Asianet News TeluguAsianet News Telugu

ప్రభుత్వ ఏర్పాటుకు హేమంత్‌కు ఆహ్వానం: ప్రమాణ స్వీకారానికి భారీ ఏర్పాట్లు

ప్రభుత్వాన్ని ఏర్పాటు చేసేందుకు జేఎంఎం కార్యనిర్వాహక అధ్యక్షుడు హేమంత్ సోరెన్‌ను రాష్ట్ర గవర్నర్ ద్రౌపది ముర్ము ఆహ్వానించారు

jharkhand Governor Draupadi Murmu invites Hemant Soren to form government
Author
Ranchi, First Published Dec 25, 2019, 5:46 PM IST
  • Facebook
  • Twitter
  • Whatsapp

జార్ఖండ్‌లో కాంగ్రెస్-జేఎంఎం-ఆర్జేడీ సంకీర్ణ కూటమి అధికారంలోకి వచ్చిన సంగతి తెలిసిందే. ఈ నేపథ్యంలో సంకీర్ణ కూటమి ఏర్పాటుకు రంగం సిద్ధమవుతోంది. ప్రభుత్వాన్ని ఏర్పాటు చేసేందుకు జేఎంఎం కార్యనిర్వాహక అధ్యక్షుడు హేమంత్ సోరెన్‌ను రాష్ట్ర గవర్నర్ ద్రౌపది ముర్ము ఆహ్వానించారు.

Also Read:రుణభారం, నిరుద్యోగం: చుట్టూ సమస్యలు.. హేమంత్‌కు కత్తిమీద సామే

అదే సమయంలో హేమంత్ ప్రమాణ స్వీకరానికి కూడా ప్రభుత్వం, జేఎంఎం శ్రేణులు భారీ ఏర్పాట్లు చేస్తున్నాయి. డిసెంబర్ 29న జార్ఖండ్ ముఖ్యమంత్రిగా ఆయన ప్రమాణ స్వీకారం చేయనున్నారు.

ఈ కార్యక్రమానికి పలువురు ప్రముఖులను ఆహ్వానించాలని సోరెన్ నిర్ణయించారు. కాంగ్రెస్ అధినేత్రి సోనియా గాంధీని తన ప్రమాణ స్వీకారానికి ఆహ్వానించేందుకు సోరెన్ బుధవారం ఢిల్లీ వెళ్లనున్నారు.

Also Read:జార్ఖండ్ :అధికారంలోకి కాంగ్రెస్ కూటమి, సీఎం సహా ఆరుగురు మంత్రులకు ఓటమి

మరోవైపు ప్రమాణ స్వీకారానికి ఆర్జేడీ అధినేత లాలూ ప్రసాద్ యాదవ్‌ వస్తారని తొలుత వార్తలు వచ్చాయి. అయితే ఈ పుకార్లను ఆయన కుమారుడు తేజస్వీ యాదవ్ ఖండించారు.

ప్రస్తుతం లాలూ ఆరోగ్యం సరిగా లేదని, డిసెంబర్ 29న హేమంత్ ప్రమాణ స్వీకార కార్యక్రమానికి ఆయన హాజరుకారని తేజస్వీ వెల్లడించారు. జార్ఖండ్ అసెంబ్లీ ఎన్నికల ఫలితాల్లో కాంగ్రెస్-జేఎంఎం-ఆర్జేడీ కూటమి 47 సీట్లతో అధికారాన్ని హస్తగతం చేసుకుంది. 

Follow Us:
Download App:
  • android
  • ios