ప్రపంచంలో అత్యంత వేగంగా ఎదుగుతున్న నగరాల్లో బెంగళూరు ముందుంటుంది. అక్కడ ఉన్న అంతర్జాతీయ విమాానాశ్రయం అత్యంత రద్దీగా ఉంటుంది. దాంతో బెంగళూరులో రెండో అంతర్జాతీయ విమానాశ్రయం ప్రారంభించే ఆలోచనలో ఉంది ప్రభుత్వం.
బెంగళూరు నగరంలో రెండో అంతర్జాతీయ విమానాశ్రయం కట్టడానికి స్థలాలను ఎంపిక చేయడానికి భారతీయ విమానాశ్రయాల సంస్థ (ఏఏఐ) టీమ్ ఏప్రిల్ 7 నుంచి 9 మధ్యలో పర్యటిస్తుందని మంత్రి ఎంబీ పాటిల్ తెలిపారు. బెంగళూరుకు రెండో అంతర్జాతీయ విమానాశ్రయం కోసం కనకపుర రోడ్డులో రెండు, నెలమంగల-కుణిగల్ రోడ్డులో ఒకటి చొప్పున స్థలాలు చూశామన్నారు. వాటి గురించి తెలుసుకోవడానికి ఏఏఐ టీమ్ ఏప్రిల్ 7 నుంచి 9 మధ్యలో వస్తుంది. దీనికి సంబంధించి రాష్ట్ర పరిశ్రమలు, మౌలిక సదుపాయాల అభివృద్ధి సంస్థ ఏఏఐకి ₹1.21 కోట్లు చెల్లించిందని ఆయన చెప్పారు.
విమానాశ్రయం కట్టడానికి చూసిన స్థలాలను చెక్ చేయమని భారతీయ విమానాశ్రయాల సంస్థకు మార్చి 5న రాశారు. దాని ప్రకారం ఏఏఐ టీమ్ వస్తుంది. ఆ టీమ్ చెప్పినట్టు మూడు స్థలాల మ్యాప్, 10 ఏళ్ల వాతావరణ రిపోర్ట్, స్థలాల బొమ్మలు, సర్వే శాఖ మ్యాప్, విమానాశ్రయంలో ఎలా ఉంటుందో రిపోర్ట్ రెడీ చేశామన్నారు.
కెంపేగౌడ విమానాశ్రయానికి జనం ఎక్కువ అవుతున్నారు. 2033కి 150 కి.మీ. దూరంలో మరో విమానాశ్రయం ఉండకూడదు అనే రూల్ కూడా అయిపోతుంది. అందుకే రెండో విమానాశ్రయం కోసం ఇప్పటినుంచే రెడీ అవుతున్నాం. 2033కి కొత్త విమానాశ్రయం రెడీ అవుతుంది అని చెప్పారు.
