227 పరుగుల లక్ష్యం ఈడెన్ గార్డెన్స్‌లో ఒక రికార్డు ఛేజింగ్ అని చెప్పాలి. కేకేఆర్ గెలవాలంటే ఓవర్‌కు సగటున 11.3 పరుగుల చొప్పున సాధించాల్సి ఉంటుంది. సన్‌రైజర్స్ తరఫున క్లాసెన్, హెడ్, అభిషేక్ మెరుపులు మెరిపించగా, కేకేఆర్ బౌలర్లు వైభవ్ అరోరా (2/47), కార్తీక్ త్యాగి (1/48) ఖరీదైన బౌలింగ్ చేశారు.