కూకట్ పల్లి టీడీపీ అభ్యర్థిగా నామినేషన్ వేసిన సుహాసిని

By Nagaraju T | First Published Nov 17, 2018, 11:41 AM IST

కూకట్ పల్లి నియోజకవర్గం టీడీపీ అభ్యర్థిగా నందమూరి సుహాసిని నామినేషన్ దాఖలు చేశారు. తన బాబాయ్ బాలకృష్ణ, ఇతర కుటుంబ సభ్యులు పార్టీ నేతలతో కలిసి కూకట్ పల్లిలో రిటర్నింగ్ అధికారికి తన నామినేషన్ పత్రాలను సమర్పించారు. ఈ సందర్భంగా సుహాసినికి బాలయ్యతోపాటు, కుటుంబ సభ్యులు, పార్టీ నేతలు కార్యకర్తలు శుభాకాంక్షలు తెలిపారు.

హైదరాబాద్:కూకట్ పల్లి నియోజకవర్గం టీడీపీ అభ్యర్థిగా నందమూరి సుహాసిని నామినేషన్ దాఖలు చేశారు. తన బాబాయ్ బాలకృష్ణ, ఇతర కుటుంబ సభ్యులు పార్టీ నేతలతో కలిసి కూకట్ పల్లిలో రిటర్నింగ్ అధికారికి తన నామినేషన్ పత్రాలను సమర్పించారు. ఈ సందర్భంగా సుహాసినికి బాలయ్యతోపాటు, కుటుంబ సభ్యులు, పార్టీ నేతలు కార్యకర్తలు శుభాకాంక్షలు తెలిపారు.

నామినేషన్ వేయడానికి వెళ్లేముందు సుహాసిని తన తాత దివంగత సీఎం ఎన్టీఆర్‌కు నివాళులర్పించారు. ఉదయం ఎనిమిది గంటలకు ఎన్టీఆర్ ఘాట్‌లో బాబాయ్ బాలకృష్ణతో కలిసి ఎన్టీఆర్‌కు నివాళుర్పించారు. అనంతరం ఫిలింగనర్ లోని మహాప్రస్థానానికి వెళ్లి ఆమె తండ్రి నందమూరి హరికృష్ణ చిత్రపటానికి పూలమాలలు వేసి నివాళులర్పించారు.

తాతయ్య ఎన్టీఆర్, తండ్రి హరికృష్ణల ఆశీస్సులు తీసుకున్న ఆమె నేరుగా కూకట్ పల్లిలోని ఎన్నికల రిటర్నింగ్ అధికారి కార్యాలయానికి చేరుకున్నారు. అక్కడ కుటుంబ సభ్యులు, కార్యకర్తల సమక్షంలో ముహూర్తం 11.21గంటలకు నామినేషన్ దాఖలు చేశారు.