ఫిట్నెస్ విషయంలో తాప్సీ మిస్. పర్ఫెక్ట్..!
తప్పడ్ లో ఓ సాధారణ గృహిణి పాత్రతో ఆకట్టుకున్న ఆమె.. టీమిండియా మహిళా క్రికెటర్ మిథాలీ రాజ్ బయోపిక్ లోనూ.. అంతే అదరగొట్టింది. తాజాగా.. దీనికి సంబంధించిన ట్రైలర్ విడుదలవ్వగా.. అది అందరినీ ఆకట్టుకుంటోంది.
తాప్సీ పన్ను.. పెద్దగా పరిచయం చేయనక్కర్లేదు. కేవలం తెలుగులోనే కాకుండా ఆమె.. బాలీవుడ్ లోనూ వరస సినిమాలో దూసుకుపోతోంది. తెలుగులో ఝుమ్మంది నాదం సినిమాతో.. వెండి తెరకు పరిచయం అయ్యింది. ఆ తర్వాత.. మిస్టర్ పర్ఫెక్ట్ లాంటి కొన్ని సినిమాల్లో నటించింది.
ఆ తర్వాత తెలుగు సినిమాలను పూర్తిగా దూరం పెట్టిన తాప్సీ.. బాలీవుడ్ లో వరస అవకాశాలు అందుకుంటూ ముందుకు దూసుకుపోతోంది. అయితే.... అందరిలాగా ఏ సినిమా పడితే ఆ సినిమా తాప్సీ ఒప్పుకోదు. కేవలం.. కథ పరంగా.. తన పాత్రకు ప్రాముఖ్యత ఉన్న పాత్రలను మాత్రమే ఎంచుకుంటూ.. అందరినీ ఆకట్టుకుంటోంది.
తాప్సీ పన్ను టాలీవుడ్ నుంచి హీరోయిన్ గా పరిచయం అయ్యింది. ఇక్కడ అవకాశాలు తగ్గడంతో బాలీవుడ్ చేరి, అక్కడ ఫైర్ బ్రాండ్ ఇమేజ్ సాధించింది. మిమెన్ సెంట్రిక్ మూవీస్ తో బాలీవుడ్ లో స్పెషల్ ఇమేజ్ సొంతం చేసుకున్న తాప్సీ.. అమితాబ్ లాంటి స్టార్స్ తో కలిసి స్క్రీన్ శేర్ చేసుకుంది.
తప్పడ్ లో ఓ సాధారణ గృహిణి పాత్రతో ఆకట్టుకున్న ఆమె.. టీమిండియా మహిళా క్రికెటర్ మిథాలీ రాజ్ బయోపిక్ లోనూ.. అంతే అదరగొట్టింది. తాజాగా.. దీనికి సంబంధించిన ట్రైలర్ విడుదలవ్వగా.. అది అందరినీ ఆకట్టుకుంటోంది.
హీరోయిన్లు.. ఎలాంటి సినిమాలు అయినా సులభంగా చేయగలరేమో కానీ.. ఈ క్రీడలకు సంబంధించిన రోల్స్ అందులోనూ కీ రోల్ ప్లే చేయాలంటే.. అందుకు తగినట్లుగా తమ శరీరాన్ని కూడా మార్చుకోవాలి. అందులో.. తాప్సీ ముందుంటుంది.
ఆమె.. తన ఫిట్నెస్ విషయంలో చాలా జాగ్రత్తగా ఉంటారు. అందుకే... శభాష్ మితు లోనూ.. నిజమైన క్రికెటర్ లాగానే కనపడింది. అయితే.. తన ఫిట్నెస్ కోసం తాప్సీ ఏం చేస్తుంది. డైట్ లో ఎలాంటి ఆహారం తీసుకుంటుందో ఓసారి చూద్దాం..
ఇటీవల తాప్సీ ఓ ఇంటర్వ్యూలో చెప్పిన దాని ప్రకారం.. ఆమెకు ఎలాంటి బాడీ గార్డ్స్ అవసరం లేదట. మామూలుగా అయితే.. హీరోయిన్లకు బాడీగార్డ్స్ ఉంటారు. అయితే.. తనకు అవసరం లేదని.. తనను తాను చూసుకోగలనని .. తనని కాపాడటానికి మరొకరు అవసరం లేదని చెప్పడం గమనార్హం.
నిజానికీ.. హీరోయిన్లు అందరూ ఫిట్నెస్ విషయంలో చాలా స్ట్రాంగ్ గానే ఉంటారు. అయితే.. ఏదైనా వెకేషన్ కి వెళ్లినప్పుడు లేదంటే.. చీట్ డే అని.. ఏదో ఒక రోజు ఫిట్నెస్ కి దూరమౌతారు. కానీ.. తాప్సీ మాత్రం వ్యాయామం విషయంలో అస్సలు బ్రేక్ ఇవ్వదట. ప్రతిరోజూ చేయాల్సిందే. లాక్ డౌన్ లోనూ.. ఆమె ప్రాక్టీస్ చేయడం విశేషం.
ఇక.. సినిమాలు కూడా ఆమె ఎంచుకునేవి చాలా భిన్నంగా ఉంటాయి. ఆ సినిమాలకు తగినట్లుగా తన బాడీని మార్చుకుంటుంది. అందుకు రష్మీ రాకెట్, శభాష్ మితు సినిమాలే నిదర్శనం. అన్ని రకాల వ్యాయామాలను ఆమె చేస్తూ ఉంటారట.
గతంలో తాప్సీ డెయిరీ ప్రోడక్ట్స్ ని అస్సలు తినేది కాదట. కానీ.. రష్మీ రాకెట్ సినిమా షూటింగ్ సమయంలో.. ఆమె వాటిని ఫ్యాన్ అయిపోయిందట. తన డైటీషియన్ సలహాతో ఇప్పుడు.. డెయిరీ ప్రోడక్ట్స్ ని కూడా ఆమె తన డైట్ లో కలుపుకోవడం గమనార్హం.
ఇక.. ఎక్కడికైనా వెకేషన్ కి వెళ్లినప్పుడు కూడా.. ఆమె తన ఫిట్నెస్ విషయంలో బ్రేక్ ఇవ్వదట. వ్యాయామాలు చేయడానికి కురదకపోతే.. కనీసం వాకింగ్, యోగా లాంటివైనా చేస్తుందట. అంతేకానీ.. బ్రేక్ మాత్రం ఇవ్వదట.