Skin Care: నెలరోజులు ఇవి రోజూ తింటే... మీ వయసు పదేళ్లు తగ్గుతుంది..!
Skin Care: విటమిన్లు, యాంటీ ఆక్సిడెంట్లు, ఖనిజాలు అధికంగా ఉండే పండ్లు, కూరగాయలు ఎక్కువగా తినడం వల్ల మీ చర్మం చాలా మృదువుగా మారడానికి సహాయపడతాయి. యవ్వనంగా కనిపించడంలోనూ హెల్ప్ చేస్తాయి.
skin care
మనం ఏం తింటామో.. అదే మన ముఖంలో కనపడుతుంది. మనం తీసుకునే ఆహారాన్ని బట్టే మన అందం ఆధారపడి ఉంటుంది. అందుకే... యవ్వనంగా, మెరిసే చర్మం పొందాలి అంటే... ఆరోగ్యకరమైన ఆహారం కచ్చితంగా తీసుకోవాలి. అందుకే, ప్రతిరోజూ మన డైట్ లో కొన్ని రకాల ఆహారాలను భాగం చేసుకుంటే, ఖరీదైన క్రీములు కొని ముఖానికి పూయాల్సిన అవసరమే లేదు. మరి, ప్రతిరోజూ ఎలాంటి ఆహారాలు కచ్చితంగా తీసుకోవాలో ఇప్పుడు చూద్దాం....
క్యారెట్....
క్యారెట్లు చర్మ అందాన్ని పెంచడంలో బెస్ట్ అని చెప్పొచ్చు. వీటిలో విటమిన్ ఎ, బీటా కెరోటిన్ పుష్కలంగా ఉంటుంది. ఇవి మీ చర్మాన్ని హానికరమైన యూవీ కిరణాల నుంచి రక్షించడంలో సహాయపడతాయి. చర్మ ఆరోగ్యాన్ని కాపాడుకోవడానికి విటమిన్ ఎ చాలా అవసరం. అంతేకాదు.. క్యారెట లోని యాంటీ ఆక్సిడెంట్లు చర్మ కణాలను దెబ్బతీసే, వృద్ధాప్యానికి హానికరమయ్యే ఫ్రీ రాడికల్స్ ని తొలగిస్తాయి. అందుకే, క్రమం తప్పకుండా క్యారెట్ లను డైట్ లో భాగం చేసుకోవడం వల్ల .. చర్మం పొడిబారకుండా, యవ్వనంగా కనిపించడానికి సహాయపడుతుంది.
టమాట..
టమాటాలు లైకోపీన్ అనే శక్తివంతమైన యాంటీఆక్సిడెంట్తో నిండి ఉంటాయి. ఇవి UV కిరణాల వల్ల కలిగే నష్టం నుండి చర్మాన్ని రక్షించడంలో సహాయపడుతుంది. టమోటాలను క్రమం తప్పకుండా తీసుకోవడం వల్ల చర్మ వృద్ధాప్యాన్ని నివారించడంలో , చర్మ ఆకృతిని మెరుగుపరచడంలో సహాయపడతాయి. వీటిని రెగ్యులర్ గా తీసుకోవడం వల్ల.. ముఖంపై ముడతలు రావు. ఎక్కువ కాలం యవ్వనంగా కనిపిస్తారు.
అవోకాడో:
అవకాడోలో ఆరోగ్యకరమైన మోనోశాచురేటెడ్ కొవ్వులు పుష్కలంగా ఉంటాయి. ఇవి మీ చర్మాన్ని హైడ్రేటెడ్ , మృదువుగా ఉంచడంలో సహాయపడతాయి. రెగ్యులర్ గా అవకాడో తినడం వల్ల ముఖం మృదువుగా మారుతుంది. యవ్వనంగా కూడా కనిపిస్తారు.
పాలకూర:
పాలకూర మొత్తం చర్మ ఆరోగ్యాన్ని మెరుగుపరచడంలో సహాయపడుతుంది. ఇందులో ఐరన్ పుష్కలంగా ఉంటుంది. చర్మ కణాలకు ఆక్సిజన్ అందించడంలో ఇది ముఖ్యమైన పాత్ర పోషిస్తుంది. ఇది మీ చర్మం ప్రకాశవంతంగా , ఆరోగ్యంగా ఉండేలా చేస్తుంది. పాలకూరలో విటమిన్లు A, C , K వంటి అనేక విటమిన్లు ఉంటాయి. ఇవి చర్మాన్ని అందంగా మారుస్తాయి.
బెర్రీలు:
బ్లూబెర్రీస్, స్ట్రాబెర్రీలు, రాస్ప్బెర్రీస్ , బ్లాక్బెర్రీస్ వంటి బెర్రీలలో యాంటీఆక్సిడెంట్లు పుష్కలంగా ఉంటాయి. వాటిలో ముఖ్యంగా ఆంథోసైనిన్లు పుష్కలంగా ఉంటాయి. ఇవి ఆక్సీకరణ ఒత్తిడి , ఫ్రీ రాడికల్ నష్టాన్ని ఎదుర్కోవడానికి సహాయపడతాయి. బెర్రీలలో అధిక విటమిన్ సి కంటెంట్ కొల్లాజెన్ ఉత్పత్తిని ప్రోత్సహిస్తుంది. కొల్లాజెన్ ఉత్పత్తి సరిగా ఉంటే.. మీ ముఖం యవ్వనంగా కనపడుతుంది.
ప్రతిరోజూ ఇలాంటి ఆరోగ్యకరమైన ఆహారాన్ని తీసుకోవడం ద్వారా, మీరు మీ చర్మాన్ని మాత్రమే కాకుండా మీ మొత్తం ఆరోగ్యాన్ని కూడా మెరుగుపరచుకోవచ్చు.
