తక్కువ ఖర్చుతో ప్రాజెక్టుల నిర్మాణం మంచిదే: రివర్స్ టెండరింగ్ సక్సెస్ పై జేసీ

తక్కువ ఖర్చుతో ప్రాజెక్టులు నిర్మించడం మంచి పరిణామమేనని చెప్పుకొచ్చారు జేసీ దివాకర్ రెడ్డి. ప్రజాధనం ఎవరు ఆదా చేసినా స్వాగతించాల్సిందేనని చెప్పుకొచ్చారు. ప్రభుత్వం-కాంట్రాక్టర్లు కుమ్మక్కైతే మాత్రం తప్పు అని చెప్పుకొచ్చారు.

 అమరావతి: పోలవరం రివర్స్ టెండరింగ్ గ్రాండ్ సక్సెస్ పై ఆసక్తికర వ్యాఖ్యలు చేశారు టీడీపీ నేత, మాజీ ఎంపీ జేసీ దివాకర్ రెడ్డి. దేశంలోనే మొట్టమొదటి రివర్స్ టెండరింగ్ సక్సెస్ అయిందని ఏపీ నీటి పారుదల శాఖ మంత్రి అనిల్ కుమార్ యాదవ్ ప్రకటించడంపై కీలక వ్యాఖ్యలు చఏశారు. 

పోలవరం లెఫ్ట్ కెనాల్ పనుల్లో రివర్స్ టెండర్ల ద్వారా గతం కంటే 20.33 శాతం మిగులు లభించిందని, మొత్తం రూ. 290 కోట్ల పనుల్లో దాదాపు రూ. 58 కోట్లు ఖజానాకు ఆదా అయ్యాయని మంత్రి స్పష్టం చేసిన సంగతి తెలిసిందే. 

తక్కువ ఖర్చుతో ప్రాజెక్టులు నిర్మించడం మంచి పరిణామమేనని చెప్పుకొచ్చారు జేసీ దివాకర్ రెడ్డి. ప్రజాధనం ఎవరు ఆదా చేసినా స్వాగతించాల్సిందేనని చెప్పుకొచ్చారు. 

ప్రభుత్వం-కాంట్రాక్టర్లు కుమ్మక్కైతే మాత్రం తప్పు అని చెప్పుకొచ్చారు. ఈ పనిలో నష్టమొచ్చినా ఇంకో పనిలో సర్దుతామని ప్రభుత్వం అనుకుంటే మాత్రం అది తీవ్రమైన తప్పు అంటూ చెప్పుకొచ్చారు. 

రివర్స్ టెండర్లలోనూ పాత కాంట్రాక్టర్లకే పనులు దక్కడం సంతోషకరమన్నారు. డబ్బులు మిగుల్చుతామనే పేరుతో సంవత్సరాలు గడిపేయడం మంచి పద్దతి కాదని మాజీ ఎంపీ జేసీ దివాకర్ రెడ్డి స్పష్టం చేశారు. 

ఈ వార్తలు కూడా చదవండి