21 రోజుల్లో 13 దేశాలు చుట్టే అద్భుత రైలు ప్రయాణం! మీరు రెడీనా?
Worlds Longest Train Journey: దేశాలు చుట్టి రావాలని ఎవరికి ఉండదు చెప్పండి. కాని డబ్బు, సమయం రెండు కలిసి రావడం కష్టం. అందుకే తక్కువ టైమ్ లో ఎక్కువ దేశాలు తిరిగి వచ్చే అద్భుతమైన ట్రైన్ జర్నీ గురించి ఇప్పుడు తెలుసుకుందాం.
ప్రపంచంలోనే అతి పొడవైన రైలు ప్రయాణం చేయాలని ఉందా? అయితే మీరు 21 రోజులు సెలవలు పెట్టేయండి. ఈ మూడు వారాల్లో మీరు ఏకంగా 13 దేశాలు చుట్టి రావచ్చు. ఇంత తక్కువ టైమ్ లో అన్ని ఎలా తిరగాలో తెలియాలంటే ఈ స్టోరీ పూర్తిగా చదవండి. ఈ ట్రైన్ జర్నీ పోర్చుగల్ దేశంలో మొదలై సింగపూర్ లో ముగుస్తుంది. దీనికి టికెట్ ధర, రూట్ మ్యాప్, ఇతర వివరాలు ఇప్పుడు తెలుసుకుందాం.
ఈ ప్రయాణం ఎక్కడ మొదలవుతుంది?
రైలు ప్రయాణం ఎప్పుడూ ప్రత్యేకమే. కిటికీలోంచి కనిపించే ప్రకృతి దృశ్యాలు, ఊరూరి కథలు చాలా ఆసక్తిగా జర్నీ సాగుతుంది. అలాంటిది 21 రోజుల పాటు 13 దేశాలు చుట్టే రైలు ప్రయాణం చేస్తే ఎలా ఉంటుందో ఊహించండి.
ఈ చారిత్రాత్మక రైలు ప్రయాణం పోర్చుగల్ దేశంలోని లాగోస్ నుండి ప్రారంభమై సింగపూర్‌లో ముగుస్తుంది. స్పెయిన్, ఫ్రాన్స్, రష్యా, చైనా, వియత్నాం, థాయిలాండ్ వంటి దేశాల గుండా ఈ రైలు ప్రయాణం సాగుతుంది.
దూరం, స్టాప్‌లు
- మొత్తం దూరం: 18,755 కి.మీ.
- రోజులు: 21
- దేశాలు: 13
- ముఖ్య నగరాలు: పారిస్, మాస్కో, బీజింగ్, బ్యాంకాక్
- స్టాప్‌లు: 11
- ఈ ట్రైన్ జర్నీలో రాత్రి బస చేసే అవకాశం కూడా ఉంటుంది.
రైలు ప్రయాణం ఎలా సాగుతుంది?
వివిధ దేశాల రైళ్లు ఒకదానితో ఒకటి లింకప్ అయి ఉంటాయి. అందుకే కొన్ని చోట్ల రైలు మారాల్సి ఉంటుంది. ప్రతి స్టేషన్‌లో ఆ దేశాన్ని చూసే అవకాశం ఉంటుంది. ఇన్ని దేశాలు చుట్టి రావడానికి ఎన్నో రూ.లక్షలు ఖర్చు చేయాలి అనుకుంటున్నారా? టికెట్ ధర కేవలం రూ.1,15,000.
వీసా, డాక్యుమెంట్లు
13 దేశాలకు వీసాలు, డాక్యుమెంట్లు అవసరం. ట్రావెల్ ఇన్సూరెన్స్, పాస్‌పోర్ట్ గడువు, అంతర్జాతీయ ప్రయాణ నియమాలు తెలుసుకొని వాటిని పాటించాల్సి ఉంటుంది.
వివిధ దేశాల కలయితో డిజైన్ చేసిన ఈ లాంగెస్ట్ ట్రైన్ జర్నీ చేయాలనుకొనే ముందుగానే బుకింగ్ చేసుకోవాలి. సంబంధిత వెబ్ సైట్ కి వెళ్లి ముందుగానే టికెట్ బుక్ చేసుకోండి. ప్రతి దేశానికి మొబైల్ సిమ్, ఇంటర్నెట్, స్థానిక కరెన్సీ ఏర్పాటు చేసుకోండి. బడ్జెట్ ముందుగానే ప్లాన్ చేసుకోండి.
