అయోధ్యకు వెళ్లేవారికోసం ప్రత్యేకరైళ్లు...
అయోధ్యకు వచ్చే భక్తుల కోసం రైల్వేశాఖ ప్రత్యేక రైళ్లను నడిపేందుకు సన్నాహాలు చేస్తోంది. దీనికి సంబంధించిన వివరాలు ఇవే..
 )
Followఅయోధ్య : రామమందిర ప్రాణ్ ప్రతిష్ఠా కార్యక్రమంలో పాల్గొనడానికి, బాలరాముడిని కళ్లారా దర్శించుకోవడానికి దేశం నలుమూలల నుండి భక్తులు అయోధ్యకు వెళ్లాలని కోరుకుంటున్నారు. అలాంటి భక్తులను అయోధ్యకు చేర్చేందుకు ప్రత్యేక రైళ్లను నడిపేందుకు రైల్వేశాఖ సన్నాహాలు చేస్తోంది. భక్తులను అయోధ్యకు తీసుకెళ్లేందుకు ప్రత్యేక రైళ్లను నడుపుతామని ఉత్తర రైల్వే ఏపీఆర్వో విక్రమ్ సింగ్ తెలిపారు. ఆ ప్లాన్‌పై కసరత్తు జరుగుతోంది. ఏ రైలు ఎక్కడ నుండి నడుస్తుంది? ఎక్కడ ఆగుతుంది? అనేది ఇంకా స్పష్టత లేదు.
ప్రారంభించనున్న ప్రధాని మోదీ
రైల్వే బోర్డు ఛైర్మన్ జయ వర్మ సిన్హా, రైల్వే మంత్రి అశ్విని వైష్ణవ్ రామమందిర్ ప్రాణ్ ప్రతిష్ఠా కార్యక్రమానికి ముందే అయోధ్య రైల్వే స్టేషన్‌ను తనిఖీ చేస్తారని సమాచారం. డిసెంబర్ 30న మర్యాద పురుషోత్తం భగవాన్ శ్రీరాం విమానాశ్రయంతో పాటు రైల్వే స్టేషన్ భవనాన్ని ప్రధాని నరేంద్ర మోదీ ప్రారంభించే అవకాశం ఉంది. ఈ నేపథ్యంలో అసంపూర్తిగా ఉన్న రైల్వే స్టేషన్‌ను రామమందిరం తరహాలో పూర్తి చేసేందుకు పనులు వేగంగా జరుగుతున్నాయి.
శ్రీరామ జన్మభూమి ఆలయ నమూనాను ఎవరు తయారు చేశారో తెలుసా??
ప్లాట్‌ఫారమ్‌లు, రైల్వే ట్రాక్‌ల డబ్లింగ్‌ పనులు వేగవంతం
అయితే ప్రస్తుతం అయోధ్య రైల్వే స్టేషన్‌లో జరుగుతున్న పనుల కారణంగా ప్రయాణికులు తీవ్ర ఇబ్బందులు పడుతున్నారు. ప్లాట్‌ఫారమ్‌ నిర్మాణంతో పాటు రైల్వే ట్రాక్‌ల డబ్లింగ్‌ తదితర పనులు కొనసాగుతున్నాయి. దీని కారణంగా, చాలా రైళ్లు రూట్‌ మార్చబడ్డాయి. మరికొన్నింటిని రద్దు చేశారు. దీంతో రైల్వే స్టేషన్‌లో నిర్జనంగా మారింది. గత 15 రోజులుగా ఇదే పరిస్థితి ఉందని స్థానికులు చెబుతున్నారు. మరోవైపు జనవరి 15 వరకు మళ్లింపు అమలులో ఉంది. ఈ పరిస్థితిలో, నెల తర్వాత మాత్రమే రైళ్లు సజావుగా నడుస్తాయని అనుకుంటున్నారు.
ఈ ప్రధాన నగరాల నుండి ప్రత్యేక రైళ్లను నడపవచ్చు
మరోవైపు, రామమందిరం ప్రాణ్ ప్రతిష్ఠా వేడుకకు ముందే రైల్వే ప్రత్యేక రైళ్లను నడపడానికి సన్నాహాలు చేస్తున్నారు. అయోధ్య రైల్వే స్టేషన్ భవనం, ప్లాట్‌ఫారమ్‌ నిర్మాణ పనులు అసంపూర్తిగా ఉన్నాయి. ఇలాంటి పరిస్థితుల్లో రైళ్లను నడిపితే ప్రయాణికులు అసౌకర్యానికి గురవుతారు. అందుకే రైళ్ల మళ్లింపు, రద్దు ఉన్నాయి. మరో సమాచారం ప్రకారం, దేశంలోని ప్రధాన నగరాలైన ముంబై, ఢిల్లీ, బెంగళూరు, కోల్‌కతా, అహ్మదాబాద్, చెన్నై, నాగ్‌పూర్, పూణేల నుండి అయోధ్యకు ప్రత్యేక రైళ్లను నడపవచ్చు. అయోధ్య రైల్వే స్టేషన్‌లో ప్రయాణీకుల ఒత్తిడిని తగ్గించడానికి, రైళ్లను అయోధ్య కాంట్, దర్శన్‌నగర్ రైల్వే స్టేషన్‌లో ఆపొచ్చని తెలుస్తోంది.
రైల్వే స్టేషన్‌లో సౌకర్యాలు
రూ.350 కోట్లతో అయోధ్య రైల్వే స్టేషన్‌ను సిద్ధం చేస్తున్నారు. రామమందిరం నమూనాలో నిర్మించిన రైల్వే స్టేషన్ ఎయిర్ కండిషన్ చేయబడింది. ఫుడ్ ప్లాజా, చైల్డ్ కేర్, ఫుట్ ఓవర్‌బ్రిడ్జ్, లిఫ్ట్, ఎస్కలేటర్, డ్రింకింగ్ వాటర్ బూత్, మెడికల్ బూత్, పెద్ద పార్కింగ్‌తో పాటు వికలాంగులకు ర్యాంప్, ఉద్యోగుల వసతి కూడా ఉంది. గులాబి రాళ్లతో ద్వారం నిర్మించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి- Ayodhya
- Ayodhya Ram Mandir event
- Ayodhya Ram Temple
- Ayodhya Ram Temple inauguration
- Ayodhya Ram Temple opening date
- Ayodhya Ram Temple specialities
- MM Joshi
- Ram Temple Trust
- Ram temple
- Special trains
- Sri Rama Janmabhoomi
- Temple trust
- VHP invites Advani
- ayodhya Ram mandir
- babri masjid
- narendra modi
- railway department
- ram mandir model
- ram temple trust
