రాత్రిపూట ఇదొక్కటి రాసినా .. ఉదయానికల్లా మీ ముఖం మెరిసిపోతుంది

ముఖం అందంగా ఉండటానికి ఆడవాళ్లు ఎన్నో ప్రయత్నాలు చేస్తుంటారు. అయితే రాత్రిపూట కొన్ని పదార్థాలను ముఖానికి రాస్తే ఉదయానికల్లా అందంగా మారుతుంది. అదేంటో ఇప్పుడు తెలుసుకుందాం..

ముఖం అందంగా, మెరిసిపోవాలని ప్రతి ఒక్కరికీ ఉంటుంది. ఒక్క యూత్ మాత్రమే కాదు వృద్ధులు కూడా తమ ముఖం కాంతివంతంగా ఉండాలని కోరుకుంటారు. దీనికోసం ఎన్నో ప్రయత్నాలు కూడా చేస్తుంటారు. అయితే చాలా మంది మార్కెట్ లో ఉండే బ్యూటీ ప్రొడక్ట్స్ ను వాడుతుంటారు. కానీ వీటిని ఉపయోగించడం వల్ల ఎలాంటి ప్రయోజనం ఉండదు. అందులోనూ ఇవి ముఖ అందాన్ని పాడు చేస్తాయి కూడా.

రోజంతా పనుల్లో బిజీగా ఉండేవారికి చర్మ సంరక్షణకు తగిన సమయం ఉండదు. ఇలాంటి వారికోసం కొన్ని చిట్కాలు బాగా ఉపయోగపడతాయి. రాత్రి పడుకునే ముందు ముఖానికి కొన్ని పదార్థాలు పెడిగే మీ ముఖం సాఫ్ట్ గా, కాంతివంతంగా తయారవుతుంది. అదెలాగో ఇప్పుడు ఇప్పుడు తెలుసుకుందాం పదండి. 

పచ్చి పాలు:

మన చర్మానికి  పచ్చి పాలు చేసే మేలు అంతా ఇంతా కాదు. ఎలా అంటే పచ్చి పాలలో ఉండే లాక్టిక్ యాసిడ్ చర్మాన్ని శుభ్రపరుస్తుంది. అలాగే చనిపోయిన డెడ్ స్కిన్ సెల్స్ ను తొలగించడంలో చాలా ఎఫెక్టీవ్ గా పనిచేస్తుంది. ఇందుకోసం ఒక గిన్నెలో పచ్చి పాలను తీసుకుని దాంట్లో కాటన్ బాల్ ను ముంచండి. దీనితో మీ ముఖాన్ని బాగా తుడవండి. కొద్దిసేపటి తర్వాత ముఖాన్ని కడగండి. 

కొబ్బరి నూనె:

కొబ్బరి నూనె కూడా ముఖాన్ని అందంగా, కాంతివంతంగా చేయడానికి సహాయపడుతుంది. ముఖ్యంగా చలికాలంలో కొబ్బరి నూనె మీ ముఖాన్ని తేమగా, కాంతివంతంగా చేయడానికి సహాయపడుతుంది. ఇందుకోసం రాత్రిపూట పడుకునే ముందు 2-3 చుక్కల కొబ్బరి నూనెను అరచేతికి రుద్ది ముఖానికి పెట్టండి. దీన్ని రాత్రంతా అలాగే ఉంచి ఉదయాన్నే ముఖాన్ని కడిగేస్తే సరిపోతుంది. 

బాదం నూనె:

మన ముఖాన్ని అందంగా చేయడంలో బాదం నూనె కూడా బాగా సహాయపడుతుంది. ఈ నూనెలో ఉండే విటమిన్ ఇ చర్మానికి పోషణనిస్తుంది. అలాగే చర్మాన్ని మెరిసేలా చేస్తుంది. అందుకే రాత్రిపడుకునే ముందు కొన్ని చుక్కల బాదం నూనెను ముఖానికి రాసి కాసేపు మసాజ్ చేయండి. దీన్ని రాత్రంతా అలాగే ఉంచి ఉదయాన్నే ముఖాన్ని కడగండి. 

కలబంద గుజ్జు:

కలబంద గుజ్జు కూడా ముఖాన్ని మెరిపిస్తుంది. ఈ గుజ్జులో ఉండే యాంటీఆక్సిడెంట్లు, విటమిన్లు ముఖ చర్మాన్ని తేమగా ఉంచుతాయి. ఇందుకోసం తాజా కలబంద గుజ్జును తీసుకుని ముఖానికి రాయండి. దీన్ని రాత్రంతా అలాగే ఉంచి ఉదయాన్నే కడిగేయండి. 

గులాబీ నీరు:

రోజ్ వాటర్ కూడా మన ముఖాన్ని అందంగా చేయడంలో సహాయపడుతుంది. ఇది మన చర్మానికి ఫ్రెష్ నెస్ ను ఇస్తుంది. అలాగే ఇది మంచి టోనర్ లా కూడా పనిచేస్తుంది. అందుకే దీన్ని రాత్రపడుకునే ముందు ముఖానికి రాయండి. ఆ తర్వాత  మంచి మాయిశ్చరైజర్‌ను వాడండి. ఇలా కాకుండా మీరు రోజ్ వాటర్ లో కొంచెం చందనానని కలిపి ఫేస్ ప్యాక్ లా కూడా వేసుకోవచ్చు. దీన్ని 20 నిమిషాల తర్వాత కడిగేయండి.