Telangana CM: సీఎం ఎంపిక ఇవ్వాళ లేనట్టే?.. భిన్నాభిప్రాయాలా? డిసెంబర్ 9 దాకా వెయిటింగా?
తెలంగాణ నూతన సీఎం కోసం ప్రజలంతా ఆసక్తిగా ఎదురుచూస్తున్నారు. ఈ రోజు సీఎల్పీ సమావేశంలో ఇది తేలుతుందని, రాత్రిపూట ప్రమాణ స్వీకారం జరుగుతుందని అందరూ అనుకున్నారు. కానీ, ప్రస్తుత పరిణామాలు మాత్రం ఈ రోజు సీఎం ఎంపిక లేనట్టేననే సంకేతాలు వెల్లడిస్తున్నాయి.
 )
Followహైదరాబాద్: తెలంగాణ ఎన్నికల్లో 64 స్థానాలను గెలుచుకున్న కాంగ్రెస్ ఇప్పుడు ప్రభుత్వ ఏర్పాటు ప్రక్రియలో బిజీ అయిపోయింది. నిన్న రాత్రే కాంగ్రెస్ ఎమ్మెల్యేలు రాజధాని నగరం హైదరాబాద్ చేరుకున్నారు. ఈ రోజు సీఎల్పీ సమావేశం సుదీర్ఘంగా జరిగింది. అయితే.. సీఎల్పీ సమావేశం జరిగినా సీఎం అభ్యర్థి వ్యవహారం ఇంకా సస్పెన్స్‌లోనే ఉన్నది. అసలు ఈ రోజు సీఎం ఎంపిక లేనట్టేనని తెలుస్తున్నది.
ఎల్లా హోటల్‌ నుంచి డీకే శివకుమార్ బయటకు వచ్చారు. ఇతర పరిశీలకులూ బయటకు వచ్చారు. ఈ అబ్జర్వర్లు ఢిల్లీకి వెళ్లనున్నారు. కాంగ్రెస్ అధ్యక్షుడు మల్లికార్జున్ ఖర్గేతో రేపు ఢిల్లీలో సమావేశం అవుతారు. ఈ సమావేశంలోనే సీఎం ఎవరు అనేది తేలనున్నట్టు సమాచారం. ఈ మేరకు డీకే శివకుమార్ ఢిల్లీకి బయల్దేరినట్టు తెలిసింది.
Also Read : Revanth Reddy: రేవంత్ రెడ్డికి 2004లో కేసీఆర్ టీఆర్ఎస్ టికెట్ ఇచ్చి ఉంటే..!
ఈ రోజు రాత్రి 8 గంటల ప్రాంతంలో కొత్త ముఖ్యమంత్రి ప్రమాణ స్వీకారం చేస్తారనే సమాచారం వచ్చింది. కానీ, ఇప్పుడు పరిస్థితులు మాత్రం అలా లేవు. కాంగ్రెస్ అధిష్టానం ఈ రోజు నిర్ణయం తీసుకునే అవకాశాలు కనిపించడం లేదు. దీంతో కాంగ్రెస్ వ్యవహారంపైనా సందేహాలు వస్తున్నాయి.
Also Read: తెలంగాణలో కాంగ్రెస్‌తోపాటు బీఆర్ఎస్ కూడా గెలిచింది!!
కాంగ్రెస్‌లో సీఎం అభ్యర్థులకు కొదువ లేదనే విమర్శ ఇది వరకు ఉన్నదే. ఈ నేపథ్యంలోనే సీఎం ఎంపికలో భిన్నాభిప్రాయాలు వచ్చాయా? ఎక్కువ మంది పోటీ చేస్తున్నారా? అనే అనుమానాలు వస్తున్నాయి. అంతేకాదు, ఈ ఎంపిక వ్యవహారం వాయిదా పడటానికి మరో కారణాన్ని కూడా అనుమానిస్తున్నారు. సోనియా గాంధీ జన్మదినం, ప్రత్యేక తెలంగాణకు తొలి ప్రకటన వెలువడిన డిసెంబర్ 9వ తేదీని రేవంత్ రెడ్డి పలుమార్లు ప్రస్తావించారు. ఆ రోజునే తెలంగాణ ప్రభుత్వం ఏర్పాటు చేస్తామని, అదే రోజు ప్రమాణం చేస్తామనే మాట చెప్పారు. దీంతో సీఎం వ్యవహారంపై భిన్నాభిప్రాయాల వల్ల వాయిదా వేశారా? లేక డిసెంబర్ 9వ తేదీ కోసం వెయిట్ చేస్తున్నారా? అనే సందేహాలు వస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
