దాల్చిన చెక్కలో యాంటీ బాక్టీరియల్ లక్షణాలు ఉండటంతో, ఇది శరీరంలో బాక్టీరియా , వైరస్ లను నివారించడంలో కీలక పాత్ర పోషిస్తుంది.

ప్రతిరోజూ ఉదయం నిద్రలేచిన వెంటనే రెండు నుండి మూడు గ్లాసుల గోరువెచ్చని నీటిని త్రాగడం శరీరానికి అనేక విధాలుగా మేలు చేస్తుంది. ఇది జీర్ణవ్యవస్థను ఉత్తేజింపజేయడమే కాకుండా, మలవిసర్జనను సహజంగా ప్రభావితం చేస్తుంది. అంతేకాక, ఈ నీటిలో కొద్దిగా నిమ్మరసం లేదా నిమ్మ తొక్క పొడి కలిపితే శరీరానికి మరిన్ని ఆరోగ్య ప్రయోజనాలు లభిస్తాయి. నిమ్మలో ఉండే విటమిన్ C శరీరాన్ని డిటాక్స్ చేయడంలో, రోగనిరోధక శక్తిని పెంచడంలో సహాయపడుతుంది. దీనికి అదనంగా దాల్చిన చెక్క పొడిని కూడా ఈ నీటిలో కలిపి త్రాగడం వల్ల మెరుగైన ఆరోగ్య ప్రయోజనాలు లభించవచ్చు.

దాల్చిన చెక్క అనేది సహజ ఆయుర్వేద ఔషధ గుణాలు కలిగిన ఒక అద్భుతమైన మసాలా పదార్థం. ఇది శరీరంలో జీవక్రియ (మెటబాలిజం)ను వేగవంతం చేసి, కొవ్వు కరగించడంలో సహాయపడుతుంది. దాల్చిన చెక్కలో యాంటీ బాక్టీరియల్ లక్షణాలు ఉండటంతో, ఇది శరీరంలో బాక్టీరియా , వైరస్ లను నివారించడంలో కీలక పాత్ర పోషిస్తుంది.

ముఖ్యంగా జలుబు, దగ్గు, గొంతు ఇన్‌ఫెక్షన్ల వంటి వాటి నివారణకు ఇది సహజమైన చికిత్సగా ఉపయోగపడుతుంది. అలాగే, దాల్చిన చెక్కలో ఉండే యాంటీ ఆక్సిడెంట్లు కణాలను oxidative stress నుండి రక్షిస్తాయి. ఇది మధుమేహం, గుండె సంబంధిత వ్యాధులు, క్యాన్సర్ వంటి దీర్ఘకాలిక వ్యాధులను దూరంగా ఉంచే శక్తిని కలిగి ఉంటాయి.

దాల్చిన చెక్క నీరు రోజువారీగా త్రాగడం వలన టైప్ 2 డయాబెటిస్ నియంత్రణలోకి వస్తుంది. ఇది ఇన్సులిన్‌కు శరీర స్పందనను మెరుగుపరచడం ద్వారా రక్తంలో గ్లూకోజ్ స్థాయిని తగ్గించడంలో సహాయపడుతుంది. అలాగే, ఇది చెడు కొలెస్ట్రాల్ స్థాయిని తగ్గించడంలో, రక్తపోటు నియంత్రణలో కూడా సహాయకరంగా ఉంటుంది. ఈ ప్రయోజనాల వలన గుండె ఆరోగ్యం మెరుగవుతుంది.

తాజా పరిశోధనల ప్రకారం దాల్చిన చెక్కలోని కొన్ని సంకలితాలు క్యాన్సర్ కణాల వృద్ధిని అడ్డుకునే సామర్థ్యం కలిగి ఉన్నాయి. ముఖ్యంగా కాలేయం, మలద్వార క్యాన్సర్ల కు దూరంగా ఉండవచ్చు.

కాబట్టి ప్రతిరోజూ ఉదయం ఖాళీ కడుపుతో గోరువెచ్చని నీటిలో కొద్దిగా నిమ్మరసం, దాల్చిన చెక్క పొడి కలిపి త్రాగడం వలన శరీరానికి పూర్తిస్థాయిలో ఆరోగ్య ప్రయోజనాలు లభించడమే కాకుండా, దీర్ఘకాలిక వ్యాధులను నివారించే అవకాశం కూడా పెరుగుతుంది. ఇది ఒక చిన్న అలవాటే అయినా దీని ప్రభావం మన ఆరోగ్యంపై ఎంతో గొప్పదిగా ఉంటుంది.