Viral News: జంతువులకు మాటలొస్తే ఏం మాట్లాడతాయి? మనుషులను కచ్చితంగా ఇలాగే ప్రశ్నిస్తాయి కావొచ్చు!

జంతువులను ప్రస్తావిస్తూ మనం పలు సామెతలను వాడుతుంటాం. ఒకవేళ జంతువులు మాట్లాడగలిగితే. అవి మనుషులను ఇలాగే ప్రశ్నిస్తాయని ఓ వీడియో సోషల్‌ మీడియాలో వైరల్‌ అవుతోంది.? ఎంతకీ ఆ వీడియోలో ఏముందో ఇప్పుడు తెలుసుకుందాం..   

Viral News

* 'ఊరిలో పెళ్లికి కుక్కల హడావుడి' అనే సామెత గురించి వినే ఉంటాం. మనకు సంబంధం లేని విషయంలో ఎక్కువగా హంగామా చేస్తుంటే ఈ సామెతను ఉపయోగిస్తుంటాం. ఒకవేళ కుక్కులు మాట్లాడితే.. 'మీ ఊరిలో పెళ్లికి మేం ఎందుకు హడావుడి చేస్తామండి' అని ప్రశ్నిస్తాయి కాబోలు. 

* ఒక వస్తువు గొప్పతనం గుర్తించలేకపోయినా, దానిని ఎలా ఉపయోగించాలో తెలియకపోయినా.. 'పందికి ఏం తెలుస్తుంది పాండ్స్‌ పౌడర్‌ వాసన' అనే సామెత వినే ఉంటాం. ఒకవేళ పందులు మాట్లాడితే.. 'అసలు మాకు పాండ్స్‌ పౌడర్‌తో పనేంటి' అని కచ్చితంగా ప్రశిస్తాయి. 

Crocodile

* ఒకవేళ మొసలికి మాటలొస్తే అది ముందుగా అడిగే ప్రశ్న.. 'మేము అసలు పండుగలు చేసుకోమని' కాబోలు. ముందుంది ముసళ్ల పండగ అనే సామెత గురించి వినే ఉంటాం. 

* ఆకలి వేస్తే కడుపులో ఎలుకలు పరిగెడుతున్నాయి అని అంటుంటారు. ఒకవేళ ఎలుకలు మాట్లాడితే.. 'మీ పొట్టలో మేము ఎందుకు పరిగెడుతామని' అడుగుతాయి కావొచ్చు. 

red fox

* మన స్థోమతకు మించి రెచ్చిపోయే వారిని ఉద్దేశిస్తూ.. 'పులిని చూసి నక్క వాతలు పెట్టుకున్నట్లు' అనే సామెత చెబుతుంటారు. ఒకవేళ నక్క నిజంగానే మాట్లాడితే.. 'అసలు పులిని చూసి నేనేందుకు వాతలు' పెట్టుకుంటాననని అడుగుతుంది కాబోలు. 

* ఒకవేళ కాకి మాట్లాడితే.. మొదట అడిగే ప్రశ్న 'అసలు మీ కాళ్లను మేమేందుకు మింగుతాం' అని అడుగుతాయి కాబోలు. ఏదైనా వస్తువు కనిపించకపోతే కాళ్లు కాకులు మింగాయా.? అనే సామెత ఉందన్న విషయం తెలిసిందే. 

* పాములు మాట్లాడితే అడిగే ప్రశ్న.. 'ఎన్ని సార్లు కొట్టినా మేము ఎందుకు చావం' అని అంటాయి కాబోలు. మొండి ఘటాలను.. ఎన్నిసార్లు కొట్టినా చావని పామువురా నువ్వు అని తిడుతుంటారన్న విషయం తెలిసిందే. 

* ఎవరినైనా గుడ్డిగా నమ్మితే.. వారిని ఉద్దేశిస్తూ 'గొర్రె కసాయి వాడినే నమ్ముతుంది' అనే సామెతను ఉపయోగిస్తుంటారు. ఒకవేళ గొర్రెలకు మాటలొస్తే.. బహుశా మొదట 'అసలు మేం ఎందుకు కసాయి వాడిని నమ్ముతాం' అని ప్రశ్నిస్తుంది కాబోలు.