ఆమ్రపాలి కొత్త టార్గెట్ ఏంటో తెలుసా? (వీడియో)
- వరంగల్ కలెక్టరేట్ లో నూతన సంవత్సర వేడుకలు
- పాల్గొని కేక్ కట్ చేసిన కలెక్టర్ ఆమ్రపాలి
వరంగల్ అర్బన్ జిల్లా కలెక్టరేట్ లో నూతన సంవత్సర వేడుకలు ఘనంగా జరిగాయి. ఈ వేడుకల్లో కలెక్టర్ ఆమ్రపాలి పాల్గొని కేక్ కట్ చేశారు. ఈ సందర్భంగా జిల్లాలోని వివిధ శాఖల అధికారులు కలెక్టర్ కు బొకేలు ఇచ్చి విషెస్ తెలిపారు. ఈ వేడుకల్లో ఆమ్రపాలి మాట్లాడుతూ... గత సంవత్సరం అధికారుల పనితీరు చాలా బాగుందని కితాబిచ్చారు. అయితే ఈ సంవత్సరం లో మరిన్ని సవాళ్లు ఎదురుకానున్నాయని సూచించారు. ఆ సవాళ్లన్నింటిని తట్టుకుని మెరుగైన పనితీరు కనమర్చాలని సూచించారు. ప్రభుత్వ పథకాలను సక్రమంగా అమలు చేయడంతో పాటు, వినూత్న కార్యక్రమాలను రూపొందించనున్నట్లు ఆమె ప్రతిజ్ఞ చేయించారు.
ఈ నూతన సంవత్సర వేడుకల సందర్భంగా అధికారులతో కలెక్టర్ ఆఫీస్ సందడిగా మారింది. ఆ వేడుకల వీడియోను కింద చూడండి.