ఆ విమానంలో ఎర్రబస్సు కంటే అధ్వాన్నమైన సేవలు మిగిలిపోయిన మందును కొత్త సీసాల్లో నింపి అందిస్తున్నారు వీడియో తీసిన ప్రయాణికుడు సోషల్ మీడియాలో వైరల్
విమానయాన సంస్థలు ప్రయాణికులకు ఎంత నాసిరకం సేవలు అందిస్తున్నాయో తెలియచేసే వీడియో ఒకటి సోషల్ మీడియాలో వైరల్ గా మారింది.ఎంతో ఉత్తమమైన సేవలు అందిస్తామని చెప్పుకునే ఎమిరేట్స్ విమానయాన సంస్థకు సంభందించిన విమానంలో ఈ సంఘటన జరగడం గమనార్హం.
దుబాయ్ నుంచి బార్సిలోనా వెళ్తున్న విమానంలో ఓ ఎయిర్హోస్టెస్ మిగిలిపోయిన మద్యాన్ని ఖాళీ బాటిళ్లలో నింపుతూ కనిపించింది. ఈ విషయాన్ని గమనించిన ప్రయాణికుడు సెల్ఫోన్లో బందించాడు.ఈ వీడియోను సోషల్ మీడియాలో పోస్ట్ చేయడంతో అది కాస్తా వైరల్ గా మారింది.
ఈ వీడియోని బిజినెస్ క్లాసులో తీసినట్లు స్పష్టంగా కనబడుతోంది. బిజినెస్ క్లాస్ పరిస్థితే ఇలా ఉంటే ఎకానమీలో పరిస్థితిని ఊహించలేమని ప్రయాణికులు వాపోతున్నారు.
ఈ విషయంపై ఎమిరేట్స్ విమాన సంస్థకు చెందిన అధికార ప్రతినిధి వివరిణ ఇస్తూ.. వీడియోలోని నిజానిజాలు తెల్సుకోడానికి విచారణ చేపడుతున్నట్లు వెల్లడించారు.అయితే ఈ వీడియో చూసిన వారు మాత్రం విమానంలో ప్రయాణికుల పట్ల ఉదాసీనంగా వ్యవహరించడం నిజమేనని వాపోతున్నారు.
