హీరోయిన్ అంజలి బోల్డ్ కామెంట్స్ చేశారు. బెడ్ రూమ్ సీన్స్ గురించి, హీరోలతో కిస్ సీన్స్ గురించి తన అభిప్రాయం వెల్లడించారు అంజలి. ఇంతకీ తాను ఏమంటుందంటే..?
హీరోయిన్ అంజలి. తన సినీప్రయాణంలోఎన్నో ఒడిదుడుకులు, వివాదాలు, బాధలు, కష్టాలు..అన్నింటిని అధిగమించి ప్రస్తుతం హాఫ్ సెంచరీ పూర్తి చేసింది. తన అందంతో నటనతో అటు తమిళ ప్రేక్షకులతో పాటు.. ఇటు తెలుగు ప్రేక్షకుల మనసుల్ని కూడా కదిలించింది బ్యూటీ. ఇక ఈ హీరోయిన్ ను ప్రతీ ప్రేక్షకులు ఓన్ చేసుకుంటారు.. మన పక్కింటి అమ్మాయిలా భావిస్తారు.
అచ్చ తెలుగు ఆడపడుచు అంజలి. కాకపోతే మన ఇండస్ట్రీలో తెలుగు హీరోయిన్లకు ఛాన్స్ లు ఇవ్వరు.. అసలు హీరోయిన్లుగా చూడరు దాంతో ఆమె చెన్నై తరలిపోయింది. అక్కడ హీరోయిన్ గా కెరీర్ స్టార్ట్ చేసి.. స్టార్ డమ్ అందుకుంది అంజలి. అంతే కాదు.. తెలుగులో కూడా ఎంట్రీ ఇచ్చి.. ఇక్కడ కూడా మంచి ఇమేజ్ ను సాధించింది.
టాలీవుడ్ లో ఫోటో సినిమాతో హీరోయిన్ గా ఎంట్రీ ఇచ్చిన ఆమె ఆ తర్వాత బింబిసార దర్శకుడు వశిష్ట హీరోగా నటించిన ప్రేమలేఖ రాశా అనే సినిమాలో హీరోయిన్ గా నటించింది. అయితే ఈరెండు సినిమాలు ఆమె కెరీర్ కు ఏమాత్రం ఉపయోగపడలేదు. దాంతో ఆమె కోలీవుడ్ గడపతొక్కింది.
తమిళంలో షాపింగ్ మాల్ సినిమాతో అదరగొట్టిన అంజలి.. జర్నీ సినిమాతో ఆమె కెరీర్ మలుపు తిరిగింది. ఆమెకు ఈరెంటు సినిమాలు మంచి బ్రేక్ ఇచ్చాయి. దీంతో తెలుగులోకీ మళ్ళీ రీ ఎంట్రీ ఇచ్చింది అంజలి. సీతమ్మ వాకిట్లో సిరిమల్లె చెట్టు సినిమాతో తెలుగులో కూడా తన సత్తా చాటి తానేంటో నిరూపించుకుంది. ఆ సినిమా సక్సెస్ అవ్వడంతో.. తెలుగులో ఈమెకు వరుసగా అవకాశాలు వచ్చాయి. కొత్త హీరోయిన్లు ఎంట్రీ ఇచ్చినా ఇప్పటికీ ఏదో ఒక సినిమాలో నటిస్తూనే ఉంది.
ఇక రీసెంట్ గా బోల్డ్ కామెంట్స్ చేసింది అంజలి. తాను హీరోలతో సన్నిహితంగా నటించే ముద్దు సన్నివేశాలు, పడకగది సన్నివేశాల గురించి అంజలి తన అభిప్రాయాన్నివెల్లడించింది. సినిమాలో కిస్సింగ్ సీన్లు, పడకగది సీన్లు సహజంగా వస్తాయని, సినిమాకు అవసరమైనప్పుడు అందులో నటించక తప్పదన్నారు. ఆ విషయంలో కాదనలేం అని కూడా వెల్లడించారు. కానీ హీరోలతో ఆ తరహా సన్నివేశాల్లో నటించేటప్పుడు ఎవరికైనా ఇబ్బంది తప్పదన్నారు అంజలీ.
ఎందుకంటే.. ఆసీన్లు చేసేప్పుడు చుట్టు జనం ఉంటారు.. టెక్నీషియన్లు.. మిగతా నటీనటులు కూడా ఉంటారు. వారంతా నా గురించి లోపల ఏమనుకుంటారోనని ఎప్పుడూ భయపడుతూనే ఉంటాను.ఆ సమయంలో వచ్చే అవమానాన్ని దాచుకుని చాలా ఇబ్బందిగా మాత్రమే అలాంటి సన్నివేశాల్లో నటిస్తాను. ఇద్దరు ప్రేమికుల మధ్య కెమిస్ట్రీకి ఇద్దరు నటుల మధ్య కెమిస్ట్రీకి పూర్తి భిన్నంగా ఉంటుందని నాకు తెలుసు. అందుకే కిస్సింగ్ సీన్స్, బెడ్ రూమ్ సీన్లలో నటించేటప్పుడు కాస్త ఇబ్బందిగా అనిపిస్తుంది అని అన్నారు అంజలి.
ఇక ప్రస్తుతం అంజలి రాంచరణ్ హీరోగా శంకర్ దర్శకత్వంలో తెరకెక్కుతున్న పాన్ ఇండియా మూవీ గేమ్ ఛేంజర్ లో సెకండ్ హీరోయిన్ గా నటిస్తుంది. ఈసినిమాతో పాటు.. ఆమె లీడ్ రోల్ లో విమెన్ సెంట్రిక్ మూవీస్ కూడా వచ్చాయి. ఈక్రమంలోనే 2014 లో అంజలి ప్రధాన పాత్రలో రూపొందిన గీతాంజలి సినిమాకి ఇన్నేళ్ల తర్వాత సీక్వెల్ రాబోతుంది. ‘గీతాంజలి మళ్ళీ వచ్చింది’ అనే టైటిల్ తో ఈ సీక్వెల్ రూపొందనుంది. శివ తుర్లపాటి దర్శకుడు. కోన వెంకట్, ఎం.వి.వి. సత్యనారాయణ.. నిర్మాతలు.