ఆవనూనెతో వంట చేస్తే ఎన్ని లాభాలో తెలుసా??
ఆవ నూనెలో చాలా పోషక పదార్థాలు ఉంటాయి. వంటల కోసం పరిమిత మోతాదుల్లో వాడితే.. ఆరోగ్యానికి ఎంతో మేలు చేస్తుంది. ముఖ్యంగా వెయిట్ లాస్ కి బాగా పనికివస్తుంది.
ప్రాచీన కాలం నుండి, ఆవ నూనె భారతీయ సంస్కృతిలో ఒక భాగంగా ఉంది. ఆవనూనెను రకరకాలుగా వాడుతుంటారు. cooking చేయడానికి, మసాజ్ చేయడానికి, దేవతలకు నైవేద్యంగా కూడా విస్తృతంగా ఉపయోగించబడింది.
ఆవపిండితో తయారు చేసే ఈ నూనె కొంచెం pungent smell ఉంటుంది. దీనివల్ల వంటకాలు కొద్దిగా మట్టి టేస్ట్ వస్తాయి. దీనివల్ల వంటనూనెల్లో క్రమంగా మార్పు వచ్చింది. ఆవనూనె స్థానంలో ఆలివ్, కనోలా, సన్ ఫ్లవర్ ఆయిల్ లాంటి ప్రాసెస్ చేసిన, శుద్ధి చేసిన నూనెలు వచ్చేశాయి.
ఇవి ఆరోగ్యకరమైనవి, weight lossకి అనుకూలంగా ఉంటాయని నమ్ముతారు. అయితే, నిజం చెప్పాలంటే, బాగా ప్రాసెస్ చేసిన ఈ నూనెలు మనకు ఎటువంటి మేలు చేయవు. వీటిల్లో పోషకాలు ఉండవు. ఆరోగ్య ప్రయోజనాలు కూడా చాలా తక్కువ ఉంటాయి.
మీరు నిజంగా ఆరోగ్యకరమైన ఆహారం తీసుకుంటే, బరువు తగ్గడానికి, మీ మొత్తం ఆరోగ్యాన్ని మెరుగుపరచడానికి ఉపయోగపడాలంటే mustard oilను మించింది మరొకటి లేదు.
ఆవనూనెలోని పోషక పదార్థాలు
ఆవ నూనెలో చాలా పోషక పదార్థాలు ఉంటాయి. వంటల కోసం పరిమిత మోతాదుల్లో వాడితే.. ఆరోగ్యానికి ఎంతో మేలు చేస్తుంది. ఒక టేబుల్ స్పూన్ ఆవాల నూనెలో ఉండే పోషకాలు...
కేలరీలు : 124
కొవ్వు : 14 గ్రా
సోడియం: 0mg
కార్బోహైడ్రేట్లు: 0 గ్రా
ఫైబర్: 0గ్రా
చక్కెరలు: 0 గ్రా
ప్రోటీన్: 0 గ్రా
ఆవనూనెలో మూడు రకాల fats ఉంటాయి. ఇది తక్కువ మొత్తంలో సంతృప్త కొవ్వులను మాత్రమే కలిగి ఉంటుంది, అందుకే వంటకు చాలా చక్కటి నూనె ఇది. ఇతర కొవ్వులు- బహుళఅసంతృప్త, మోనోశాచురేటెడ్- గుండె ఆరోగ్యానికి ఆరోగ్యకరమైనవిగా పరిగణించబడతాయి. బరువు తగ్గడానికి, దాని ఇతర ఆరోగ్య ప్రయోజనాలకు ఆవనూనె ఎలా సహాయపడుతుందంటే..
బరువు తగ్గడానికి సహాయపడుతుంది...
బ్రిటిష్ జర్నల్ ఆఫ్ న్యూట్రిషన్లో ప్రచురించిన ఒక అధ్యయనం ప్రకారం, ఆవ నూనెతో వండిన ఆహారం ఆకలిని తగ్గిస్తుంది. థర్మోజెనిసిస్ కారణంగా ఇలా జరుగుతుంది. ఇది శరీరంలో ఉత్పత్తి అయ్యే వేడిని సూచిస్తుంది. పైగా, ఆవనూనెలో వండిన ఆహారం సులభంగా జీర్ణమై జీవక్రియ రేటును పెంచుతుంది. జీవక్రియ పెరిగినప్పుడు, సాధారణం కంటే వేగంగా కొవ్వు కరిగిపోతుంది.
చర్మ ఆరోగ్యాన్ని ప్రోత్సహిస్తుంది
ఆవనూనెను మసాజ్ కు వాడతారు. సరైన రీతిలో సరైన విధంగా వాడితే mustard oil చర్మ సంరక్షణలో అద్భుతంగా పనిచేస్తుంది. చర్మంలోని అన్ని పొరలను మాయిశ్చరైజ్ చేస్తుంది. ఈ నూనెతో మసాజ్ చేయడం వల్ల skin మీది ముడతలు, గీతలు తగ్గుతాయి. గోరువెచ్చని ఆవనూనెను జుట్టుకు పూయడం వల్ల hair growth బాగా పెరుగుతుంది. కుదుళ్లు దృఢంగా మారతాయి. అలాగే హోమ్ మేడ్ ఫేస్ ప్యాక్లో కొన్ని చుక్కల ఆవాల నూనెను వేసుకోవడం వల్ల అందంగా మెరిసిపోవచ్చు.
గుండె ఆరోగ్యానికి...
ఆవనూనెలో సహా మోనోఅన్శాచురేటెడ్ ఫ్యాటీ యాసిడ్స్ అధికంగా ఉండటం వల్ల మీ heart పరిస్థితులను మెరుగుపరచడానికి, హృదయ సంబంధ వ్యాధుల ప్రమాదాన్ని తగ్గించడానికి కూడా సహాయపడుతుంది. ఇది ట్రైగ్లిజరైడ్, రక్తపోటు, రక్తంలో చక్కెర స్థాయిలను తగ్గించడంలో సహాయపడుతుందని అధ్యయనాలు చెబుతున్నాయి.
నొప్పిని తగ్గిస్తుంది
ఘాటైన వాసన కలిగి ఉన్నా కూడా ఈ నూనె శరీరంలో pain reducesకి సహాయపడే సమ్మేళనమైన అల్లైల్ ఐసోథియోసైనేట్ కలిగి ఉంటుంది. అంతేకాకుండా, ఈ నూనెలో ఆల్ఫా-లినోలెనిక్ యాసిడ్ (ALA) పుష్కలంగా ఉంటుంది, ఇది ఒక రకమైన ఒమేగా-3 కొవ్వు ఆమ్లం, దీనివల్ల మంట, చిన్న కాలిన గాయాలను తగ్గించడంలో ప్రయోజనకరంగా ఉంటుంది.
జలుబుకు చికిత్స
ఆవాల నూనె అనేది జలుబు, congestionకి చికిత్స చేయడానికి ఒక పురాతన ఆయుర్వేద నివారణ. cold, ఫ్లూతో బాధపడుతున్నప్పుడు వెచ్చని నూనెను ఛాతీకి పూయడం వల్ల త్వరగా కోలుకుంటారు. దీంతోపాటు ఇతర లక్షణాల నుండి ఉపశమనం పొందవచ్చు.