ఆయన సేవలు చిరస్మరణీయం: జైపాల్ మృతిపై రాహుల్ సంతాపం

కాంగ్రెస్ సీనియర్ నేత, కేంద్ర మాజీ మంత్రి ఎస్.జైపాల్ రెడ్డి మృతిపట్ల కాంగ్రెస్ అగ్రనేత రాహుల్ గాంధీ దిగ్భ్రాంతి వ్యక్తం చేశారు. పార్టీకి ఎన్నో ఏళ్ల పాటు సేవ చేశారని.. ఆయన అద్బుతమైన పార్లమెంటేరియన్, తెలంగాణ ముద్దుబిడ్డ.. జైపాల్ తన జీవితం మొత్తాన్ని ప్రజల సేవకే అంకితం చేశారు..

ఆయన కుటుంబానికి నా ప్రగాఢ సానుభూతి తెలియజేస్తున్నానని రాహుల్ ట్వీట్ చేశారు. గత కొద్దికాలంగా న్యూమోనియాతో బాధపడుతున్న జైపాల్ రెడ్డి తీవ్ర జ్వరంతో ఇటీవల గచ్చిబౌలిలోని ఏషియన్ గ్యాస్ట్రో ఎంట్రాలజీ ఆస్పత్రిలో చేరారు. అక్కడ చికిత్స పొందుతూ ఆదివారం తెల్లవారుజామున జైపాల్ రెడ్డి తుదిశ్వాస విడిచారు.