పుష్ప మూవీలో కేశవ పాత్రలో ఫస్ట్ అనుకున్నది ఆ హీరోనా ?.. అతడికి నష్టం కాకూడదని సుక్కు ఏం చేశారంటే.. 

ఐకాన్ స్టార్ అల్లు అర్జున్ నటించిన పుష్ప చిత్రం పాన్ ఇండియా స్థాయిలో దుమ్ము దులిపింది. ఇప్పుడు పుష్ప 2 పై ఇండియా వ్యాప్తంగా అంచనాలు తారా స్థాయిలో ఉన్నాయి. పుష్ప చిత్రంలో సునీల్, రావు రమేష్, అనసూయ లాంటి  పాత్రల్లో నటించారు.  వీరితో పాటు మరో కీలక పాత్ర కూడా ఉంది. అదే కేశవ పాత్ర. 

అల్లు అర్జున్ కి సన్నిహితుడిగా ఉంటూ హాస్యం పండిస్తూనే కథలో అనేక మలుపులకు కారణం అవుతాడు. ఈ పాత్రలో జగదీశ్ నటించి మెప్పించాడు. అయితే ఈ పాత్రకి మొదట అనుకున్నది జగదీశ్ ని కాదట. ఈ  విషయాన్ని సుకుమార్ తాజాగా వివరించారు. 

ఈ పాత్ర కోసం హీరో సుహాస్ ని అనుకున్నారట. కెరీర్ ఆరంభంలో సుహాస్ పలు చిత్రాల్లో ఫన్నీ రోల్స్ చేశాడు. కేశవ పాత్రకి బాగా సరిపోతాడని సుకుమార్.. సుహాస్ ని తీసుకోవాలనుకున్నారట. 

కానీ అదే సమయంలో సుహాస్ హీరోగా ఎదుగుతున్నాడని సుక్కు గ్రహించారు. హీరోగా ఎదుగుతున్న సుహాస్ కి కేశవ లాంటి క్యారెక్టర్ రోల్ ఇస్తే అది అతడి కెరీర్ తీవ్ర నష్టం అవుతుందని సుక్కు భావించారు. కాబట్టి సుహాస్ ని కాకుండా మరొకరిని ఈ పాత్ర కోసం తీసుకోవాలని అనుకున్నారట. 

సుహాస్ .. రైటర్ పద్మభూషణ్, కలర్ ఫోటో, అంబాజీ పేట మ్యారేజి బ్యాండ్ లాంటి చిత్రాలతో టాలీవుడ్ లో క్రేజీ హీరోగా మారాడు. మీడియం బడ్జెట్ చిత్రాలకు సుహాస్ కేరాఫ్ అడ్రెస్ గా మారాడు. 

పుష్ప 2 చిత్రం ఆగష్టులో గ్రాండ్ రిలీజ్ కి రెడీ అవుతోంది. సుకుమార్ ఈ చిత్రాన్ని పాన్ ఇండియా వైడ్ గా బ్లాక్ బస్టర్ అయ్యేందుకు అన్ని ప్రయత్నాలు చేస్తున్నారు. పుష్ప 2లో కేశవ పాత్ర మరింత కీలకం కానున్నట్లు వార్తలు వస్తున్నాయి.