రీ వెరిఫికేషన్: పాసైన విద్యార్థులకీ ఇంటర్ బోర్డు ఊరట

ఇంటర్ పరీక్షల్లో  చోటు చేసుకొన్న  అవకతవకల నేపథ్యంలో నష్ట నివారణ చర్యలకు ఇంటర్ బోర్డు చర్యలు చేపట్టింది. ఇప్పటికే సీఎం కేసీఆర్ కొన్ని కీలక నిర్ణయాలు తీసుకొన్నారు. ఇంటర్ జవాబు పత్రాల రీ వెరిఫికేషన్,  రీ కౌంటింగ్ సమయంలో ఒక్క మార్కు ఎక్కువ వచ్చినా కూడ విద్యార్థులకు ఫీజును తిరిగి ఇచ్చేయాలని నిర్ణయం తీసుకొంది.

హైదరాబాద్: ఇంటర్ పరీక్షల్లో  చోటు చేసుకొన్న  అవకతవకల నేపథ్యంలో నష్ట నివారణ చర్యలకు ఇంటర్ బోర్డు చర్యలు చేపట్టింది. ఇప్పటికే సీఎం కేసీఆర్ కొన్ని కీలక నిర్ణయాలు తీసుకొన్నారు. ఇంటర్ జవాబు పత్రాల రీ వెరిఫికేషన్,  రీ కౌంటింగ్ సమయంలో ఒక్క మార్కు ఎక్కువ వచ్చినా కూడ విద్యార్థులకు ఫీజును తిరిగి ఇచ్చేయాలని నిర్ణయం తీసుకొంది.

ఇంటర్ పరీక్షా ఫలితాల్లో  అనేక అవకతవకలు చోటు చేసుకొన్నాయనే పరిణామాల నేపథ్యంలో  ఫెయిలైన విద్యార్థులకు  ఉచితంగా  రీ వెరిఫికేషన్, రీ కౌంటింగ్  కోసం  ఉచితంగా చేయాలని ప్రభుత్వం నిర్ణయం తీసుకొంది. ఇంటర్ పాసైన విద్యార్థులకు మాత్రం రీ కౌంటింగ్, రీ వెరిఫికేషన్ కోసం మాత్రం ఫీజును చెల్లించాలని నిర్ణయం తీసుకొన్నారు.

ఇంటర్ పరీక్ష ఫలితాల్లో అవకతవకలు చోటు చేసుకొన్నాయనే  ప్రచారం నేపథ్యంలో పాసైన విద్యార్థుల జవాబు పత్రాల రీ వెరిఫికేషన్, రీ కౌంటింగ్  చేయించుకొంటే గతంలో ప్రకటించిన మార్కుల కంటే ఒక్క మార్కు ఎక్కువ వస్తే పీజును తిరిగి ఇచ్చేయాలని విద్యాశాఖ సెక్రటరీ  జనార్ధన్ రెడ్డి నిర్ణయం తీసుకొన్నారు.రీ వెరిఫికేషన్‌లో విద్యార్థులకు మార్కులు పెరిగితే ఆ జవాబు పత్రాలను దిద్దిన అధ్యాపకుల నుండి  ఇంటర్ బోర్డు జరిమానాను వసూలు చేయాలని నిర్ణయం తీసుకొంది.

గతంతో పోలిస్తే ఈ దఫా మాత్రం రీ వెరిఫికేషన్‌ కోసం భారీగా ధరఖాస్తులు వచ్చినట్టుగా  బోర్డు అధికారులు చెబుతున్నారు.  గురువారం నాటికే సుమారు 75 వేలకు పైగా ధరఖాస్తులు వచ్చినట్టు తెలుస్తోంది. ప్రతి ఏటా రీ వెరిఫికేషన్‌ కోసం సుమారు 20 వేల వరకు మాత్రమే ధరఖాస్తులు వచ్చేవని ఇంటర్ బోర్డు అధికారులు గుర్తు చేస్తున్నారు.

సంబంధిత వార్తలు