మితిమీరిని స్మార్ట్ ఫోన్ల వాడకం వల్ల నేడు చాలా మందికి కంటి చూపు సరిగ్గా లేదు. అయితే కొన్ని రకాల పండ్లను, కూరగాయలను తింటే కంటి చూపు మెరుగుపడుతుందని నిపుణులు చెబుతున్నారు.
ప్రస్తుతం టీవీ లేని ఇల్లు ఎలా అయితే లేదో.. మొబైల్ ఫోన్ లేని మనిషి కూడా లేడు. అందులోనూ కరోనా ఎంట్రీతో చిన్న పిల్లలకు కూడా ఫోన్లొచ్చాయి. ఫోన్ల వల్ల నాలెడ్జ్ పెంచుకోవడం మంచి విషయమే.. కానీ ఈ ఇది వ్యసనంగా మారుతోంది. ఎప్పుడూ చేసినా ఫోన్లలోనే చాలా మంది గడుపుతున్నారు. దీనివల్ల వారి మానసిక ఆరోగ్యం దెబ్బతినడమే కాదు.. శారీరక ఆరోగ్యం కూడా దెబ్బతింటుంది. ఇది ఒక్క పిల్లలకే కాదు.. పెద్దలకు కూడా వర్తిస్తుంది.
స్క్రీన్లను ఎక్కువ సేపు చూడటం వల్ల కంటిపై ఫోన్ వెలుతురు పడి కంటి ఆరోగ్యం దెబ్బతింటుంది. గంటలకు గంటలు స్క్రీన్ ను చూడటం వల్ల కంటిలో చికాకు, మంట, దురద పెట్టడం, కళ్లు మసక బారడం , కళ్లు బలహీనంగా మారడం వంటి సమస్యలు వస్తాయి. అంతేకాదు ఈ అలవాటు ఎక్కువ రోజులు కొనసాగితే.. సైట్ వచ్చే అవకాశం ఉంది. అందుకే ఫోన్ ను ఎక్కువ సేపు చూసే అలవాటును మానుకోవాలి. అలాగే మీ రోజు వారి ఆహారంలో కొన్నింటినీ తప్పకుండా చేర్చుకోవాలి. ఇవి మీ కంటి ఆరోగ్యాన్ని మెరుగుపరుస్తాయి. అవేంటో ఇప్పుడు తెలుసుకుందాం..
ఉసిరికాయ
ఉసిరికాయలో విటమిన్ సి ఎక్కువ మొత్తంలో ఉంటుంది. ఇది కళ్లను ఆరోగ్యంగా ఉంచడంతో పాటుగా కంటిచూపును కూడా పెంచుతుంది. ఉసిరికాయ పచ్చడి, పొడి, ఊరగాయ, ఉసిరి మిఠాయి వంటి వాటిని తింటే కళ్లు ఆరోగ్యంగా ఉంటాయి. వీటిని క్రమం తప్పకుండా తింటే మంచి ఫలితం ఉంటుంది.
ఆకుపచ్చ కూరగాయలు
ఆకుపచ్చ కూరగాయలు మన ఆరోగ్యానికి ఎంతో మేలు చేస్తాయి. వీటిలో విటమిన్ సి తో పాటుగా, విటమిన్ ఎ, ఐరన్, యాంటీ ఆక్సిడెంట్లు, ల్యూటిన్ వంటి మూలకాలు పుష్కలంగా ఉంటాయి. ఇవి కళ్లను ఆరోగ్యంగా ఉంచుతాయి. అలాగే కంటి చూపును కూడా మెరుగుపరుస్తాయి.
అవొకాడో
అవొకాడోలో విటమిన్ ఇ ఎక్కువ మొత్తంలో ఉంటుంది. ఇది కంటి రెటీనాను బలోపేతం చేయడానికి సహాయపడుతుంది. వీటిని తరచుగా తినడం వల్ల వృద్ధాప్యంలో వచ్చే కంటి సమస్యలు దూరమవుతాయి. ఆరోగ్యం కూడా బాగుంటుంది.
క్యారెట్
క్యారెట్ కూడా కంటి ఆరోగ్యానికి ఎంతో మేలు చేస్తుంది. దీనిలో విటమిన్ ఎ తో పాటుగా కళ్లను ఆరోగ్యంగా ఉంచే బీటా కెరోటిన్ కూడా ఎక్కువ మొత్తంలో ఉంటుంది.
సీఫుడ్
సీఫుడ్ కూడా కళ్లను ఆరోగ్యంగా ఉంచుతుంది. ట్రౌట్ , సాల్మాన్, ట్యూనా వంటి సీఫుడ్ కంటి ఆరోగ్యానికి చాలా మంచివి. వీటిలో రెటీనాను బలోపేతం చేసే గుణాలుంటాయి. అంతేకాదు రెటీనా శక్తిని పెంచే డిహెచ్ ఎ కొవ్వు ఆమ్లాలు కూడా ఉంటాయి. ఇవి కంటి సైట్ ను తగ్గిస్తాయి.
సిట్రస్ పండ్లు
జామకాయ, నిమ్మకాయ, నారింజ, ద్రాక్ష వంటి విటమిన్ సి ఉండే పండ్లను సిట్రస్ పండ్లు అంటారు. ఇవి కంటి చూపును మెరుగుపరుస్తాయి.
డ్రై ఫ్రూట్స్
వాల్ నట్స్, బాదం వంటి డ్రై ఫ్రూట్స్ లో కంటిచూపును మెరుగుపరిచే పోషకాలు ఎక్కువ మొత్తంలో ఉంటాయి. వీటిని రోజూ గుప్పెడు తినడం వల్ల ఆరోగ్యం బాగుంటుంది.