బాలయ్య తీరుగా రెచ్చిపోయిన కర్ణాటక మంత్రి సెల్పీ కోసం ప్రయత్నించిన యువకుడిపై దాడి
ఈ మద్యకాలంలో జనాల్లో సెల్పీల గోల ఎక్కువైంది. ఈ సెల్పీల గోల ఇదివరకు సెలబ్రేటిలకే ఉండేది ఇపుడది రాజకీయ నాయకులకు పాకింది. ఎప్పుడూ ప్రజల్లో ఉండే నాయకులు, మాస్ లీడర్లు ఈ సెల్పీల గోలకు తట్టుకోలేక కాస్త దురుసుగా ప్రవర్తిస్తారు. అలా ఓ అభిమానితో హీరో బాలయ్య కాస్త దురుసుగా ప్రవర్తించి విమర్శలపాలైన విషయం తెలిసిందే. సేమ్ అలాగే కర్ణాటకలో ఓ మంత్రి సెల్పీ దిగడానికి ప్రయత్నించిన ఓ వ్యక్తిపై దాడి చేశాడు. ఈ వీడియో కాస్త సోషల్ మీడియాకెక్కి వైరల్ గా మారింది.
కర్ణాటక మంత్రి డీకే శివకుమార్ ఓ కార్యక్రమంలో పాల్గొనేందుకు బళ్లారికి వెళ్లాడు. అయితే మంత్రి గారితో పోటో దిగాలన్న కుతూహలంతో ఆయన అనుమతి లేకుండానే ఓ యువకుడు సెల్పీకి ప్రయత్నించాడు. దీంతో ఆగ్రహం తెచ్చుకున్న మంత్రి.. సదరు యువకుడి చేయిపై బలంగా కొట్టాడు. ఈ క్రమంలో ఫోన్ కూడా కిందపడిపోయింది. ఈ వీడియోపై సోషల్ మీడియాలో పలు రకాలుగా చర్చలు జరుగుతున్నాయి. మంత్రి అంత కరుకుగా ప్రవర్తించి ఉండాల్సింది కాదని కొందరు అభిప్రాయపడగా, యువకుడే అత్యుత్సాహానికి పోయి అనుమతి లేకుండా ఇలా ప్రయత్నించి మంత్రిని ఇబ్బంది పెట్టాడని అభిప్రాయపడుతున్నాడు.
