టీడీపీ ఎమ్మెల్యే కరణం బలరాంపై కేసు

టీడీపీ నేతలపై వరుసగా కేసులు నమోదౌతున్నాయి. తాజాగా చీరాల ఎమ్మెల్యే కరణం బలరాంపై కూడ పోలీసులు కేసు నమోదు చేశారు. 

ఒంగోలు:;ప్రకాశం జిల్లా చీరాల ఎమ్మెల్యే కరణం బలరాంపై గురువారం నాడు పోలీసులు కేసు నమోదు చేశారు. వైఎస్ఆర్‌సీపీనేత, మాజీ కౌన్సిలర్  రవిశంకర్   ఫిర్యాదు మేరకు పోలీసులు కేసు పెట్టారు.

తనను చంపుతానని ఎమ్మెల్యే కరణం బలరాం బెదిరింపులకు దిగాడని  మాజీ కౌన్సిలర్ రవిశంకర్ పోలీసులకు ఫిర్యాదు చేశాడు. టీడీపీకి చెందిన కీలక నేతలపై వరుసగా కేసులు నమోదౌతున్నాయి. 

తొలుత కోడెల శివప్రసాదరావుపై కేసులు నమోదయ్యాయి. ఆ తర్వాత యరపతినేని శ్రీనివాసరావు, మాజీ మంత్రి సోమిరెడ్డి చంద్రమోహన్ రెడ్డి, మాజీ ప్రభుత్వ విప్ కూన రవికుమార్ లపై కేసులు నమోదయ్యాయి. తాజాగా కరణం బలరాంపై కేసు నమోదైంది.

సంబంధిత వార్తలు