సికింద్రాబాద్ రాంగోపాల్ పేట అగ్ని ప్రమాదం: డెక్కన్ మాల్ కూల్చివేతకు రంగం సిద్దం, వ్యర్థాల తొలగింపు
సికింద్రాబాద్ రాంగో పాల్ పేట డెక్కన్ మాల్ లో వ్యర్ధాలను అధికారులు తొలగిస్తున్నారు. ఈ భవనంలో సుమారు 10 వేల వ్యర్ధాలున్నట్టుగా అధికారులు అంచనా వేస్తున్నారు. ఈ వ్యర్ధాలను తొలగించే పనులు ప్రారంభించారు.
Followహైదరాబాద్:సికింద్రాబాద్ రాంగోపాల్ పేట డెక్కన్ మాల్ లో ఆదివారం నాడు వ్యర్ధాలను తొలగిస్తున్నారు. అగ్నిమాపక సిబ్బంది , జీహెచ్ఎ:సీ సిబ్బంది సహాయక చర్యలు నిర్వహిస్తున్నారు. ఇవాళ ఉదయం కూడా అగ్నిమాపక సిబ్బంది ఈ భవనంలో ఫైరింజన్ల ద్వారా నీళ్లను చల్లుతున్నారు. ఈ భవనం లోపలి నుండి పొగలు వస్తున్నాయి. భవనంలో ఏ అంతస్థు నుండి పొగలు వస్తున్నాయో ఆ అంతస్థు లో నీళ్లను చల్లుతున్నారు. మంటల ధాటికి పూర్తిగా భవనం దెబ్బతింది. ఈ భవనం ఎప్పుడైనా కూలిపోయే అవకాశం ఉందని అధికారులు అనుమానిస్తున్నారు. దీంతో ఈ భవనం వద్దకు ఎవరూ రావొద్దని జీహెచ్ఎంసీ అధికారులు హెచ్చరికలతో కూడి ఫ్లెక్సీలను ఏర్పాటు చేశారు.
ఈ నెల 20వ తేదీన ఉదయం డెక్కన్ మాల్ లో అగ్ని ప్రమాదం జరిగింది. ఈ ప్రమాదం జరిగిన సమయంలో ముగ్గురు కార్మికులు ఈ భవనంలోనే చిక్కుకున్నారని పోలీసులు అనుమానిస్తున్నారు. అయితే శనివారం నాడు ఈ భవనం సెల్లార్ లో ఒక ఆస్తిపంజారాన్ని రెస్క్యూ సిబ్బంది గుర్తించారు. ఈ ఆస్థి పంజారాన్ని ఆసుపత్రికి తరలించారు. ఈ ఆస్థి పంజరం ఎవరిదనే విషయాన్ని పరీక్షలు చేసిన తర్వాత నిర్ధారించనున్నారు. మరో ఇద్దరి ఆచూకీ కోసం గాలింపు చర్యలు చేపట్టారు. ఈ ఇద్దరి ఆచూకీని గుర్తించిన తర్వాత భవనాన్ని కూల్చివేయనున్నారు.
ఈ భవనంలో సుమారు 10 వేల టన్నుల వ్యర్ధాలు ఉన్నట్టుగా అధికారులు అంచనా వేస్తున్నారు. ఈ భవనం కూల్చివేతను రోబోటిక్ టెక్నాలజీతో చేపట్టాలని కూడా అధికారులు భావిస్తున్నారు. ఈ భవనం కూల్చివేతకు అయ్యే ఖర్చును భవన యజమానుల నుండి వసూలు చేయాలని జీహెచ్ఎంసీ అధికారులు భావిస్తున్నారు. ఈ నెల 20వ తేదీన రాం గోపాల్ పేట భవనంలో అగ్ని ప్రమాదం జరిగిన సమయంలో నలుగురు కార్మికులను అగ్నిమాపక సిబ్బంది రక్షించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
