చికెన్ మారినేషన్

చికెన్ లో పెరుగు, ఉప్పు, పసుపు వేసి కలిపి గంటపాటు మారినేట్ చేసుకోవాలి. ధనియాలు, జీలకర్ర, మిరియాలు, లవంగాలు, దాల్చినచెక్క, మెంతులు దోరగా వేయించాలి. అవి చల్లారే వరకు పక్కన పెట్టాలి.

మిరపకాయలను గంటపాటు వేడినీటిలో నానబెట్టాలి. తర్వాత, వేయించిన మసాలాలు, వెల్లుల్లి, చింతపండు, కొద్దిగా నీళ్లు కలిపి మెత్తగా పేస్ట్ చేసుకోవాలి.

ఒక పాన్‌లో నెయ్యి వేడి చేసి, కరివేపాకు వేయాలి. ఆ తర్వాత, సిద్ధం చేసుకున్న మసాలా పేస్ట్ వేసి, నెయ్యి పైకి తేలే వరకు వేయించాలి. ఇప్పుడు మారినేట్ చేసిన చికెన్ వేసి బాగా ఉడికించాలి.

అసలైన టేస్ట్ రావాలంటే, మసాలాను నెయ్యిలోనే బాగా వేయించాలి. ఆ తర్వాతే చికెన్ వేసి ఉడికించాలి. గ్రేవీ అస్సలు పల్చగా ఉండకూడదు, చిక్కగా ఉండాలి. ఈ చికెన్ ఘీ రోస్ట్‌కు దోశ అద్భుతః.