తండ్రి దాడి: ఆసుపత్రి నుండి డిశ్చార్జి కానున్న మాధవి

తండ్రి చేతిలో  దాడికి గురైన మాధవి బుధవారం నాడు ఆసుపత్రి నుండి డిశ్చార్జి కానుంది. 

sandeep madhavi

హైదరాబాద్: తండ్రి చేతిలో దాడికి గురైన మాధవి బుధవారం నాడు ఆసుపత్రి నుండి డిశ్చార్జి కానుంది. తక్కువ కులానికి చెందిన వాడిని పెళ్లి చేసుకొందనే కోపంతో మాధవితో పాటు ఆమె భర్త సందీప్‌ పై తండ్రి మనోహరాచారి దాడి చేసిన విషయం తెలిసిందే.

సెప్టెంబర్ 19వ తేదీన హైద్రాబాద్ గోకుల్ థియేటర్ వద్ద మనోహరాచారి తన కూతురు మాధవి, అల్లుడు సందీప్‌పై దాడికి పాల్పడ్డారు. ఈ దాడిలో సందీప్‌ స్వల్పగాయాలతో బయటపడ్డాడు.

కానీ తీవ్ర గాయాలతో యశోదా ఆసుపత్రిలో 22 రోజులుగా మాధవి చికిత్స పొందుతోంది. సకాలంలో మాధవిని ఆసుపత్రికి చేర్చడంతో వైద్యులు చికిత్స చేశారు. దీంతో మాధవి పూర్తిగా కోలుకొంది. 

బుధవారం నాడు మాధవిని ఆసుపత్రి నుండి డిశ్చార్జి చేయనున్నారు.యశోదా ఆసుపత్రిలో మాధవి వైద్యం కోసం సుమారు. 9 లక్షలకు పైగా ఖర్చు అయినట్టుగా సమాచారం. అయితే ఈ ఆసుపత్రి ఖర్చును ప్రభుత్వం భరించాలని నిర్ణయం తీసుకొన్నట్టు సమాచారం.

సంబంధిత వార్తలు