అక్కినేని వారసుడిగా అఖిల్ టాలీవుడ్ ఇండస్ట్రీలోకి ఎంట్రీ ఇచ్చి ఎనిమిదేళ్లకు పైనే అయ్యింది. కాని ఇప్పటి వరకు కమర్షియల్ సక్సెస్ ను మాత్రం సాధించలేకపోయాడు అక్కినేని అఖిల్. మోస్ట్ ఎలిజిబుల్ బ్యాచ్లర్తో హిట్టు దక్కినా.. ఆ సినిమాతో కూడా కమర్షియల్గా సక్సెస్ కాలేకపోయాడు. . దాంతో రెండేళ్లు గ్యాప్ తీసుకుని ఏజెంట్ సినిమాతో ఆడియన్స్ ముందుకు వచ్చాడు.
ఈసినిమా కోసం చాలా కష్టపడ్డాడు అఖిల్. సిక్స్ ప్యాక్ ను రెండు మూడేళ్లు అలాగే మెయిటేన్ చేయడం అంటే అంత ఈజీ టాక్స్ కాదు. అంతే కాదు నటనలో.. బాడీ లాంగ్వేజ్ లో కొత్త దనంతో పాటు.. ఫుల్ యాక్షన్ సీక్వెన్స్ లతో అదరగొట్టాడు. కాని ఏం లాభం. భారీ అంచనాల నడుమ.. స్టార్ కాస్ట్ తో తెరకెక్కిన ఈసినిమా డిజాస్టర్ టాక్ తెచ్చుకుని బాక్సాఫీస్ దగ్గర తేలిపోయింది.
కథలో కొత్త దనం లేకపోవడం.. పాత కథలతోనే కొత్త ప్రాడక్ట్ ను తీసుకురావడంతో.. సురేందర్ రెడ్డికి కూడా ఈ సినిమా పెద్ద దెబ్బఅయ్యింది. . అక్కినేని అభిమానులను సైతం ఈ సినిమా తీవ్రంగా నిరాశపరిచింది. రెండేళ్లు తీవ్రంగా శ్రమించిన అఖిల్ను ఈ సినిమా ఫలితం తీవ్రంగా నిరాశపరిచింది. దాంతో ఈసారి సారి ఎలాగైనా సాలిడ్ కంబ్యాక్ ఇచ్చి తనను తాను నిరూపించుకోవాలి అనకున్నాడు. అఖిల్ నెక్ట్స్ సినిమాకు సంబంధించి ఓ వార్త సోషల్ మీడియాలో ప్రస్తుతం వైరల్ అవుతోంది.
వరుస డిజాస్టర్స్ ఖాతాలోవేసుకుంటూ వెళ్తోన్న అఖిల్.. కాస్త గ్యాప్ తీసుకుని రిలాక్స్ అయ్యాడు. రీసెంట్ గా కొత్త సినిమాకు గ్రీన్ సిగ్నల్ ఇచ్చినట్టు తెలుస్తోంది. ఈసారి కూడా అఖిల్ కెరియర్ లోనే భారీ బడ్జెట్ తో సినిమా చేస్తున్నట్టు సమాచారం. రాధేశ్యామ్, సాహో లాంటి సినిమాలకి డైరెక్షన్, రైటింగ్ విభాగంలో పని చేసిన అనిల్ కుమార్ ఈ మూవీతో దర్శకుడి పరిచయం అవుతున్నారట.
యూవీ క్రియేషన్స్ ఈ కొత్త డైరెక్టర్ టాలెంట్ ను గుర్తించి.. ఈ భారీ ఆఫర్ ను ఇచ్చినట్టు తెలుస్తోంది. స్టోరీ కూడా వారికి నచ్చడంతో సినిమాను అఖిల్ తో నిర్మించడానికి సిద్దమయ్యారట. ఇక్కడ మరోవిశేషం ఏంటంటే..? యూవీకి తోడుగా.. కెజియఫ్, సలార్ సినిమాలు నిర్మించిన కన్నడ నిర్మాణ సంస్థ హోంబలే ఫిలిమ్స్ విజయ్ కిరంగదూర్ కూడా తోడయ్యారని తెలుస్తోంది. అలాగే ప్రశాంత్ నీల్ సమర్పణలో సినిమాను రూపొందించనున్నారు.
అంతే కాదు ఈసినిమాకు ధీర టైటిల్ కూడా పెట్టినట్ల సమాచారం. అందుకే అందుకే రీసెంట్ గా అఖిల్ డిఫరెంట్ లుక్ లో కనిపించారు. అంతే కాదు.. ఈప్రాజెక్ట్ లో ఇప్పటికే జాయిన్ అయ్యాడుకాబట్టే.. సలార్ సక్సెస్ మీట్ లో కూడా అఖిల్ కనిపించాడు అన్నది వాదన. మరి ఈ ప్రాజెక్ట్ ను అఫీషియల్ గా ఎప్పుడు అనౌన్స్ చేస్తారు అనేది ప్రస్తుతం ఇంట్రెస్టింగ్ గా మారింది. ఇప్పటికే ఈమూవీ ప్రీ ప్రొడక్షన్ స్టార్ట్ అయ్యిందట. వర్క్ షాప్ కూడా చేస్తున్నట్టు తెలుస్తోంది.
అఖిల్ ఈసారి కూడా ప్రయోగం చేయబోతున్నాడట. ఈసినిమాతో ఫస్ట్ టైమ్ అఖిల్ డ్యూయోల్ రోల్ చేస్తున్నాడట. ప్లేబాయ్, మాస్ పాత్రలు చేసినా వర్కౌట్ అవ్వకపోవడంతో.. ఈసారి ఈరెండు పాత్రలు ఒకే సినిమాలో చూపించే ప్రయత్నం చేసతున్నట్టు టాక్. అఖిల్ కెరీర్ లో ప్రయోగాలు ఉన్నాయి కాని ఇది ఛాలెంజింగ్ క్యారెక్టర్ అని చెప్పడంలో ఎటువంటి డౌట్ లేదు. మరి మనోడికి ఈఫార్ములా ఎంత వరకూ పనిచేస్తుందో చూడాలి.