Astrology: సెప్టెంబ‌ర్ 13 నుంచి అక్టోబ‌ర్ 26 వ‌ర‌కు.. ఈ 4 రాశుల వారికి క‌ష్ట‌కాలం, జాగ్ర‌త్త‌గా ఉండాల్సిందే

Astrology: సెప్టెంబర్ 13 రాత్రి 09:21 గంటలకు కుజుడు తులారాశిలో ప్ర‌వేశిస్తున్నాడు. కన్య రాశి సంచారం పూర్తిచేసిన తర్వాత, శుక్రుని ఆధిపత్య రాశి అయిన తులలో అక్టోబర్ 26, 2025 వరకు కుజుడు నిలుస్తాడు. ఈ మార్పు 4 రాశుల వారిపై ప్ర‌భావం చూప‌నుంది. 

Image Credit : AI Generated

కుజుడు తులారాశిలోకి వెళ్తే ఏమ‌వుతుంది?

కుజుడు సహజంగా ఆగ్రహం, శక్తి, యుద్ధ స్వభావం కలిగిన గ్రహం. తుల రాశి శాంతి, సమతుల్యతకు సూచకం. వీటి స్వభావాలు పరస్పరం విరుద్ధంగా ఉండటంతో ఈ గోచారం కొన్ని రాశుల వారికి సమస్యలను కలిగిస్తుంది. శుక్ర ప్రభావం శాంతిని చూపుతుంటే, కుజ ప్రభావం ఉద్రిక్తతను పెంచుతుంది. అందువల్ల ఈ కాలంలో భావోద్వేగాలు, ఆరోగ్య సమస్యలు, సంబంధాలలో సమస్యలు తలెత్తే అవకాశాలు ఎక్కువగా ఉంటాయి.

Image Credit : Pixabay

మేషరాశి – సంబంధాలలో ఉద్రిక్తతలు

కుజుడు మీ 7వ ఇంట్లో సంచరిస్తాడు. ఈ కారణంగా దాంపత్య జీవితంలో తగాదాలు, భాగస్వామితో విభేదాలు పెరుగుతాయి. వ్యాపార భాగస్వామ్యాలపైనా ప్రతికూల ప్రభావం పడే అవకాశం ఉంది. కాబట్టి, ఈ సమయంలో మీరు సహనంతో వ్యవహరించడం, మాటలపై నియంత్రణ ఉంచుకోవడం చాలా ముఖ్యం.

Image Credit : AI Generated

కర్కాటకరాశి

కుజ సంచారం మీ 4వ ఇంట్లో జరగనుంది. దీని వలన మానసికంగా ఒత్తిడి పెరుగుతుంది. కుటుంబ వాతావరణం గంభీరంగా మారవచ్చు. ముఖ్యంగా తల్లితో విభేదాలు తలెత్తే అవకాశం ఉంది. ఈ సమయంలో గృహ సంబంధమైన ఖర్చులు కూడా పెరిగే అవకాశముంది. కాబట్టి ఆర్థికంగా, భావోద్వేగంగా జాగ్రత్త అవసరం.

Image Credit : Getty

తులారాశి

కుజుడు తులారాశిలోనే సంచరిస్తాడు. ఇది మీ ఆత్మవిశ్వాసాన్ని తగ్గించి, శారీరకంగా బలహీనతను కలిగించవచ్చు. తలనొప్పి, రక్తపోటు వంటి సమస్యలు ఎదురయ్యే అవకాశం ఉంది. అదేవిధంగా సంబంధాలు కూడా కఠిన పరీక్షలకు గురవుతాయి. ఈ కాలంలో శాంతిని కాపాడుకోవడం, ఒత్తిడి తగ్గించుకోవడం అత్యవసరం.

Image Credit : our own

కుంభరాశి

కుజుడు మీ 9వ ఇంట్లో సంచరిస్తాడు. మీరు ఎంత క‌ష్ట‌ప‌డ్డా తగిన ఫలితాలు రావు. ఆర్థిక పరిస్థితి బలహీనపడే అవకాశం ఉంది. మానసిక సమస్యలు కూడా పెరుగుతాయి. ప్రయాణాలు విఫలమయ్యే లేదా ఆలస్యమయ్యే అవకాశం ఉంది. ఈ కాలంలో మీరు తొందరపడి నిర్ణయాలు తీసుకోవ‌డం అంత మంచిది కాదు. ఆచితూచి నిర్ణ‌యాలు తీసుకోవాలి.