జగన్‌పై దాడి:సీఎం కాలేదని మనస్తాపం, అందుకే..: శ్రీనివాసరావు

సానుభూతి కోసమే వైసీపీ చీఫ్ వైఎస్ జగన్‌పై దాడి చేశానని శ్రీనివాసరావు పోలీసులకు ఇచ్చిన వాంగ్మూలంలో తేల్చి చెప్పారు

విశాఖపట్టణం:  సానుభూతి కోసమే వైసీపీ చీఫ్ వైఎస్ జగన్‌పై దాడి చేశానని శ్రీనివాసరావు పోలీసులకు ఇచ్చిన వాంగ్మూలంలో తేల్చి చెప్పారు.ఈ దాడితో జగన్‌కు సానుభూతి వస్తోందని తాను భావించినట్టు పోలీసులకు ఇచ్చిన స్టేట్‌మెంట్‌లో స్పష్టం చేశారు.

గురువారం నాడు విశాఖ ఎయిర్‌పోర్ట్‌లో వైసీపీ చీప్  వైఎస్ జగన్‌‌పై శ్రీనివాసరావు కత్తితో దాడికి పాల్పడ్డాడు. దాడికి దిగిన వెంటనే శ్రీనివాసరావును పోలీసులు  అదుపులోకి తీసుకొన్నారు.

జగన్‌పై కత్తితో ఎందుకు దాడి చేశారనే విషయమై పోలీసులు శ్రీనివాసరావును ప్రశ్నించారు.  శ్రీనివాసరావు వాంగ్మూలాన్ని పోలీసులు వీడియో రికార్డు చేశారు.గత ఎన్నికల్లోనే  వైఎస్ జగన్ సీఎం కావాలి..కానీ, ఆ ఎన్నికల్లో జగన్ సీఎం కాకపోవడంతో  మనస్తాపానికి గురైనట్టు శ్రీనివాసరావు పోలీసులకు ఇచ్చిన వాంగ్మూలంలో చెప్పారు.

"

దాడి చేస్తే  జగన్ పట్ల ప్రజల్లో పానుభూతి వస్తోందని దాడి చేసినట్టు శ్రీనివాసరావు పోలీసుల విచారణలో చెప్పారని సమాచారం.  తమ కుటుంబమంతా వైఎస్ జగన్ అభిమానులమేనని ఆయన  చెప్పారు. 

సంబంధిత వార్తలు