Insurance: బీమా అంటే ఏంటి? లాభాలున్నాయా? ఇన్సూరెన్స్‌లో ఎన్ని రకాలున్నాయి.? ఏది తీసుకోవాలి. సమగ్ర సమాచారం

బీమా.. ఈ పేరును ప్రతీ ఒక్కరూ వినే ఉంటారు. అయితే ఇప్పటికీ మనలో చాలా మంది ఇన్సూరెన్స్ తీసుకోని వారు ఉంటారు. అయితే ప్రతీ ఒక్కరికీ ఇన్సూరెన్స్ కచ్చితంగా ఉండాలని ఆర్థిక నిపుణులు చెబుతుంటారు. ఊహించని ఆర్థిక నష్టాలను ఎదుర్కోవడంలో బీమా అండగా నిలుస్తుంది. ఈ నేపథ్యంలో అసలు జీవిత బీమా అంటే ఏంటి.? దీని ఉపయోగాలు ఉంటి.? ఎవరికి అవసరం లాంటి వివరాలు ఇప్పుడు తెలుసుకుందాం..   

బీమా అంటే ఏంటి.? 

బీమా గురించి ఒక్క మాటలో చెప్పాలంటే బీమా చేసిన వ్యక్తి, బీమా కంపెనీ మధ్య ఏర్పాటు చేసుకునే ఒక చట్టబద్ధమైన ఒప్పందం. అనివార్య కారణాల వల్ల జరిగే నష్టాన్ని బదిలీ చేయడానికి, తగ్గించడానికి బీమా అనే కాన్సెప్ట్‌ను తీసుకొచ్చారు. బీమాలో సహజంగా పాలసీదారుడు కొంత మొత్తంలో ప్రీమియంను చెల్లిస్తారు. కాంట్రాక్ట్‌లో నిర్దేశించిన విధంగా ఆకస్మిక పరిస్థితుల్లో తలెత్తే సమస్యలకు నష్టపరిహారాన్ని అందిస్తారు. ఈ ఫ్రేమ్‌వర్క్ ఆర్థిక భారాలను క్రమపద్ధతిలో భర్తీ చేయడానికి వీలు కల్పిస్తుంది. 

బీమా అవసరం ఏంటి.? 

ఆర్థిక నష్టాలను తగ్గించడం: ప్రకృతి వైపరీత్యాల కారణంగా సర్వస్వం కోల్పోయిన ఓ ఇంటి యజమానిని ఉదాహరణగా తీసుకుందాం. ఒకవేళ సదరు యజమానికి ఎలాంటి బీమా లేదనుకుంటే అతను ఇంటి మరమ్మత్తు కోసం లక్షల రూపాయాల్లో ఖర్చు చేయాల్సి ఉంటుంది. అయితే సరైన బీమా ఉంటే అది యజమాని ఆర్థిక భారాన్ని భర్తీ చేస్తుంది. సకాలంలో ఇంటి పునర్మిణానికి అవసరమైన నిధులను అందిస్తుంది. 

ప్రశాంతత కోసం: సాధారణంగా ఏదైనా వ్యాపారి వ్యాపారం ప్రారంభించే ముందు ప్రమాదాల గురించి ఆందోళన చెందుతుంటారు. దీంతో మానసిక ప్రశాంతత కరువవుతుంది. అయితే బిజిసెన్‌ ఇన్సూరెన్స్ తీసుకుంటే ఎలాంటి నష్టం వచ్చినా సంబధిత ఇన్సూరెన్స్ కంపెనీలు ఆ నష్టాన్ని భర్తీ చేస్తాయి. 

ఆరోగ్యానికి: ఒక మధ్య తరగతి వ్యక్తి రోజురోజు కష్టపడి కూడబెట్టిన సొమ్ము ఏదైనా అనుకోని అనారోగ్యం వస్తే ఒక్క దెబ్బకు ఖర్చు అయి పోతుంది. ఇది వారి ఆర్థిక స్థిరత్వాన్ని దెబ్బతీసే ప్రమాదం ఉంటుంది. ఇలాంటి సమయాల్లో ఆరోగ్య బీమా తీసుకున్న వారికి ఎలాంటి ఢోకా ఉండదు. వారు దాచుకున్న సొమ్ముకు భద్రత కల్పిస్తుంది. 

కొంగొత్త ఆలోచనలకు: కొత్తగా ఏదైనా ప్రారంభించాలని చాలా మందిలో ఉంటుంది. అయితే నష్టాలు వస్తాయని భయపడి వెనుకడుగు వేస్తుంటారు. అయితే రెస్పాన్సిబుల్ ఇన్సూరెన్స్‌, పాలసీ కవరేజీ ద్వారా ప్రతికూల ఫలితాల రిస్క్‌ను తగ్గించవచ్చు. దీంతో కొత్తగా ప్రయత్నించి నష్ట పోయినా పెద్దగా ఇబ్బందులు ఉండవు. 

ఆర్థిక నష్టాలను తగ్గించడం: ఆర్థిక అనిశ్చితులను ముందస్తుగా పరిష్కరించడం ద్వారా.. ప్రమాదాలు, ఆరోగ్య సంక్షోభాలు, ప్రకృతి వైపరీత్యాల వంటి సంఘటనల వల్ల జరిగే నష్టాన్ని తగ్గించడంలో భీమా ఉపయోగపడుతుంది. 

ఇన్సూరెన్స్‌ రకాలు. 

బీమాల్లో రకరకాలు ఉంటాయి. వీటిలో వ్యక్తులు కేంద్రీకృతంగా ఉంటే మరికొన్ని సంస్థలకు వర్తించేవి ఉంటాయి. పలు రకాల బీమాల గురించి ఇప్పుడు తెలుసుకుందాం. 

జీవిత బీమా..

జీవిత బీమా పాలసీలు పాలసీదారు మరణించినప్పుడు వారిపై ఆధారపడిన వారి ఆర్థికంగా అండగా నిలిచేందుకు ఉపయోగపడతాయి. ఇందులో కూడా పలు రకాల ఇన్సూరెన్స్‌ స్కీమ్స్‌ ఉన్నాయి. 

టర్మ్ ఇన్సూరెన్స్: బీమా దారుడి కుంటుంబ భవిష్యత్తును సురక్షితంగా ఉంచేందుకు టర్మ్‌ ఇన్సూరెన్స్ ఉపయోగపడుతుంది. బీమా తీసుకున్న వ్యక్తి అకాల మరణంతో సంభవిస్తే కుటుంబ సభ్యుల ఖర్చులతో పాటు పిల్లల చదువులను ఈ పాలసీ కవర్‌ చేస్తుంది. 

మొత్తం జీవిత బీమా: పదవీ విరమణ తర్వాత వచ్చిన సొమ్మును పెద్ద మొత్తంలో బీమాలో పెడుతారు. ఇది వారసులకు ఆర్థిక స్థిరత్వాన్ని అందిస్తుంది. 

యూనిట్ లింక్డ్ ఇన్సూరెన్స్ ప్లాన్‌లు (ULIPలు): యూలిప్స్‌జీవిత బీమాతోపాటు పెట్టుబడుల ద్వారా సంపద సృష్టికి సహాయపడుతుంది. ఇందులో మీరు చెల్లించే ప్రీమియంలో కొత్త మొత్తాన్ని జీవిత బీమాకు మిగతా మొత్తాన్ని పెట్టుబడులకు మళ్లిస్తారు.

ఎండోమెంట్ పాలసీలు: ఇది డ్యూయల్ ఫంక్షన్‌తో వచ్చే జీవిత బీమా. ఇందులోనూ పాలసీదారుడు అకాల మరణం పొందితే కుటుం సభ్యులకు బీమా మొత్తాన్ని అందజేస్తారు. 

మనీ-బ్యాక్ ప్లాన్‌లు: వీటిని వ్యాపార యజమానులు తీసుకుంటారు. ఆర్థిక రక్షణను కొనసాగిస్తూనే వర్కింగ్‌ క్యాపిటల్‌గా ఉపయోగిస్తారు. 

ఆరోగ్య బీమా: 

ఆరోగ్య బీమా సమగ్ర వైద్య ప్రమాద నిర్వహణ, చికిత్స ఖర్చులు, నివారణ సంరక్షణ, అత్యవసర పరిస్థితుల్లో ఆర్థిక నష్టాన్ని భర్తీ చేసేందుకు ఉపయోగపడతాయి. 

వ్యక్తిగత ఆరోగ్య విధానాలు: వ్యక్తిగత ఆరోగ్యానికి సంబంధించి అయ్యే ఖర్చుల కోసం ఈ పాలసీలను తీసుకుంటారు. అత్యవసర శస్త్ర చికిత్సలకు అయ్యే ఖర్చును ఇవి కవర్‌ చేస్తాయి. ఇది మీరు చేసుకున్న పొదుపై ప్రభావం పడకుండా చూసుకుంటుంది. 

ఫ్యామిలీ ఫ్లోటర్ స్కీమ్‌లు: చిన్న పిల్లలతో ఉన్న కుటుంబం ఫ్లోటర్ ప్లాన్‌ను సెలక్ట్‌ చేసుకుంటారు. దీని వల్ల సభ్యులందరూ ఒకే పాలసీ కింద కవర్ అవుతారు. దీంతో ఆరోగ్య ఖర్చులు తగ్గుతాయి 

క్రిటికల్ ఇల్‌నెస్ ఇన్సూరెన్స్: క్యాన్సర్‌ వంటి ప్రమాదకరమైన అనారోగ్యాల బారిన పడిన సమయంలో అధునాతన చికిత్సతోపాటు చికిత్సానంతరం అయ్యే ఖర్చులు ఈ పాలసీలో కవర్‌ అవుతాయి. 

టాప్-అప్ పాలసీలు: టాప్‌ అప్‌ పాలసీలు ఆసుపత్రుల్లో చేరిన సమయంలో అయ్యే ఎక్కువ ఖర్చులను కవర్‌ చేసేలా ఉపయోగపడతాయి. సీనియర్‌ సీటిజన్లకు పాలసీ కవర్‌ అయ్యేందుకు వీటిని తీసుకుంటారు. 

సీనియర్ సిటిజన్ల కోసం: వృద్ధ దంపతులు వైద్యపరమైన అత్యవసర పరిస్థితుల్లో ఆర్థికంగా సురక్షితంగా ఉండేలా చూసేందుకు, వయస్సు-సంబంధిత వ్యాధులను కవర్ చేయడానికి ఈ స్కీమ్‌ ఉపయోగపడుతుంది. 

వాహన బీమా కూడా చాలా ముఖ్యమైంది. ప్రమాదాలతో పాటు దొంగతనం వంటి సమస్యలు తలెత్తిన సమయంలో ఆర్థికంగా నష్టపోకుండా ఉండడంలో ఇలాంటి పాలసీలు ఉపయోగడతాయి. 

థర్డ్-పార్టీ లయబిలిటీ కవరేజ్: ప్రమాదానికి గురైన డ్రైవర్ తప్పనిసరి థర్డ్-పార్టీ లయబిలిటీ పాలసీ ద్వారా చట్టపరమైన, ఆర్థిక జరిమానాలను తప్పించుకోవచ్చు. 

కాంప్రెన్సివ్‌ పాలసీ: తుఫాను వంటి ప్రకృతి సమయాల్లో చెట్ల కారణంగా వాహనాలు దెబ్బతినడం ద్వారా జరిగే ఖర్చులను ఈ పాలసీ ద్వారా కవర్‌ చేసుకోవచచు. 

ప్రమాద బీమా: వాహనం ప్రమాదానికి గురైతే వాహనాల మరమ్మత్తుకు ఈ పాలసీ ఉపయోగపడుతుంది.

పర్సనల్‌ ఇంజ్యూరి ప్రొటెక్షన్‌ (PIP): కారు ప్రమాదంలో చిక్కుకున్న కుటుంబం ప్రయాణికులందరికీ వైద్య ఖర్చులను కవర్ చేయడానికి PIP పాలసీ ఉపయోగపడుతుంది. 

గృహ బీమా.. 

అనుకోని పరిస్థితులు ఎదురైన సమయంలో నివాస స్థలానికి సంబంధించి ఆస్తులను సంరక్షించడంలో ఈ పాలసీ ఉపయోగపడుతుంది. 

విద్యుత్‌ కారణంగా: విద్యుత్‌ ప్రసరణలో లోపం వల్ల అగ్ని ప్రమాం జరిగితే ఇటి నష్టానికి హౌజ్‌ ఇన్సూరెన్స్‌ పాలసీ కవర్‌ అవుతుంది. 

దొంగలు: ఇంట్లో ఏదైనా దొంగతనం జరిగితే విలువైన ఎలక్ట్రానిక్‌ వస్తువులు కోల్పోతే ఈ పాలసీ కవర్‌ అవుతుంది. 

యజమాని బీమా: ఒకవేళ అద్దెదారులు ప్రమాదవశాత్తు అగ్ని ప్రమాదానికి గురైతే ఆస్తి యజమానికి మరమ్మత్తుల కోసం ఈ ప్లాన్‌ కవర్‌ అవుతుంది. 

కౌలుదారు కవరేజ్: వరద సమయంలో దెబ్బతిన్న వ్యక్తిగత వస్తువులకు కౌలుదారు బీమా పాలసీ పరిహారం ఇస్తుంది.

ప్రయాణ బీమా..

తరచూగా ప్రయాణాలు చేసే వారు, లేదా ప్రయాణాల్లో ఊహించని సందర్భాలు ఎదుర్కొనే వారికి ఈ పాలసీ ఉపయోగపడుతుంది. ఈ బీమాలో పలు రకాలు ఉన్నాయి.. 

మెడికల్ ఎమర్జెన్సీలు: విదేశాలకు వెళ్లే పర్యాటకులకు అత్యవసర శస్త్రచికిత్స అవసరపడుతుంది. ఇలాంటి వారికి ప్రయాణ బీమా ఆసుపత్రి బిల్లులను కవర్‌ చేస్తుంది. 

ట్రిప్ అంతరాయాలు: వాతావరణంలో ఏవైనా ఇబ్బందులు తలెత్తిన సమయంలో విమానాలు రద్దు చేస్తుంటారు. ఇలాంటి సమయాల్లో ఈ పాలసీ తీసుకుని ఉంటే బీమా సంస్థలు మీ ట్రావెల్‌ ఖర్చులను తిరిగి చెల్లిస్తాయి. 

లగేజీ కోల్పతే: విహారయాత్రలకు వెళ్లిన సమయంలో మన లగేజీలను కోల్పోయినా, దొంగలు దొంగలించినా బీమా సంస్థలు పూర్తి పరిహారం చెల్లిస్తాయి. 

విద్య బీమా..

విద్యా భీమా ఉన్నత విద్యకు నిధులు సమకూర్చడానికి ఆర్థిక సాధనంగా పనిచేస్తుంది. ఉదాహరణకు, తల్లిదండ్రులు తమ బిడ్డ ప్రతిష్టాత్మక విశ్వవిద్యాలయంలో అడ్మిషన్ పొందినప్పుడు, విద్యార్థి రుణాల అవసరాన్ని నివారించడం ద్వారా పెద్ద మొత్తంలో అమౌంట్‌ పొందొచ్చు.

పదవీ విరమణ బీమా:

పదవీ విరమణ భద్రత కోసం రూపొందించిన పాలసీలు కచ్చితమైన ఆదాయ మార్గాలను అందిస్తాయి. 

డిఫర్డ్ పెన్షన్ ప్లాన్‌లు: రిటైర్మెంట్ తర్వాత స్థిరమైన ఆదాయాన్ని పొందేందుకు ఒక ప్రొఫెషనల్ డిఫర్డ్ పెన్షన్ ప్లాన్‌లో క్రమపద్ధతిలో పెట్టుబడి పెడతారు.

తక్షణ యాన్యుటీలు: విరమణ పొందిన వ్యక్తి తక్షణ యాన్యుటీని కొనుగోలు చేయడానికి పొదుపును ఉపయోగిస్తాడు, ఇది జీవన వ్యయాలను కవర్ చేయడానికి నెలవారీ చెల్లింపులను అందించడం ప్రారంభిస్తుంది.

ప్రత్యేక బీమా:

సైబర్‌ సెక్యూరిటీ ఇన్సూరెన్స్: ఇటీవల సైబార్‌ నేరాలు పెరుగుతున్నాయి. ఈ నేథ్యంలో డేటా ఉల్లంఘన ద్వారా వ్యాపార సంస్థలు ఆర్థికంగా నష్టపోతే కంపెీలు సైబర్‌ సెక్యూరిటీ బీమాను అందిస్తుంటాయి. 

పెంపుడు జంతువుల బీమా: పెంపుడు జంతువులకు కూడా బీమా ఉంటుంది. యజమాని వారి కుక్కకు శస్త్రచికిత్స తర్వాత అయ్యే ఖర్చులు ఈ పాలసీలో కవర్‌ అవుతాయి. 

గ్యాడ్జెట్‌ బీమా: ఎలక్ట్రాక్‌ గ్యాడ్జెట్స్‌కి కంపెనీలు ఇచ్చే వారంటీలతో పాటు బీమా కూడా తీసుకోవచ్చు. వీటితో విద్యార్థులు తమ ల్యాప్‌టాప్‌లు పాడైపోతే పాలసీ ద్వారా నష్టాన్ని భర్తీ చేయవచ్చు. 

ఈవెంట్ కవరేజ్: ప్రకృతి వైపరీత్యాల కారణంగా వివాహ లేదా మరో ఇతర వేడుకలకు రద్దు అయితే బీమా వారు దానికి అయిన ఖర్చును చెల్లిస్తారు. ఇలాంటి ఒక బీమా పాలసీ ఉంటుందని కూడా చాలా మందికి తెలియదు. 

బీమా పాలసీ ఎంచుకునే ముందు తెలుసుకోవాల్సిన విషయాలు.. 

ప్రీమియంలు: పాలసీని యాక్టివ్‌గా ఉంచడానికి చేసే చెల్లింపులను ప్రీమియంగా చెబుతుంటారు. బీమా క్లైయిమ్‌ చేసుకున్నా, చేసుకోకపోయినా ప్రీమియం మాత్రం చెల్లిస్తూనే ఉండాలి. 

డిడక్టబుల్స్‌: బీమా పాలసీని ఎంచుకున ముందు పాలసీదారుడు తన జేబులో నుంచి ఎంత చెల్లిస్తాడన్నదాన్ని ఇది సూచిస్తుంది. ఉదాహరణకు ఒక పాలసీదారుడు హౌజ్‌ ఇన్సూరెన్స్ కింద రూ. 50,000 చెల్లించారనుకుందం. ఉదాహరణకు తుఫాన్‌ కారణంగా ఇంటికి రూ. 2 లక్షలు నష్టం వస్తే బీమా సంస్థ వారు రూ. 50 వేలు చెల్లిస్తారు. అయితే మీ బీమా సంస్థ మిగలిన రూ. 1.5 లక్షలను కవర్‌ చేస్తుంది.

పాలసీ లిమిట్స్‌: పాలసీదారుడు చెల్లించిన ప్రీమియంకు అనుగుణంగా బీమా పాలసీ కవరేజ్‌ అందిస్తారు. ఉదాహరణకు వాహనదారుని వాహన బీమా ప్రమాదాల కోసం రూ. 10 లక్షల కవరేజీ ఉందని అనుకుందాం. ఒకవేళ ప్రమాదం కారణంగా రూ. 12 లక్షల నష్టం వాటిల్లిందని అనుకుందాం. బీమా సంస్థ రూ. 10 లక్షలు మాత్రమే చెల్లిస్తుంది. రూ. 2 లక్షలను పాలసీదారుడే చెల్లించాల్సి ఉంటుంది. 

రైడర్‌, యాడ్‌ ఆన్‌: ఒకవేళ పాలసీదారుడికి క్యాన్సర్‌ ఉన్నట్లు నిర్దారణ అయితే రైడర్‌ యాడ్‌ఆన్‌ పాలసీ దారుడిగా పరిగణిస్తారు. ఈ చికిత్స కవర్‌ కావడానికి పెద్ద మొత్తంలో ప్రీమియం చెల్లించాల్సి ఉంటుంది. 

మినహాయింపులు: కొన్ని సందర్భాల్లో కవరేజ్‌ వర్తించవు. ఆరోగ్య బీమా పాలసీలు కాస్మోటిక్‌ సర్జరీలను మినహాయిస్తాయి. ఇలాంటి వాటికి యూజర్లు జేబుల్లో నుంచి డబ్బులు చెల్లించాల్సి ఉంటుంది. 

గ్రేస్ పీరియడ్‌లు: ప్రీమియం చెల్లించకపోతే పాలసీ లాప్స్‌ అవుతుందననే విషయం తెలిసిందే. అయితే వీరికి 15 రోజుల గ్రేస్‌ పీరియడ్స్‌ను అందిస్తాయి. 

బీమా మల్టీపుల్ ప్రయోజనాలు: 

ఆర్థిక స్థిరత్వం: ప్రతికూల ఆర్థిక పరిస్థితుల నుంచి గృహాలు, సంస్థలను కాపాుతుంది. 

జీవిత బీమా ప్రయోజనాలు: సెక్షన్ 80C వంటి చట్టబద్ధమైన నిబంధనల ప్రకారం తగ్గింపులు పొందొచ్చు. 

ఆరోగ్య బీమా ప్రోత్సాహకాలు: సీనియర్ సిటిజన్ అలవెన్స్‌లతో సహా సెక్షన్ 80D కింద పన్ను మినహాయింపులు లభిస్తాయి. 

చెల్లింపుల మినహాయింపు: సెక్షన్ 10(10డి) కింద పన్ను రహిత ప్రయోజనాలు

పోర్ట్‌ఫోలియో డైవర్సిఫికేషన్

యులిప్స్‌ వంటి నిర్దిష్ట బీమా ఉత్పత్తులు, రిస్క్ కవరేజీని పెట్టుబడితో సమీకృతం చేస్తాయి, సంపూర్ణ సంపద నిర్వహణను ప్రోత్సహిస్తాయి.

రిస్క్ పునఃపంపిణీ

విరాళాలను పూలింగ్ చేయడం ద్వారా, బీమా సంస్థలు నష్టాలను పంపిణీ చేస్తాయి, ప్రతికూల పరిస్థితులకు వ్యతిరేకంగా సామూహిక స్థితిస్థాపకతను పెంపొందించాయి.

రిస్క్ ప్రొఫైలింగ్: మీ రిస్క్‌ ప్రొఫైల్‌ ఆధారంగా బీమా పాలసీని ఎంచుకోవాల్సి ఉంటుంది. ఉదాహరణకు ఒక యువకుడు వారి కుటుంబ భవిష్యత్తును సురక్షితంగా జీవిత బీమకు ప్రాధాన్యత ఇవ్వొచ్చు. వాహన సముదాయాన్ని నిర్వహిస్తున్న వ్యవస్థాపకుడు వ్యాపార నష్టాలను తగ్గించడానికి సమగ్ర ఆటో బీమాపై దృష్టి పెట్టవచ్చు.

ప్రొవైడర్ డ్యూ డిలిజెన్స్: ఇన్సూరెన్స్‌ అందించే వారి పేరు, క్లెయిమ్ సెటిల్మెంట్ రేషియో,  కస్టమర్ సర్వీస్ క్వాలిటీ వంటి అంశాలను పరిగణలోకి తీసుకోవాలి. 

ఈ అంశాలు కూడా: అధిక క్లెయిమ్ సెటిల్‌మెంట్ రేషియో, పాజిటివ్ రివ్యూలతో బీమా సంస్థను ఎంచుకోవాలి. వైద్య అత్యవసర పరిస్థితుల్లో వేగవంతమైన రీయింబర్స్‌మెంట్‌లను అందిస్తారు.

నిపుణుల సంప్రదింపులు: పాలసీ తీసుకునే సమయంలో నిపుణుల సిఫార్సులను పరిగణలోకి తీసుకోవాలి. పదవి విరమణ తర్వాత స్థిరమైన ఆదాయానని అందించడానికి తక్షణ యాన్యుటీలపై సంప్రదించాలి. 

బీమా పాలసీలలో తరచుగా ఎదురయ్యే మినహాయింపులు..

జీవిత బీమా:

బీమా తీసుకున్న ప్రారంభంలోనే గాయాలు చేసుకుంటే. 

చట్టవిరుద్ధ కార్యకలాపాలలో నిమగ్నమై మరణం సంభవిస్తే. 

ఆరోగ్య బీమా:

వెయిటింగ్ పీరియడ్స్ ముగిసేలోపు చికిత్సలకు అయ్యే ఖర్చు. 

వైద్య ప్రయోగాల్లో జరిగిన నష్టానికి. 

ఆటో భీమా:

మత్తులో లేదా నిర్లక్ష్యంగా డ్రైవింగ్ చేయడం వల్ల కలిగే నష్టాలు.

ప్రామాణిక పాలసీల కింద పాలసీలు కవర్‌ కావు. 

పాలసీలకు సంబంధించి ఎదురయ్యే కొన్ని ప్రశ్నలు, వాటి సమాధానాలు.. 

బీమా ప్రయోజనం ఏమిటి?

ఊహించని సంఘటనల నుంచి ఉత్పన్నమయ్యే సంభావ్య నష్టాల నుండి ఆర్థిక రక్షణను అందించే రిస్క్ మేనేజ్‌మెంట్ సాధనంగా బీమా పనిచేస్తుంది.

ప్రాథమికంగా బీమా రకాలు ఏంటి?

ఆరోగ్య బీమా: వైద్యపరమైన అత్యవసర పరిస్థితులు, చికిత్సలను కవర్ చేయడానికి.

జీవిత బీమా: మీపై ఆధారపడిన వారికి ఆర్థిక భద్రత కల్పించడం.

వాహన బీమా: వాహన యజమానులకు ఉపయోగపడుతుంది. 

గృహ బీమా: మీ ఆస్తితో పాటు వస్తువులను కాపాడుకోవడానికి.

బీమా పాలసీకి ప్రీమియం ఎలా లెక్కిస్తుంది.? 

ప్రీమియంను వయస్సు, ఆరోగ్యం, జీవనశైలి, కవరేజ్ మొత్తం, పాలసీ టర్మ్, రిస్క్ ఎక్స్‌పోజర్ వంటి అంశాలను ఆధారంగా చేసుకొని నిర్ణయిస్తారు. ఉదాహరణకు, ధూమపానం చేసే వ్యక్తి ఆరోగ్య ప్రమాదాల కారణంగా జీవిత బీమా కోసం అధిక ప్రీమియం చెల్లించాల్సి ఉంటుంది. 

నేను నా ప్రీమియంను సకాలంలో చెల్లించడంలో విఫలమైతే ఏమి జరుగుతుంది?

చాలా పాలసీలు గ్రేస్ పీరియడ్‌ను అందిస్తాయి, ఈ సమయంలో మీరు కవరేజీని కోల్పోకుండా చెల్లింపు చేయవచ్చు. గ్రేస్ పీరియడ్‌లో కూడా చెల్లించలేపోతే పాలసీ రద్దు అవుతుంది. 

ఆరోగ్య బీమకు సంబంధించిన ప్రశ్నలు.. 

ఆరోగ్య బీమా పాలసీ సాధారణంగా దేనిని కవర్ చేస్తుంది?

ఆసుపత్రి ఖర్చులు.

పోస్ట్‌ హాస్పిటల్‌ కేర్‌, ఔషధాలు. 

డేకేర్ ట్రీట్‌మెంట్‌, శస్త్రచికిత్సలు.

తీవ్రమైన అనారోగ్యాలు (పాలసీలో చేర్చితే).

ముందుగా ఉన్న పరిస్థితులు కవర్ చేస్తారా.?

చాలా ఆరోగ్య బీమా పాలసీలు నిర్దిష్ట నిరీక్షణ వ్యవధి తర్వాత ముందుగా ఉన్న పరిస్థితులను కవర్ చేస్తాయి, సాధారణంగా 2 నుంచి 4 సంవత్సరాల వరకు ఉంటాయి.

ఆరోగ్య బీమాలో నగదు రహిత సౌకర్యం అంటే ఏమిటి?

నగదు రహిత సదుపాయంతో, బీమాదారు నేరుగా నెట్‌వర్క్ ఆసుపత్రితో ఆసుపత్రి బిల్లులను సెటిల్ చేస్తాడు. దీంతో పాలసీదారుడు ఎలాంటి డబ్బు చెల్లించాల్సి అవసరం ఉండదు. 

నేను నా ఆరోగ్య బీమా ప్లాన్‌కు కుటుంబ సభ్యులను యాడ్‌ చేయొచ్చా.? 

అవును, ఫ్యామిలీ ఫ్లోటర్ ప్లాన్‌లు ఒకే పాలసీ కింద కుటుంబ సభ్యులను కవర్‌ చేసుకోవచ్చు. 

జీవిత బీమాకు సంబంధించిన ప్రశ్నలు.. 

టర్మ్, టోటల్‌ జీవిత బీమా మధ్య తేడా ఏంటి?

టర్మ్ లైఫ్ ఇన్సూరెన్స్: నిర్దిష్ట కాలానికి కవరేజీని అందిస్తుంది. ఆ వ్యవధిలోపు మరణం సంభవిస్తేనే మొత్తాన్ని చెల్లిస్తారు. 

హోల్ లైఫ్ ఇన్సూరెన్స్: అదనపు నగదు విలువ భాగంతో జీవితకాల కవరేజీని అందిస్తుంది.

నేను నా జీవిత బీమా పాలసీకి నామినీని మార్చవచ్చా?

అవును.. పాలసీదారులు బీమా సంస్థకు రాతపూర్వక అభ్యర్థనను సమర్పించడం ద్వారా ఏ సమయంలోనైనా నామినీని మార్చుకోవచ్చు. 

నేను నా టర్మ్ లైఫ్ ఇన్సూరెన్స్ కంటే ఎక్కువ కాలం ఉంటే ఏమి జరుగుతుంది.?

స్టాండర్డ్ టర్మ్ ఇన్సూరెన్స్‌లో, పాలసీదారు కాలపరిమితిని మించిపోయినట్లయితే ఎటువంటి ప్రయోజనాలు చెల్లించరు. అయితే, కొన్ని పాలసీలు ప్రీమియం ఎంపికను తిరిగి చెల్లిస్తాయి. 

ఆటో ఇన్సూరెన్స్‌ సంబంధిత ప్రశ్నలు: 

వాహన బీమా తప్పనిసరి కాదా.?

అవును, ఇతరులకు కలిగే నష్టాలు లేదా గాయాలను కవర్ చేయడానికి చాలా దేశాల్లో థర్డ్-పార్టీ లయబిలిటీ ఇన్సూరెన్స్ తప్పనిసరిగా ఉంది. 

సమగ్ర వాహన బీమా దేనికి వర్తిస్తుంది? 

సమగ్ర పాలసీలు మీ వాహనానికి జరిగే నష్టాలు, థార్డ్‌ పార్టీ బాధ్యతలు, దొంగతనం, వరదలు, తుఫానుల వంటి ప్రకృతి వైపరీత్యాలను కవర్ చేస్తాయి.

నేను ప్రమాదం కోసం క్లెయిమ్ ఎలా ఫైల్ చేయాలి?

వెంటనే బీమా సంస్థకు తెలియజేయాలి. నష్టాలను డాక్యుమెంట్ చేయాలి. ప్రమాద నివేదికలు, మరమ్మత్తు అంచనాల వంటి అవసరమైన వివరాలను అందించాలి. 

హౌజ్ ఇన్సూరెన్స్‌ సంబంధిత ప్రశ్నలు: 

గృహ బీమాలో ఏముంటుంది.? 

నిర్మాణ నష్టం కవరేజ్.

వ్యక్తిగత వస్తువులకు కవరేజ్.

ఆస్తిపై సంభవించే ప్రమాదాలకు బాధ్యత రక్షణ.

ప్రకృతి వైపరీత్యాలు గృహ బీమా పరిధిలోకి వస్తాయా.?

అవును చాలా సమగ్రమైన పాలసీలు వరదలు, భూకంపాలు, హరికేన్‌ల వంటి ప్రకృతి వైపరీత్యాలను కవర్ చేస్తాయి.

అద్దెదారులు గృహ బీమాను కొనుగోలు చేయవచ్చా?

అవును, అద్దెదారులు తమ వ్యక్తిగత వస్తువులను రక్షించుకోవడానికి అద్దెదారుల బీమాను కొనుగోలు చేయవచ్చు.

హౌజ్‌ ఇన్సూరెన్స్‌లో రైడర్స్ అంటే ఏంటి?

రైడర్‌లు నగల కవరేజ్ లేదా అధిక-విలువ వస్తువుల కోసం అదనపు రక్షణ వంటి యాడ్-ఆన్‌ల కిందికి వస్తాయి. 

స్పెషల్‌ ఇన్సూరెన్స్‌ సంబంధిత ప్రశ్నలు: 

సైబర్‌ సెక్యూరిటీ ఇన్సూరెన్స్ అంటే ఏంటి?

ఇది సైబర్‌టాక్‌లు, డేటా ఉల్లంఘనలు లేదా వంటి టెక్నాలజీ సంబంధిత మోసాల నష్టాన్ని భర్తీ చేస్తుంది. 

నేను పెంపుడు జంతువుల బీమాను ఎందుకు పరిగణించాలి?

పెంపుడు జంతువుల బీమా అనారోగ్యాలు, గాయాలు,  సాధారణ తనిఖీల కోసం వెటర్నరీ ఖర్చులను కవర్ చేస్తుంది, ఊహించని ఖర్చులను తగ్గిస్తుంది.

ప్రయాణ బీమా ఎలా పని చేస్తుంది?

ట్రావెల్ ఇన్సూరెన్స్ ట్రిప్ క్యాన్సిలేషన్‌లు, మెడికల్ ఎమర్జెన్సీలు, పోగొట్టుకున్న సామాను, ప్రయాణ ఆలస్యాలకు సంబంధించిన ఖర్చులను రీయింబర్స్ చేస్తుంది.

ఈవెంట్ ఇన్సూరెన్స్ అంటే ఏంటి?

ఈవెంట్ ఇన్సూరెన్స్ వివాహాలు, కార్పొరేట్ ఈవెంట్‌లు లేదా ఇతర ప్రణాళికాబద్ధమైన సందర్భాలలో సంభవించే రద్దులు లేదా నష్టాలను కవర్ చేస్తుంది.