జయరాం హత్య కేసు: పోలీసుల అదుపులో రాకేశ్ స్నేహితులు

కోస్టల్ బ్యాంక్ అధినేత, ఎక్స్‌ప్రెస్ టీవీ ఛైర్మన్ చిగురుపాటి జయరాం చౌదరి హత్య కేసులో చిక్కుముడులు వీడటం లేదు. జయరాంను చంపింది రాకేశ్ రెడ్డే అని పోలీసులు నిర్ధారణకు వచ్చినప్పటికీ.. ఆదివారం శిఖా చౌదరి మీడియాతో మాట్లాడిన తర్వాత పరిణామాలు వేగంగా మారిపోయాయి.

జయరాంకు ఉన్న సెక్స్‌ పిచ్చా, లేక ఆర్ధిక లావాదేవీలు ఆయన హత్యకు కారణమయ్యాయా అన్న కోణంలో పోలీసులు ఆరా తీస్తున్నారు. మరోవైపు జయరాంను హైదరాబాద్ నుంచి విజయవాడ తీసుకెళుతూ రాకేశ్ రెడ్డి హతమార్చాడని చెబుతున్న పోలీసులు, అతని వెంట మరో వ్యక్తి ఉన్నారని తెలిపారు.

ఆ ఆజ్ఞాత వ్యక్తి ఎవరా అన్న దానిపై ప్రస్తుతం సందిగ్థం నెలకొంది. దీంతో రాకేశ్ రెడ్డి స్నేహితులు సుభాష్ రెడ్డి, స్వామి, స్వామి భార్య కవితలను గత రెండు రోజులుగా వత్సవాయి పోలీస్ స్టేషన్‌లోనే విచారిస్తున్నారు. కేసులో వీరి పాత్ర ఏమైనా ఉండొచ్చని పోలీసులు భావిస్తున్నారు. అలాగే జగ్గయ్యపేట రామ్‌కో సిమెంట్స్ గెస్ట్‌హౌస్‌లో రాకేశ్‌ను ప్రత్యేకంగా వుంచి ప్రశ్నిస్తున్నారు.