ఈ అధికార పార్టీ నాయకుడి దౌర్జన్యం చూడండి ( వీడియో)
- బెంగళూరులో కాంగ్రెస్ నాయకుడి వీరంగం
- ప్రభత్వ కార్యాలయాన్ని తగలబెడతానంటూ బెదిరింపు
కర్ణాటకలో లో అధికార కాంగ్రెస్ నాయకుల దౌర్జన్యాలు మితిమీరిపోతున్నాయి. తండ్రి అధికారాన్ని అండగా చూసుకుని ఓ ఎమ్మెల్యే కొడుకు పబ్ లో ఓ యువకుడిపై దాడి చేసిన సంఘటన మరువకు ముందే మరో నేత రెచ్చిపోయాడు. ఈ సారి ఏకంగా ఓ కాంగ్రెస్ నేత ప్రభుత్వాధికారిని హడలగొట్టాడు. తన పని చేసిపెట్టక పోతే కార్యాలయాన్ని తగటపెడతానంటూ బెదిరింపులకు దిగడమే కాదు, ఓ బాటిల్ పెట్రోల్ తీసుకువచ్చి కార్యాలయంలో చల్లాడు. ఇప్పటికిప్పుడు తన పని చేయకపోతే తగలబెడతానంటూ అధికారిని బెదిరించాడు.
కేఆర్ పురం కాంగ్రెస్ అద్యక్షుడు నారాయణ స్వామి బెంగళూరు మహానగర పాలికె అధికారులపై రెచ్చిపోయాడు. ఇతడికి సంబంధించిన ఓ ఆస్తి వ్యవహారంలో అధికారులు సహకరించడం లేదంటూ ఈ నెల 16న బీబీఎంపీ కార్యాలయానికి వెళ్లి ఇలా రౌడీయిజం చెలాయించినట్లు సమాచారం. ఈ వీడియో కాస్త సోషల్ మీడియాలో ప్రత్యక్షమైంది. దీంతో ఈ అధికార రౌడీయిజంతో కాంగ్రెస్ నాయకులు అధికారులను బెదిరించడం వారి పతనానికి దారితీస్తుందని కొందరు నెటిజన్లు మండిపడుతున్నారు.
కాంగ్రెస్ నాయకుడి దౌర్జన్యం చూడండి