వర్షాకాలంలో మనం ఎంత జాగ్రత్తగా ఉండాలో చెప్పే ఓ వీడియో ఇప్పుడు సోషల్ మీడియాలో వైరల్ గా మారింది. విడిచిన షూ లో ఓ పెద్ద పాము దూరడం, దానిని ఎంతో చాకచక్యంగా బయటకు తీయడం ఈ వీడియోలో కనిపిస్తోంది.
మనం ఇంటి బయట షూస్ విడిచి లోపలికి వస్తాం. మళ్లీ బయటకు వెళ్లేటప్పుడు వేసుకొని వెళ్తాం. షూ లోపల ఏముందని చూసే తీరిక చాలా మందికి ఉండదు. కానీ అందులో ఏ విష సర్పమో దూరి ఉంటే పరిస్థితి ఎలా ఉంటుంది. ? కాలు పెట్టినవెంటనే పాము కాటేయడం, మనం తరువాత మెళ్లగా తేరుకొని హాస్పిటల్ కు పరిగెత్తడం వంటి విషయాలు వెంట వెంటనే జరిగిపోతాయి. కానీ ఓ వ్యక్తి మాత్రం షూ లో దూరిన పామును గమనించాడు. వెంటనే దానిని తీసేందుకు శిక్షణ పొందిన సిబ్బందిని పిలిచాడు. దానిని బయటకు తీసే సమయంలో వీడియో తీశాడు. ఆ వీడియోను సోషల్ మీడియాలో పోస్ట్ చేయడంతో ఇప్పుడు వైరల్ గా మారింది.
గుజరాత్ లో దంచికొడుతున్న వానలు.. ఆస్పత్రిని ముంచెత్తిన వరద.. 8 మంది మృతి
ఈ వీడియోను ఇండియన్ ఫారెస్ట్ సర్వీస్ (IFS) అధికారి సుశాంత నంద ట్విట్టర్లో షేర్ చేశారు. ‘‘వర్షాకాలంలో విచిత్రమైన ప్రదేశాలలో పాములు కనిపిస్తాయి. కాబట్టి ప్రజలు జాగ్రత్తగా ఉండాలి. శిక్షణ పొందిన సిబ్బంది సహాయం తీసుకోండి” అని ఆయన క్యాప్షన్ పెట్టారు.
ఈ చిన్న క్లిప్ లో ఓ మహిళ పామును పట్టుకోవడానిక చేసిన ప్రయత్నాలు కనిపిస్తాయి. ముందుగా పామును పట్టే ఓ రాడ్ ను తీసుకొని షూ లోపలకి నెట్టారు. ఆమె షూ లోపల ఇనుప రాడ్ను ఉంచగా పాము దాని నుండి బయటకు వచ్చింది. ఆ సమయంలో పాము మహిళపై దాడి చేయడానికి ప్రయత్నిస్తుంది. అయితే ఆమె ఆ పాము విషయంలో జాగ్రత్తతో ఉంటుంది. చాకచక్యంగా వ్యవహరించి చివరికి పామును షూ లో నుంచి బయటకు తీస్తుంది.
Amarnath Yatra: అమర్నాథ్ యాత్ర మళ్లీ షురు.. జమ్మూ బేస్ క్యాంపు నుంచి 7000 మంది పయనం
షూ ధరించే ముందు దుమ్ము దులపడం ఎందుకు అవసరమో ఆమె వివరించారు. ముఖ్యంగా వర్షాకాలంలో అప్రమత్తంగా, జాగ్రత్తగా ఉండటం చాలా ముఖ్యం అని ఆమె తెలిపారు. ఈ వీడియో క్లిప్ ను షేర్ చేసిన నాటి నుంచి 101,000 కంటే ఎక్కువ వ్యూవ్స్ వచ్చాయి. 3,400 కంటే ఎక్కువ లైక్లను పొందింది. కామెంట్ సెక్షన్లలో చాలా మంది అభిప్రాయాలను పంచుకున్నారు. కొందరు ఈ వీడియోను భయంకరమైనది అని అభివర్ణిస్తుండగా.. మరి కొందరు ఈ సమాచారాన్ని షేర్ చేసినందుకు IFS అధికారికి కృతజ్ఞతలు తెలిపారు.‘‘ సమాజం కోసం గొప్ప సున్నితత్వ వీడియోలు’’ అని ఒకరు రాయగా.. ‘‘మీరు పంపించిన ఈ రకమైన సమాచారానికి ధన్యవాదాలు’’ అని మరొకరు పేర్కొన్నారు.
ఇదిలా వుండగా.. గత నెలలో కేరళలోని ఓ పాఠశాలలో నాలుగో తరగతి విద్యార్థిని విషపూరిత పాము కరిచిన విషయం తెలిసిందే. ఆ బాలుడిని తన తరగతి గదికి కేవలం 200 మీటర్ల దూరంలోనే కాటేసింది. దీంతో ఆ పిల్లాడిని హాస్పిటల్ కు తరలించారు. అ బాలుడి ఆరోగ్య పరిస్థితి నిలకడగా ఉందని, ప్రాణాపాయం లేదని ఆ తర్వాత వార్తలు వచ్చాయి.
