బిగ్ బాస్ ముగిసిన తర్వాత హీరో శివాజీకి ఊహించని పబ్లిసిటీ లభించింది. పల్లవి ప్రశాంత్ విజేతగా నిలవడం వెనుక కారణం శివాజీనే అంటూ కూడా ప్రశంసలు దక్కాయి. శివాజీ ఇప్పటికి వరుసగా ఇంటర్వ్యూలతో బిజీగా ఉన్నారు.
బిగ్ బాస్ ముగిసిన తర్వాత హీరో శివాజీకి ఊహించని పబ్లిసిటీ లభించింది. పల్లవి ప్రశాంత్ విజేతగా నిలవడం వెనుక కారణం శివాజీనే అంటూ కూడా ప్రశంసలు దక్కాయి. శివాజీ ఇప్పటికి వరుసగా ఇంటర్వ్యూలతో బిజీగా ఉన్నారు. తాను నటించిన 90's మిడిల్ క్లాస్ బయోపిక్ అనే వెబ్ సిరీస్ ని కూడా రిలీజ్ చేశారు.
బిగ్ బాస్ తర్వాత శివాజీ జాతకమే మారిపోయినట్లు ఉంది. 90's మిడిల్ క్లాస్ బయోపిక్ ఓటిటిలో సంచలనం సృష్టిస్తోంది. సోషల్ మీడియాలో ఎక్కడ చూసినా ఈ వెబ్ సిరీస్ కి సంబందించిన మీమ్స్ దర్శనం ఇస్తున్నాయి. దీనితో శివాజీ ముందుండి ఈ వెబ్ సిరీస్ ని మరింతగా ప్రమోట్ చేస్తున్నారు.
తాజాగా ఓ ఇంటర్వ్యూలో శివాజీ ఈ వెబ్ సిరీస్ గురించి అనేక విశేషాలు పంచుకున్నారు. 90 దశకంలో మధ్యతరగతి కుటుంబాలన్నీ ఈ వెబ్ సిరీస్ కి కనెక్ట్ అవుతున్నారని శివాజీ అన్నారు. తానూ తిరిగి సినిమాల్లో నటించాలనేది తన ఫ్యామిలీ కోరిక అని శివాజీ తెలిపారు. ముఖ్యంగా తన పిల్లలు తానూ నటించాలని కోరుకున్నట్లు తెలిపారు.
ఇకపై చిత్ర పరిశ్రమలో కొనసాగుతానని శివాజీ తెలిపారు. అయితే రాజకీయాలకు దూరమైనప్పటికీ ప్రజల తరుపున మాట్లాడుతూనే ఉంటానని అన్నారు. తాను ప్రకృతిని నమ్ముతానని తన జీవితంలో ఏం జరిగినా అది ప్రకృతి నిర్ణయమే అని ఫలాసఫీ చెప్పారు. ఇక బిగ్ బాస్ లో పల్లవి ప్రశాంత్ టైటిల్ గెలవడం కూడా ప్రకృతి నిర్ణయమే. అందుకు ఉదాహరణ కూడా ఉంది.
పల్లవి ప్రశాంత్ బిగ్ బాస్ హౌస్ లోకి ఒక మొక్క తీసుకుని వచ్చాడు. నా పక్కనే ఉన్న టేస్టీ తేజ ఏంటి ప్రశాంత్ మొక్క తీసుకుని వచ్చావ్ అని అడిగాడు.. నేను వెంటనే ఏమో ఇప్పుడు మొక్క తీసుకుని వచ్చాడు.. రేపు టైటిల్ ఎత్తుకుపోతాడేమో అని అప్రయత్నంగా అనేశాను. ఆ మాట నా నోటి నుంచి తొలిరోజే వచ్చింది. చివరికి ఏం జరిగిందో అందరికి తెలుసు అని శివాజీ గుర్తు చేసుకున్నారు.
టాలీవుడ్ లో తనకి నచ్చిన హీరోల గురించి మాట్లాడుతూ శివాజీ ప్రస్తుతం ఉన్న యువ హీరోలని ప్రస్తావించారు. అల్లు అర్జున్ మాత్రం వేరే లెవల్ ఆరిస్ట్ అని శివాజీ ప్రశంసలు కురిపించారు. అలాగే జాతిరత్నాలు ఫేమ్ నవీన్ పోలిశెట్టి నటన చాలా సహజసిద్ధంగా ఉంటుంది. విజయ్ దేవరకొండ కొన్ని పాత్రల్లో చాలా బాగా నటిస్తాడు. హనుమాన్ ఫేమ్ తేజ సజ్జా కూడా మంచి ఆర్టిస్ట్ అని శివాజీ తెలిపారు. దర్శకులలో అనిల్ రావిపూడి, భీష్మ ఫేమ్ వెంకీ కుడుముల, రామ్ అబ్బరాజు మంచి టాలెంట్ ఉన్న దర్శకులు అంటూ శివాజీ ప్రశంసించారు.