Skin Care: మందార పువ్వులో ఇవి కలిపి రాస్తే చాలు, మెరిసే ముఖం మీ సొంతం

మందార పువ్వు ను చాలా మంది జుట్టు సంరక్షణలో భాగంగా వాడుతూనే ఉంటారు. ఈ విషయం ప్రత్యేకంగా చెప్పాల్సిన అవసరం లేదు. కానీ, ఇవే మందారపూలు మీ జుట్టుతో పాటు మీ ముఖ సౌందర్యాన్ని కూడా పెంచుతాయని మీకు తెలుసా? మీరు చదివింది నిజమే, కానీ ఆ మందార పూలను ఎలా వాడాలి అనే విషయం మాత్రం కచ్చితంగా తెలుసుకోవాలి. 

hibiscus

ఇప్పటి వరకు మీరు జుట్టు స్మూత్ గా మారడానికి, అందంగా కనిపించడానికి మందార ఆకులు, మందారపూలు వాడే ఉంటారు. కానీ, ఇవే మందార పూలను వాడి.. మీ ముఖ సౌందర్యాన్ని ఎప్పుడైనా పెంచుకున్నారా? మందార పూలను ఎలా వాడితే ముఖం అందంగా మెరిసిపోతుందో తెలుసుకోవాలని ఉందా? ముఖంతో పాటు మీ జుట్టు కూడా అందంగా మార్చుకునేదెలానో తెలుసుకుందాం.. మందార పూలలో మన చర్మానికీ, జుట్టుకు మేలు చేసే అద్భుతమైన లక్షణాలు ఉన్నాయి.ఆల్ఫా హైడ్రాక్సీ ఆమ్లం ఈ పూలలో పుష్కలంగా ఉంటుంది. ఇది చర్మాన్ని ఆరోగ్యంగా, అందంగా మార్చడంలో సహాయపడుతుంది. ముఖంపై పిగ్మెంటేషన్  తొలగించడమే కాకుండా, యవ్వనంగా కనిపించేలా చేస్తుంది.

జుట్టు కోసం ఎలా వాడాలి..?

మీ జుట్టు జిడ్డుగా ఉంటే, ఆ జిడ్డును వదిలించుకోవడానికి మీరు మందార పూలను వాడొచ్చు.మీరు కొన్ని మందార పూలు, మెంతులు తీసుకోవాలి. వాటిని రుబ్బి.. దానికి ఒక టీ స్పూన్ ఆలివ్ నూనె కలపాలి. ఈ మిశ్రమాన్ని జుట్టుకు అప్ల చేసి.. గంట తర్వాత షాంపూ చేస్తే చాలు. ఇలా రెగ్యులర్ గా చేయడం వల్ల జుట్టు మృదువుగా, మెరిచేలా చేస్తుంది.మందార పూలు మంచి హెయిర్ కండిషనర్ లా కూడా పని చేస్తాయి. మీ జుట్టు పొడిగా, నిర్జీవంగా మారి కనపడితే, మీరు మందార నూనె వాడొచ్చు. ఈ నూనె రాయడం వల్ల మీ జుట్టు మృదువుగా మారుతుంది. ఈ పూలను గ్రైండ్ చేసి, వాటికి ఒక టీస్పూన్ కొబ్బరి నూనె కలిపి జుట్టుకు రాసి మసాజ్ చేస్తే చాలు. ఇలా రెగ్యులర్ గా చేయడం వల్ల  జుట్టు అందంగా మారుతుంది.

ముఖ సౌందర్యం కోసం..

తేనె, కాఫీ వంటి వాటితో కలిపి ముఖానికి మందారపూల మిశ్రమం రాస్తే.. మీ ముఖం అందంగా మారుతుంది.  అర కప్పు గ్రౌండ్ కాఫీ పౌడర్‌ను 2 టేబుల్ స్పూన్ల తేనె,2టేబుల్ స్పూన్ల మందార పువ్వులతో కలిపి ఆ మిశ్రమాన్ని మీ ముఖంపై వారానికి 2 నుండి 3 సార్లు అప్లై చేయండి. ఇలా చేయడం వల్ల ముఖంపై మొటిమల సమస్య ఉండదు. ఫేస్ కూడా స్మూత్ గా మెరుస్తూ కనపడుతుంది. ట్యాన్ కూడా పోతుంది.ఇలా రెగ్యులర్ గా చేస్తే.. మీ ముఖం అందంగా కనపడుతుంది.