చిగురుపాటి హత్య: రాకేష్ రెడ్డి నేపథ్యమిదీ...

 ప్రముఖ వ్యాపారవేత్త చిగురుపాటి జయరామ్‌ హత్య కేసులో నిందితుడిగా ఆరోపణలు ఎదుర్కొంటున్న రాకేష్ రెడ్డి హైద్రాబాద్‌లో ఓ ఖరీదైన ఇండిపెండెంట్ ఇంటిలో నివాసం ఉంటున్నాడు.

హైదరాబాద్: ప్రముఖ వ్యాపారవేత్త చిగురుపాటి జయరామ్‌ హత్య కేసులో నిందితుడిగా ఆరోపణలు ఎదుర్కొంటున్న రాకేష్ రెడ్డి హైద్రాబాద్‌లో ఓ ఖరీదైన ఇండిపెండెంట్ ఇంటిలో నివాసం ఉంటున్నాడు. ఈ ఇంట్లో కూడ పోలీసులు జయరామ్ హత్య కేసుకు సంబంధించిన ఆధారాలపై ఆరా తీశారు.

గత నెల 31వ తేదీన చిగురుపాటి జయరామ్ హత్యకు గురయ్యారు. తనకు ఇవ్వాల్సిన డబ్బుల విషయంలో  జయరామ్‌తో గొడవ జరిగిన సమయంలో  గట్టిగా కొట్టడంతో  జయరామ్ మృతి చెందినట్టుగా రాకేష్ రెడ్డి పోలీసుల విచారణలో వెల్లడించినట్టుగా చెబుతున్నారు.

నగర శివారులోని ఓ ఎమ్మెల్యేకు రాకేష్ రెడ్డి అనుచరుడిగా కొనసాగుతున్నట్టుగా పోలీసులు అనుమానాలను వ్యక్తం చేస్తున్నారు.ఎమ్మెల్యే టిక్కెట్లు ఇప్పిస్తామని డబ్బులు వసూలు చేసేవాడని రాకేష్ రెడ్డిపై ఆరోపణలు ఉన్నట్టుగా పోలీసులు  అభిప్రాయపడుతున్నారు.

జల్సాగా జీవనాన్ని గడుపుతూ అమ్మాయిలకు వల వేసే వాడని  రాకేష్ రెడ్డి  గురించి పోలీసులు అనుమానిస్తున్నారు.  హైద్రాబాద్‌లో రాకేష్ రెడ్డి నెలకు రూ.4 లక్షలు అద్దె చెల్లిస్తూ ఓ ఇంట్లో నివాసం ఉంటున్నాడు.

ఈ ఇంట్లో రాకేష్ రెడ్డి ఒక్కడే నివాసం ఉంటున్నారు.ఇదే ఇంటికి జయరామ్‌ను తీసుకొచ్చారా అనే కోణంలో  కూడ పోలీసులు ఆరా తీస్తున్నారు.రాకేష్ రెడ్డి ఇంటి వద్ద పోలీసులు కాపలా పెట్టారు. 
సంబంధిత వార్తలు