మీడియాకు ఆత్మ‌ప‌రిశీల‌న అస‌వ‌రం.. సీజేఐ వ్యాఖ్య‌ల‌ను స‌మ‌ర్థించిన కేంద్ర మంత్రి అనురాగ్ ఠాకూర్

కొన్ని మీడియా సంస్థలు కంగారూ కోర్టులా పని చేస్తున్నాయని సీజేఐ రమణ చేసిన వ్యాఖ్యలను కేంద్ర మంత్రి అనురాగ్ ఠాకూర్ సమర్థించారు. మీడియా సంస్థలు ఆత్మపరిశీలన చేసుకోవాల్సిన అసవరం ఉందని అన్నారు.

Cabinet minister Anurag Thakur attacked Akhilesh Yadav EVM UP Election Lucknow

భార‌త సుప్రీంకోర్టు ప్ర‌ధాన న్యాయ‌మూర్తి (సీజేఐ) ఎన్వీ ర‌మ‌ణ మీడియాపై చేసిన వ్యాఖ్య‌ల‌ను కేంద్ర మంత్రి అనురాగ్ ఠాకూర్ స‌మ‌ర్థించారు. మీడియా సంస్థలు తమ పని తీరుపై ఆత్మపరిశీలన చేసుకోవాలని అనురాగ్ ఠాకూర్ అన్నారు. వార్త‌లు ఇచ్చే స‌మ‌యంలో ల‌క్ష్మ‌ణ రేఖ దాటుతున్నామో లేదో ఒక సారి చూసుకోవాల‌ని సూచించారు. ‘‘ కొన్ని మీడియా సంస్థలు కంగారూ కోర్టులా పని చేస్తున్నాయని సుప్రీంకోర్టు ప్రధాన న్యాయమూర్తి రమణ రాంచీలో ఒక ప్రకటన ఇచ్చారు. ఇది ఒక పెద్ద ప్రశ్న గుర్తును లేవనెత్తుతుంది. ఇది ప్రజలను ఒక్కసారి లోపలికి చూసేలా చేస్తుంది’’ అని అనురాగ్ ఠాకూర్ అన్నారు.

న్యూఢిల్లీలోని ఆకాశవాణి భవన్‌లో జరిగిన జాతీయ ప్రసార దినోత్సవ వేడుకల ప్రారంభోత్సవంలో కేంద్ర మంత్రి ప్రసంగించారు. ‘‘ కేసుల విషయంలో మీడియా విచారణకు సంబంధించి ఎక్కడైనా తప్పుడు అవగాహన ఏర్పడితే.. మన పనితీరులో ఆత్మపరిశీలన అవసరం’’ అని అన్నారు. ‘‘ వార్తలు రాస్తూ ఎక్కడైనా లక్ష్మణరేఖను దాటేస్తారా.. మీడియా ట్రయల్ లేదు కదా.. మీడియా ముందు ఆయ‌న ఈ తరహా ప్రశ్న లేవనెత్తారు ’’ అని కేంద్ర మంత్రి అన్నారు. 

టెలివిజన్, ఇంటర్నెట్ వచ్చిన తర్వాత రేడియో అస్తిత్వ సంక్షోభాన్ని ఎదుర్కొంటుందని నమ్ముతున్నామని అనురాగ్ ఠాకూర్ అన్నారు. కానీ రేడియో తన శ్రోతలను గుర్తించింద‌ని, దాని ఔన‌త్యాన్ని మాత్రమే కాకుండా విశ్వసనీయతను నిలుపుకుంద‌ని చెప్పారు. “ ప్రజలు నిష్పాక్షికమైన వార్తలను వినాలనుకున్నప్పుడు సహజంగానే ఆల్ ఇండియా రేడియో, దూరదర్శన్ వార్తలను వింటారు. దేశ భౌగోళిక శాస్త్రంలో 92 శాతం, జనాభాలో 99 శాతం మందిని ఆకాశవాణి చేరుకోవడం అభినందనీయం.’’ అని అన్నారు. 

కాగా..జార్ఖండ్‌లోని రాంచీలో శనివారం జరిగిన ఓ కార్యక్రమంలో సీజేఐ ఎన్వీ రమణ ప్రసంగిస్తూ.. మీడియా నిర్వహిస్తున్న కంగారూ కోర్టులు ప్రజాస్వామ్య ఆరోగ్యానికి హానికరం అని వ్యాఖ్యానించారు.‘‘మేము మీడియా కంగారుగా కోర్టులను నడుపుతున్నట్లు చూస్తున్నాము, కొన్ని సమయాల్లో అనుభవజ్ఞులైన న్యాయమూర్తులు కూడా సమస్యలపై నిర్ణయం తీసుకోవడం కష్టం. న్యాయం అందించడానికి సంబంధించిన సమస్యలపై అవగాహన లేని ఎజెండాతో నడిచే చర్చలు ప్రజాస్వామ్య ఆరోగ్యానికి హానికరం ’’ అని సీజేఐ అన్నారు. 

అయితే కేంద్ర న్యాయ శాఖ మంత్రి కిరణ్ రిజిజు కూడా ఇదే అంశంపై మాట్లాడుతూ.. ‘‘ భారతదేశంలో ఉన్నంత స్వతంత్ర న్యాయవ్యవస్థ ప్రపంచంలో ఏదీ లేదు. సీజేఐ ఎన్వీ రమణ ఎలక్ట్రానిక్, సోషల్ మీడియా ద్వారా మీడియా విచారణపై చేసిన వ్యాఖ్యలు భారతదేశంలో ప్రపంచవ్యాప్తంగా ఉన్న పరిస్థితులపై ఆయ‌న‌కు ఉన్న ప‌రిశీల‌న‌. ఎవరికైనా అలా అనిపిస్తే పబ్లిక్ డొమైన్‌లో చర్చించండి ’’ అని అన్నారు.