రూ. 2 వేల నోటు 6 నెలల ముందే...
రఘురామ్‌ రాజన్ గవర్నర్‌ గా ఉన్నప్పుడే రూ. 2000 నోటు చలామణికి ఆమోదం లభించింది.
పెద్ద నోట్లు రద్దయిన తర్వాత ప్రజలు ఇబ్బంది పడకూడదని రూ. 2 వేల నోటును కేంద్రం విడుదల చేసిందనుకుంటే మీరు పప్పులో కాలేసినట్లే.
ఎందుకంటే నోట్ల రద్దు కంటే ముందే రూ. 2 వేల నోటును తీసుకరావడానికి ఆర్బీఐ సిద్ధమైందట. కాకపోతే అప్పుడు పెద్ద నోట్ల రద్దు విషయం ప్రస్తావనకు రాలేదు.
‘ఇండియన్‌ ఎక్స్ ప్రెస్’ సమాచార హక్కు చట్టం కింద దరఖాస్తు చేయగా ఆర్బీఐ ఈ సమాధానం ఇచ్చింది.
వాస్తవంగా గత ఏడాది మే నెలలోనే రూ. 2 వేల నోటును చలామణిలోకి తీసుకరావడానికి ఆర్బీఐ ఏర్పాట్లు చేసింది. అయితే ఆ తర్వాత కేంద్రం దీనిపై తుది నిర్ణయం తీసుకోలేదు.
నవంబర్ లో పెద్ద నోట్లు రద్దు చేసిన కేంద్రం వెంటనే ఆర్బీఐ ప్రతిపాదించిన రూ. 2 వేల నోటుకు వెంటనే ఆమోదం తెలిపింది. అందుకే మే లో విడుదల కావాల్సిన రూ. 2 వేల నోటు నవంబర్ లో ప్రజల చెంతకు చేరింది.
అంటే రఘురామ్‌ రాజన్ గవర్నర్‌ గా ఉన్నప్పుడే రూ. 2000 నోటు చలామణికి ఆమోదం లభించిందని దీన్ని బట్టి తెలుస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
