Health: ప్రముఖ సంస్థ జీవీకే కీలక నిర్ణయం తీసుకుంది. జీవీకే హెల్త్ హబ్లో ఉచిత మధుమేహ కంటి పరీక్షల శిబిరం ఏర్పాటు చేస్తున్నట్లు ప్రకటించారు. జూన్ నెల మొత్తం ఈ శిబిరాల ఏర్పాటు ఉంటుందని తెలిపారు. ఇందుకు సంబంధించిన పూర్తి వివరాలు..
మధుమేహం (డయాబెటిస్) వల్ల వచ్చే కంటి సమస్యలను ముందస్తుగా గుర్తించి, నివారించే లక్ష్యంతో జీవీకే డయాగ్నోస్టిక్స్ అండ్ స్పెషాలిటీ క్లినిక్స్, ప్రిస్టీన్ ఐ హాస్పిటల్స్ సంయుక్త ఆధ్వర్యంలో ఉచిత మధుమేహ కంటి పరీక్షల శిబిరాన్ని నిర్వహిస్తున్నాయి. హైదరాబాద్లోని జూబ్లీహిల్స్ ఉన్న జీవీకే హెల్త్ హబ్లో జూన్ 1 నుంచి జూన్ 30, 2026 వరకు నెల రోజుల పాటు ఈ శిబిరం కొనసాగుతుంది. ప్రతిరోజూ ఉదయం 9 గంటల నుండి మధ్యాహ్నం 2 గంటల వరకు ఈ పరీక్షలు నిర్వహిస్తారు. అపాయింట్మెంట్లు, ఇతర వివరాల కోసం రోగులు 040-2888 2888 / 040-2777 2888 ఫోన్ నంబర్లలో సంప్రదించవచ్చు.
మధుమేహం అనేది చూపు కోల్పోవడానికి దారితీసే ప్రధాన కారణాలలో ఒకటి. ప్రారంభ దశల్లో ఎలాంటి స్పష్టమైన లక్షణాలు లేకుండానే ఇది కంటి చూపును దెబ్బతీస్తుంది. సరైన సమయంలో వ్యాధిని గుర్తించి, చికిత్స అందించడం ద్వారా చూపును కాపాడుకోవచ్చని, జీవన ప్రమాణాలను మెరుగుపరుచుకోవచ్చని వైద్యులు తెలిపారు.
డయాబెటిస్ రోగులలో అవగాహన పెంచడం, క్రమం తప్పకుండా కంటి పరీక్షలు చేయించుకునేలా వారిని ప్రోత్సహించడమే ఈ ఉచిత శిబిరం ముఖ్య ఉద్దేశం. ఈ శిబిరంలో భాగంగా సమగ్ర మధుమేహ కంటి పరీక్షలు, రెటినా పరీక్షలతో పాటు అనుభవజ్ఞులైన నేత్ర వైద్య నిపుణులచే ఉచిత సంప్రదింపులు (కన్సల్టేషన్) అందిస్తారు.
Related Articles
మధుమేహంతో బాధపడుతున్నవారు, మసక చూపు లేదా ఇతర కంటి సమస్యలు ఉన్నవారు ఈ అవకాశాన్ని సద్వినియోగం చేసుకుని ముందస్తు కంటి పరీక్షలు చేయించుకోవాల్సిందిగా కోరుతున్నారు. పరీక్షల సమయంలో కంటి పాపలను వెడల్పు చేసే (డైలేషన్) ప్రక్రియ అవసరమయ్యే అవకాశం ఉన్నందున, రోగులు తమ పాత మెడికల్ రిపోర్టులతో పాటు ఒక సహాయకుడిని (అటెండెంట్) వెంట తీసుకురావాలని సూచించారు.
ఆధునిక సాంకేతికత, అనుభవజ్ఞులైన నిపుణులు, సమగ్ర డయాగ్నోస్టిక్ సేవల ద్వారా నాణ్యమైన వైద్య సేవలను అందించేందుకు జీవీకే హెల్త్ హబ్ కట్టుబడి ఉందని నిర్వాహకులు తెలిపారు. ఇలాంటి సామాజిక ఆరోగ్య కార్యక్రమాల ద్వారా వ్యాధులను ముందస్తుగా గుర్తించి, నివారణ ఆరోగ్య సంరక్షణను పెంపొందించడమే తమ లక్ష్యమని సంస్థ పేర్కొంది. పూర్తి వివరాల కోసం ఈ 9963445785 నెంబర్ని సంప్రదించండి.
