Viral Video: పార్కులో ప్రేమ జంట చేసిన పనికి అంతా షాక్.. వైరల్ అవుతోన్న వీడియో
Viral Video: ప్రేమ జంటలు పార్కుల్లో సందడి చేస్తారన్న విషయం తెలిసిందే. అయితే సాధారణంగా ముద్దు, ముచ్చట్లు లాంటి సన్ని వేశాలు కనిపిస్తాయి. కానీ పార్కులో జంట చేసిన పని మాత్రం అందరినీ షాక్కి గురి చేసింది. ఇంతకీ ఏం జరిగిందంటే.?
పార్కులో ఊహించని సంఘటన
కర్ణాటక రాష్ట్రంలోని దావణగెరె పట్టణంలో ఉన్న వాటర్ ట్యాంక్ పార్క్లో ఓ యువకుడు–యువతి మధ్య జరిగిన గొడవ వీడియో ఇప్పుడు సోషల్ మీడియాలో వైరల్గా మారింది. సాధారణంగా ఇలాంటి ప్రదేశాల్లో జంటలు ప్రేమగా మాట్లాడుకుంటూ గడపడం చూస్తాం. కానీ ఇక్కడ మాత్రం పరిస్థితి వేరుగా మారింది.
డబ్బు వివాదమే కారణం
ఈ గొడవకు కారణం ఆర్థిక సమస్య అని చెబుతున్నారు. హుబ్లీకి చెందిన యువకుడు, హరపనహళ్లి ప్రాంతానికి చెందిన యువతితో గత కొన్ని రోజులుగా స్నేహం చేస్తున్నాడు. ఈ స్నేహం ప్రేమగా మారిన క్రమంలో ఆమెను నమ్మించి ఆమె ఆభరణాలను తనాకా పెట్టి ప్రైవేట్ బ్యాంక్ నుంచి రుణం తీసుకున్నాడని సమాచారం. యువకుడు రుణం చెల్లించినా, ఆ డబ్బు తన దగ్గరకు రాలేదని యువతి ఆరోపించడంతో వాగ్వాదం మొదలైంది.
వాగ్వాదం నుంచి ఘర్షణ
ప్రజల ముందే మాటల తూటాలు తీవ్రంగా మారాయి. చివరికి ఇద్దరూ ఒకరినొకరు తోసుకోవడం, కొట్టుకోవడం ప్రారంభించారు. ఈ సమయంలో యువకుడు యువతిని జుట్టు పట్టుకుని దాడి చేయడానికి యత్నించాడు. ఈ దృశ్యాలు అక్కడున్న వారిలో ఆందోళన కలిగించాయి.
వీడియో వైరల్
స్థానికులు ఈ ఘటనను తమ మొబైల్ ఫోన్లలో రికార్డ్ చేసి సోషల్ మీడియాలో షేర్ చేశారు. కొద్దిసేపట్లోనే వీడియో పెద్ద ఎత్తున వైరల్ అయ్యి చర్చనీయాంశమైంది. ఈ ఘటన దావణగెరె బడావానే పోలీస్స్టేషన్ పరిధిలో జరిగినా, ఇప్పటి వరకు ఎలాంటి ఫిర్యాదు నమోదు కాలేదని పోలీసులు తెలిపారు. అయితే, పబ్లిక్ ప్రదేశంలో ఇలాంటి సంఘటన జరగడం చట్టం, క్రమశిక్షణపై అనేక ప్రశ్నలు లేవనెత్తుతోంది.