Telangana Elections: 26న జనసేనాని ప్రచారం.. కూకట్పల్లిలో బహిరంగ సభలో ప్రసంగం
జనసేన అధినేత పవన్ కళ్యాణ్ తెలంగాణలో కూకట్పల్లిలో 26వ తేదీన ప్రచారం చేస్తారు. ఇక్కడ బహిరంగ సభలో ప్రసంగిస్తారు. అమిత్ షాతో కలిసి ప్రచారంలో పాల్గొంటారని నాదెండ్ల మనోహర్ వెల్లడించారు.
 )
హైదరాబాద్: తెలంగాణ అసెంబ్లీ ఎన్నికల ప్రచారంలో జనసేన పార్టీ పై అనేక సంశయాలు ఇన్ని రోజులు ఉన్నాయి. తాజాగా జనసేన పార్టీ రాజకీయ వ్యవహారాల కమిటీ చైర్మన్ నాదెండ్ల మనోహర్ ఈ సస్పెన్స్కు తెర దించారు. జనసేన అధినేత పవన్ కళ్యాణ్ ఈ నెల 26వ తేదీన తెలంగాణలో ప్రచారం చేస్తారని వెల్లడించారు. కూకట్పల్లిలో నిర్వహించే బహిరంగ సభలో ఆయన మాట్లాడుతారని వివరించారు. క్యాంపెయిన్లో కేంద్రహోం మంత్రి అమిత్ షాతోపాటుగా పాల్గొనబోతున్నారు.
కూకట్పల్లిలో జనసేన ఐటీ మిత్రుల ఆత్మీయ సమ్మేళనం నిర్వహించారు. ఈ సమ్మేళనానికి నాదెండ్ల మనోహర్ హాజరై కొన్ని విషయాలపై స్పష్టత ఇచ్చారు. తాము శేరిలింగంపల్లి, కూకట్పల్లి సీట్ల కోసం ప్రయత్నించామని, కానీ, చివరకు శేరిలింగం పల్లి సీటును పొత్తులో భాగంగా బీజేపీకి వదిలిపెట్టుకోవాల్సి వచ్చిందని తెలిపారు.
Also Read: Barrelakka: బర్రెలక్కకు బంపర్ ఆఫర్.. ప్రచార ఖర్చులకు లక్ష రూపాయల విరాళం
హైదరాబాద్ మహానగరంగా ఎదగడానికి అందరమూ తోడ్పడ్డామని మనోహర్ పేర్కొన్నారు. ఆంధ్ర నుంచి ఎందరో ఇక్కడికి వచ్చి పని చేసి సంపాదించుకున్నారని, ఆ డబ్బును ఇక్కడే పెట్టుబడులు పెట్టి నగర అభివృద్ధికి తోడ్పడ్డారని తెలిపారు. వర్తమాన రాజకీయాల్లో పవన్ కళ్యాణ్ వంటి నాయకుడు దేశంలో ఎవరూ లేరని ఈ సందర్భంగా నాదెండ్ల మనోహర్ చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
