వార్నీ.. 10 రూపాయిల పందెంలో గెలిచేందుకు రద్దీ రోడ్డుపై స్నానం.. పోలీసులు ఏం చేశారంటే ? వీడియో వైరల్
పది రూపాయిల పందెం గెలిచేందుకు రద్దీగా ఉండే రోడ్డుపై ఓ యువకుడు స్నానం చేశాడు. దీనిని వీడియో తీసి సోషల్ మీడియాలో అప్ లోడ్ చేశాడు. ఈ వీడియో వైరల్ కావడంతో పోలీసులు అతడికి జరిమానా విధించారు.
పది రూపాయిల పందెంలో గెలిచేందుకు ఆ యువకుడు చేసిన పనికి అందరూ ముక్కున వేలేసుకుంటున్నారు. రద్దీగా ఉన్న రోడ్డుపైకి వెళ్లి అక్కడే స్నానం చేశాడు. దీనికి సంబంధించిన వీడియో సోషల్ మీడియాలో వైరల్ అయ్యింది. ఈ వీడియోను ట్రాఫిక్ పోలీసులు గమనించారు. ఆ యువకుడికి రూ.3,500 ఫైన్ వేశారు. ఈ వింత ఘటన తమిళనాడు రాష్ట్రంలో జరిగింది.
పోలీసులు తెలిపిన వివరాల ప్రకారం.. తమిళనాడు రాష్ట్రం ఈరోడ్ జిల్లాలోని పన్నీర్ సెల్వం పార్కు వద్ద రద్దీగా ఉండే ఓ చౌరస్తా ప్రాంతానికి ఎం ఫరూక్ అనే 24 ఏళ్ల యువకుడు ఆదివారం వెళ్లాడు. రూ.10 పందెం గెలిచేందుకు ఆ రద్దీపైనే స్నానం చేశాడు. దీనిని సోషల్ మీడియాలో పోస్ట్ చేస్తే వైరల్ అవుతుందని కూడా భావించాడు.
ఆ రోడ్డు ఎప్పుడూ రద్దీగా ఉంటుంది. ఈ యువకుడు చేసిన వింత పనిని పలువురు గమనించారు. అతడు స్నానం చేస్తుండగానే పలువురు వ్యక్తులు వెళ్లి ‘ఏం చేస్తున్నావు’ అని ప్రశ్నించారు. దానికి ఫరూక్ సమాధానమిస్తూ.. వేసవి తాపం నుంచి రక్షణ పొందేందుకు ఇలా ఓ ప్రయత్నం చేస్తున్నానని చెప్పారు. ఈ దృశ్యాలన్నింటినీ అతడు రికార్డు చేయించి, సోషల్ మీడియాలో పోస్టు చేశాడు.
స్నేహితుడు మరణించాడని అంత్యక్రియలకు వచ్చిన అఘోర.. మృతదేహంపై కూర్చుని పూజలు చేయడంతో..
అయితే ఈ వీడియో ఈరోడ్ జిల్లా ఎస్పీ ఫరూక్ కు చేరింది. దీంతో ఆ యువకుడికి జరిమానా విధించాలని ట్రాఫిక్ పోలీసులను ఆదేశించారు. ఎస్పీ ఆదేశాల మేరకు ఆ యువకుడిని గుర్తించి, అతడికి సోమవారం రూ.3,500 జరిమానా వేశారు. కాగా.. ఈ నెల మొదట్లో కూడా ఇలాంటి వీడియోనే ఒకటి సోషల్ మీడియాలో వైరల్ గా మారింది. అందులో ఓ యువతి, ఓ యువకుడు నడిరోడ్డుపై బైక్ పై స్నానం చేస్తున్నారు. ఆ యువతి ఓ బకెట్ లో నుంచి నీటిని తోడి, అతడిపై పోస్తూ కనిపించింది. మహారాష్ట్రలోని ఉల్హాస్‌నగర్‌ లోని రోడ్డు వారిద్దరూ ఇలా ప్రవర్తించారు.
విషాదం..హైవోల్టేజీ వల్ల పేలిన ఏసీ.. మహిళ మృతి, కుమారుడికి అస్వస్థత..
ఈ వీడియోపై పలువురు మండిపడ్డారు. ‘‘వినోదం పేరుతో ఇలాంటి నాన్సెన్స్ ను అనుమతిస్తారా? రద్దీగా ఉండే ఉల్హాస్ నగర్ సెక్షన్ -17 మెయిన్ సిగ్నల్ పై ఈ ఘటన జరిగింది. బహిరంగంగా మరెవరూ ఇలాంటి పనులూ చేయకుండా సోషల్ మీడియాలో ఉన్న ఈ కంటెంట్ ను తొలగించడంతో పాటు వారిపై చర్యలు తీసుకోవాలని కోరుతున్నాం’’ అని ఆ వీడియో కింద పలువురు కామెంట్లు చేశారు. దీనిపై థానే సిటీ పోలీసులు ఫిర్యాదు నమోదు చేసుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
