సచిన్‌ను దాటేందుకు.. కావాలి ఒక ‘సిక్స్’

rohit

భారత డాషింగ్ బ్యాట్స్‌మెన్ రోహిత్ శర్మ మరోసారి మాస్టర్ బ్లాస్టర్ సచిన్ టెండూల్కర్ రికార్డును బద్ధలు కొట్టేందుకు సిద్ధమయ్యాడు. వన్డేల్లో సచిన్ నమోదు చేసిన అత్యధిక సిక్సర్ల రికార్డును సమం చేసేందుకు రోహిత్ అడుగు దూరంలో నిలిచాడు.

సచిన్ తన వన్డే కెరీర్‌లో మొత్తం 195 సిక్సులు కొట్టాడు.. ప్రస్తుతం రోహిత్ 194 సిక్సులతో టెండూల్కర్ వెనుకే ఉన్నాడు. వెస్టిండీస్‌తో జరుగిన తొలి వన్డేలో 152 పరుగులతో అజేయంగా నిలిచిన రోహిత్.. ఆరుసార్లు 150 పరుగులకు పైన చేసిన ఏకైక క్రికెటర్‌గా నిలిచి సచిన్ పేరిట ఉన్న రికార్డును బద్ధలు కొట్టాడు.

ఇక వన్డేల్లో అత్యధిక సిక్సర్లు కొట్టిన బ్యాట్స్‌మెన్ల జాబితాను పరిశీలిస్తే.. 351 సిక్సర్లతో పాక్ మాజీ అల్‌రౌండర్ షాహిద్ ఆఫ్రిది అగ్రస్థానంలో ఉండగా.. క్రిస్‌గేల్ 275, జయసూర్య 270, ధోనీ 217 సిక్సర్లతో వరుస స్థానాల్లో ఉన్నారు.