ఇంకెప్పుడు స్పందిస్తారు, దారుణాలు కనబడటం లేదా: కేసీఆర్ పై మాజీమంత్రి కోమటిరెడ్డి ఫైర్

రాష్ట్రంలో ఇంటర్ పిల్లలు బలవన్మరణాలకు పాల్పడుతున్నా ఆడపిల్లలపై అఘాయిత్యాలు జరుగుతున్న సీఎం కేసీఆర్ గానీ హోం మినిష్టర్ మహమ్మూద్ అలీ గానీ స్పందిచకపోవడం దురదృష్టకరమన్నారు. కనీసం జిల్లా మంత్రి జగదీష్ రెడ్డి స్పందిచడం లేదని విమర్శించారు.   

యాదాద్రి: తెలంగాణలో కనీస మానవత్వం లేకుండా రాష్ట్రప్రభుత్వం వ్యవహరిస్తోందని మండిపడ్డారు మాజీ మంత్రి కోమటిరెడ్డి వెంకట్ రెడ్డి. డమ్మీ హోం మినిష్టర్ తో సీఎం కేసీఆర్ పాలన సాగిస్తున్నారని మండిపడ్డారు. 

యాదాద్రి జిల్లా బొమ్మలరామారంను సందర్శించిన కోమటిరెడ్డి వెంకటరెడ్డి బాధిత కుటుంబాలను పరామర్శించారు. అలాగే బాలికలు దారుణంగా హత్యకు గురైన ప్రాంతాన్ని పరిశీలించారు. 

రాష్ట్రంలో ఇంటర్ పిల్లలు బలవన్మరణాలకు పాల్పడుతున్నా ఆడపిల్లలపై అఘాయిత్యాలు జరుగుతున్న సీఎం కేసీఆర్ గానీ హోం మినిష్టర్ మహమ్మూద్ అలీ గానీ స్పందిచకపోవడం దురదృష్టకరమన్నారు. కనీసం జిల్లా మంత్రి జగదీష్ రెడ్డి స్పందిచడం లేదని విమర్శించారు. 

ఇప్పటికైనా పోలీస్ శాఖ నిర్లక్ష్యం విడనాడాలని డిమాండ్ చేశారు. పదోతరగతి విద్యార్థి శ్రావణి మృతదేహం తీసిన రోజే కాస్తా లోతుగా పరిశీలించి ఉంటే మనీషా హత్య కూడా బయటకు వచ్చేదన్నారు. ఈ ప్రాంతంలో గంజాయి దందా జోరుగా సాగుతున్న పోలీసులు శ్రద్ద పెట్టడం లేదని విమర్శిస్తున్నారు. 

పెద్ద ఎత్తున యువత మత్తుకు బానిసై అఘాయిత్యాలకు పాల్పడుతున్నారని విమర్శించారు. జిల్లాలో నిఘా పెంచాల్సిన అవసరం ఎంతైనా ఉందన్నారు. మృతుల కుటుంబాలను రాష్ట్రప్రభుత్వం ఆదుకోవాలని డిమాండ్ చేశారు. మృతుల కుటుంబాలకు ఎక్స్ గ్రేషియాతోపాటు ప్రభుత్వ ఉద్యోగం ఇవ్వాలని డిమాండ్ చేశారు మాజీమంత్రి కోమటిరెడ్డి వెంకటరెడ్డి. 

ఈ వార్తలు కూడా చదవండి