హీరో నుంచి మరో అడ్వెంచర్ బైక్
- ఆటో ఎక్స్ పోలో హీరో ఈ సరికొత్త బైక్‌ను ప్రదర్శించింది.
ప్రముఖ ద్విచక్ర వాహన తయారీ సంస్థ హీరో.. మరో బైక్ ని విడుదల చేసింది. నోయిడాలో మూడు రోజులుగా ఆటో ఎక్స్ పో జరుగుతున్న సంగతి తెలిసిందే. కాగా.. ఈ ఆటో ఎక్స్ పోలో హీరో ఈ సరికొత్త బైక్‌ను ప్రదర్శించింది. 200 సీసీ సామర్థ్యంగల ఈ బైక్ పేరు ఎక్స్ పల్స్‌ గా ప్రకటించింది. ఈ బైక్‌తో పాటు రెండు కొత్త స్కూటర్లు మాస్ట్రో ఎడ్జ్‌ 125, డ్యుయెట్‌ 125 లను కూడా ప్రదర్శించింది. భవిష్యత్తులో ప్రీమియం మోటార్‌సైకిల్‌, స్కూటర్‌ విభాగాల్లో దృష్టి సారించనున్నట్లు కంపెనీ వెల్లడించింది. ఎక్స్ పోలో ప్రదర్శనకు ఉంచిన ఎక్స్ పల్స్‌, రెండు స్కూటర్లను ఈ ఏడాదిలో విడుదల చేయనున్నట్లు హీరో మోటోకార్ప్‌ ఛైర్మన్‌, ఎండీ, సీఈఓ పవన్‌ ముంజల్‌ వెల్లడించారు. గత రెండు నెలల్లో హీరో మోటోకార్ప్‌ ఏడు కొత్త ఉత్పత్తులను విడుదల చేసింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిLast Updated Mar 25, 2018, 11:54 PM IST
