బైక్‌ను ఢీకొట్టి.. మూడు కిలోమీటర్లు రోడ్డుపై ఈడ్చుకెళ్లిన కారు.. బైక్ పైనే ఇద్దరు వ్యక్తులు (Video)
మహారాష్ట్రలోని నాగ్‌పూర్‌లో రద్దీగా ఉన్న రోడ్డుపై ఓ కారు బైక్‌ను ఢీకొట్టింది. అంతటితో ఆగకుండా బైక్ పై ఇద్దరు వ్యక్తులు ఉండగానే దాన్ని కారు అలాగే కనీసం మూడు కిలోమీటర్ల దూరం ఈడ్చుకెళ్లింది. ఇందుకు సంబంధించిన వీడియో సోషల్ మీడియాలో వైరల్ అయింది.
Followముంబయి: మహారాష్ట్రలో దారుణం జరిగింది. నాగ్‌పూర్‌లో ఓ రద్దీ రోడ్డుపై ముందున్న బైక్‌ను ఓ కారు ఢీకొట్టింది. అంతటితో ఆ కారు ఆగిపోలేదు. ఇద్దరు వ్యక్తులు ఆ బైక్ పై ఉండగానే.. బైక్‌ను అలాగే ముందుకు ఈడ్చుకెళ్లింది. ఏకంగా మూడు కిలోమీటర్ల మేరకు బైక్‌ను కారు అలాగే ఈడ్చుకెళ్లిన ఘటనను వెనుకే ప్రయాణిస్తున్న మరికొందరు వీడియో తీశారు. ఈ వీడియో ప్రస్తుతం సోషల్ మీడియాలో వైరల్ అయింది.
ఈ ఘటన రాజీవ్ నగర్ ఏరియాలో వార్దా రోడ్డుపై చోటుచేసుకుంది. ఈ రోడ్డు నాగ్ పూర్ ఎయిర్‌పోర్టుకు వెళ్లుతుంది. వేగంగా వెళ్లుతున్న కారు ఎదురుగా ఉన్న బైక్‌ను ప్రైడ్ హోటల్ సమీపంలో ఢీకొట్టింది. కారును ఆపకుండా.. డ్రైవర్ అలాగే ముందు పడిపోయి ఉన్న బైక్‌ను ఈడ్చుకుంటూ నడిపాడు. బైక్ పై ఉన్న ఆ ఇద్దరు మరణం అంచుల వరకు వెళ్లి వచ్చారు. మొత్తంగా ప్రాణాలను దక్కించుకున్నారు. వారిని హాస్పిటల్‌లో చేర్చారు.
Also Read: మనుషుల్ని నగ్నంగా చూడొచ్చని... మ్యాజిక్ మిర్రర్ పేరుతో వృద్ధుడికి టోకరా..
ఈ వీడియో సోషల్ మీడియాలో వైరల్ కావడంతో పోలీసులకు తెలిసింది. కేసు నమోదు చేసుకుని దర్యాప్తు ప్రారంభించారు. బాధితులను రాకేశ్ గాటే, ఆకాశ్ టేకంలుగా గుర్తించారు. వారు తీవ్రంగా గాయపడ్డారు. వారిని ఓ హాస్పిటల్‌లో చేర్చినట్టు వివరించారు.
గుర్తు తెలియని వ్యక్తులపై కేసు నమోదు చేసినట్టు సోనేగావ్ పోలీసు స్టేషన్ అధికారులు చెప్పారు. వారి కోసం గాలింపులు జరుపుతున్నామని, కారును గుర్తించే పనిలో ఉన్నట్టు వివరించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
