Visakhapatnam: బాబోయ్.. నడి సముద్రంలో 11 అంతస్తుల మేడ.. 3 రోజులు ఎంజాయ్ చేసే ఛాన్స్.. కార్డేలియా క్రూయిజ్ వచ్చేస్తోంది !

Visakhapatnam Cordelia Cruise : విశాఖపట్నం నుంచి జూన్ 22 నుండి కార్డేలియా క్రూయిజ్ విహార యాత్రలు ప్రారంభం కానున్నాయి. 3 రాత్రుల లగ్జరీ ప్రయాణానికి సంబంధించిన పూర్తి షెడ్యూల్, ధరల వివరాలు మీకోసం.

Image Credit : Gemini

వైజాగ్ వీకెండ్ వైబ్స్ మార్చేయడానికి లగ్జరీ నౌక వచ్చేస్తోంది !

రోజువారీ ఆఫీస్ టెన్షన్లు, రొటీన్ లైఫ్ బోర్ కొట్టేసిందా? ఫ్రెండ్స్ లేదా ఫ్యామిలీతో కలిసి ఎటైనా లాంగ్ ట్రిప్ వెళ్లాలని ప్లాన్ చేస్తున్నారా? అయితే మీకోసం ఏపీ టూర్స్ అండ్ ట్రావెల్స్ అసోసియేషన్ ఒక అదిరిపోయే గుడ్ న్యూస్ తీసుకొచ్చింది. ప్రపంచ స్థాయి విలాసవంతమైన లగ్జరీ నౌక 'కార్డేలియా క్రూయిజ్' (Cordelia Cruise) మళ్లీ మన విశాఖపట్నం సముద్ర తీరానికి వచ్చేస్తోంది. సముద్రం మధ్యలో మూడు రాత్రులు గడుపుతూ, ఎంజాయ్ చేయాలనుకునే టూరిస్టుల కోసం సరికొత్త షెడ్యూల్ రెడీ అయిపోయింది. ఈ క్రూయిజ్ టూర్ విశేషాలు, రూట్ల వివరాలు, అసలు టికెట్ ధరలు ఎలా ఉన్నాయో ఇప్పుడు చూద్దాం.

Image Credit : our own

జూన్ 22 నుంచే సముద్ర విహారం.. షెడ్యూల్ ఇదే

ఆంధ్రప్రదేశ్ టూరిజం ఫోరమ్ ప్రెసిడెంట్ కె. విజయ్ మోహన్ తెలిపిన వివరాల ప్రకారం.. కార్డేలియా క్రూయిజ్ తన ఈస్ట్ కోస్ట్ జర్నీని జూన్ 22 నుండి ప్రారంభించనుంది. ఈ విహార యాత్రలు జూలై 15వ తేదీ వరకు టూరిస్టులకు అందుబాటులో ఉంటాయి. ఈ సీజన్‌లో విశాఖపట్నం నుండి చెన్నైకి నాలుగు సార్లు, అలాగే చెన్నై నుండి విశాఖపట్నానికి నాలుగు సార్లు ఈ భారీ నౌక ప్రయాణిస్తుంది. సాధారణంగా ఈ టూర్ ప్యాకేజీలు 3 రాత్రులు 4 రోజులు కాలపరిమితితో సాగుతాయి. అయితే పర్యాటకుల ఇష్టాన్ని బట్టి చెన్నై టు వైజాగ్ 2 రాత్రుల వన్ వే ట్రిప్, వైజాగ్ టు చెన్నై (పుదుచ్చేరి మీదుగా) 3 రాత్రుల వన్ వే ట్రిప్ లేదా ఈ రెండు పోర్టులను కలుపుతూ 5 రాత్రుల రౌండ్ ట్రిప్ ఆప్షన్లను ఎంచుకోవచ్చు.

Image Credit : X@worldbitwave

11 అంతస్తుల సముద్రపు కోట.. లోపల అంతా క్రేజీ ఎంటర్‌టైన్‌మెంట్

కార్డేలియా ఎంప్రెస్ (Cordelia Empress) అనే ఈ లగ్జరీ షిప్ పొడవు 692 అడుగులు కాగా, దీని బరువు 48,563 టన్నులు. ఈ భారీ నౌకలో మొత్తం 11 అంతస్తులు ఉంటాయి. ఇందులో ఏకంగా 796 క్యాబిన్లు ఉన్నాయి. ఒకేసారి 1,592 మంది నుండి 1,950 మంది ప్రయాణికులు ఇందులో ప్రయాణించవచ్చు. విశాఖ నుండి బయల్దేరి పుదుచ్చేరి మీదుగా చెన్నై చేరుకునే ఈ 36 గంటల సాగర ప్రయాణంలో వినోదానికి అసలు కొదవే లేదు. ఇంటర్నేషనల్ స్టాండర్డ్ థియేటర్లు, అదిరిపోయే కామెడీ షోల కోసం ప్రత్యేక ఆడిటోరియం, లైవ్ మ్యూజిక్ ఈవెంట్లు ఇక్కడ స్పెషల్ అట్రాక్షన్.

Image Credit : X/MissionAndhra

క్యాసినో నుండి కిడ్స్ అకాడమీ దాకా.. అన్నీ ఇక్కడే

ఈ క్రూయిజ్‌లో కేవలం పెద్దలకే కాదు, పిల్లల కోసం 'కార్డేలియా కిడ్స్ అకాడమీ' ప్రత్యేకంగా ఉంది. హెల్త్ కాన్షియస్ ఉన్నవారి కోసం మోడ్రన్ జిమ్, ఎండలో సేదతీరడానికి స్విమ్మింగ్ పూల్, సాహసాలు ఇష్టపడే వారి కోసం రాక్ క్లైంబింగ్ వాల్, లక్ చెక్ చేసుకోవడానికి క్యాసినో, స్పా సౌకర్యాలు కూడా ఉన్నాయి. అంతేకాదు, నౌకలో 4 విలాసవంతమైన డైనింగ్ హాల్స్, 9 బార్ అండ్ లాంజ్‌లు, 24 గంటల పాటు అందుబాటులో ఉండే సూపర్ మార్కెట్, ప్రపంచ స్థాయి వంటకాలతో కూడిన రెస్టారెంట్లు ప్రయాణికులకు సరికొత్త రాయల్ ఫీలింగ్‌ను ఇస్తాయి.

Image Credit : x/DealsDhamaka

బడ్జెట్ ఫ్రెండ్లీ నుండి అల్ట్రా లగ్జరీ వరకు.. టికెట్ ధరల వివరాలు

కార్డేలియా క్రూయిజ్‌లో మీరు ఎంచుకునే రూమ్ కేటగిరీని బట్టి టికెట్ ధరలు మారుతుంటాయి. నౌకలో మొత్తం 5 రకాల క్యాబిన్ కేటగిరీలు అందుబాటులో ఉన్నాయి.

• ఇంటీరియర్ క్యాబిన్: తక్కువ బడ్జెట్‌లో ప్రయాణించాలనుకునే వారికి ఇది బెస్ట్ ఆప్షన్. సాధారణంగా ఒక వ్యక్తికి ప్రారంభ ధర రూ. 22,000 నుండి రూ. 25,000 వరకు ఉంటుంది.

• ఓషన్ వ్యూ క్యాబిన్: రూమ్ కిటికీలో నుంచే అంతులేని సముద్ర అందాలను వీక్షించవచ్చు.

• బాల్కనీ, సూట్ రూమ్స్: అత్యంత విలాసవంతమైన ప్రైవేట్ బాల్కనీ సౌకర్యంతో ఇవి ఉంటాయి. డిమాండ్‌ను బట్టి వీటి ధరలు రూ. 80,000 పైగా ఉంటాయి.

కార్డేలియా క్రూయిజ్ ప్రెసిడెంట్ అండ్ సీఈఓ జుర్గెన్ బైలోమ్ మాట్లాడుతూ.. విశాఖపట్నం కేవలం ఒక పర్యాటక ప్రాంతంగానే కాకుండా, క్రూయిజ్ ప్రయాణాలకు ఒక ప్రధాన కేంద్రంగా ఎదుగుతోందని ఆశాభావం వ్యక్తం చేశారు. ఫ్యామిలీస్, ఫ్రెండ్స్ గ్రూప్స్‌కు ఈ జర్నీ ఒక మరువలేని జ్ఞాపకంగా నిలుస్తుంది. ఆసక్తి గలవారు కంపెనీ అధికారిక వెబ్‌సైట్‌లో టికెట్లు బుక్ చేసుకోవచ్చు.