హుజూర్ నగర్ ఉప ఎన్నిక ఎఫెక్ట్: సర్పంచుల సంఘం అధ్యక్షుడు మిస్సింగ్?

చలో హుజూర్ నగర్ కార్యక్రమం నేపథ్యంలో హుజూర్ నగర్ కు బయలుదేరిన తెలంగాణ రాష్ట్ర సర్పంచుల సంఘం అధ్యక్షుడు సౌదాని భూమన్న యాదవ్ అదృశ్యమయ్యారు. ఆయన ఏమయ్యారనేది అంతు చిక్కడం లేదు.

సూర్యాపేట: హుజూర్ నగర్ ఉప ఎన్నికలో పెద్ద యెత్తున నామినేషన్లు దాఖలు చేయాలనే నిర్ణయం నేపథ్యంలో సర్పంచుల సంఘం రాష్ట్ర అధ్యక్షుడు సౌదాని భూమన్న యాదవ్ కనిపించకుండా పోయారు. తెలంగాణ రాష్ట్ర సర్పంచుల సంఘం చలో హుజూర్ నగర్ కార్యక్రమానికి పిలుపునిచ్చింది. 

అందులో భాగంగా సంఘం రాష్ట్రాధ్యక్షుడు సౌదాని భూమన్న యాదవ్ శుక్రవారం హైదరాబాదు నుంచి హుజూర్ నగర్ కు బయలుదేరారు. ఆ విషయాన్ని ఓ రాజకీయ పార్టీ అధ్యక్షుడికి చెప్పినట్లు తెలుస్తోంది. ఈ మేరకు స్థానిక మీడియాలో వార్తలు వచ్చాయి. 

శుక్రవారం సాయంత్రం దాదాపు 5 గంటల సమయంలో ఓ స్తానిక నేతకు భూమన్న ఫోన్ చేశారు. టోల్ గేట్ వద్ద తమను పోలీసులు అరెస్టు చేస్తున్నారని ఫోన్ చేసి చెబుతుండగానే ఫోన్ కట్ అయింది. ఆ తర్వాత ఆయన ఫోన్ స్విచ్ఛాప్ లోనే ఉంది. ఆ విషయాన్ని సూర్యాపేట జిల్లా కార్యకర్తలకు చేరవేశారు. 

దాంతో ఉమ్మడి నల్లగొండ జిల్లా పరిధిలోని హైదరాబాద్ జాతీయ రహదారి మీద ఉన్న పంతంగి, కొర్లపహాడ్ టోల్ గేట్ వద్ద స్థానిక నాయకులు ఆరా తీశారు. మిర్యాలగుడా, కోదాడ రహదారిలోని చిల్లేపల్ిల టోల్ గేట్ వద్ద కూడా గాలించారు. భూమన్న జాడ కనిపించలేదు.  

మరిన్ని వార్తలు